Federale 1ean egoiteko galtoa pausatü dü Mauleko rügbi taldeak Frantses Federazioan, horren berri emanik izan da berriki igaran den biltzar nausian. Arrazu ekonomikoen gatik, holako heineko talde zonbait mailaz eraisteaz mehatxatürik dira, ondorioz lekü zonbait libratüko dira. Beñat Queheille taldeko lehendakariak erran deikünaz, zorretan diren taldeak zigortü behar dira. Mementoko, bere taldea Federale 2an baldinbada, hilabete bat barne arrapostü bat ükenen düe eta erantzün baikor balinbada, jokülariekin eztabadatü ondoan delibero bat hartüko düe, Federale 1ean egonen düen ala ez trinkatzeko. Jadanik, aitzineko urteetan Mauleko taldea salbatürik izan zen gisa horrez.

Entzün Beñat Queheille SAM rügbi alkarteko lehendakaria : 

Irati xtrem izena düan zikloturisma ibilaldia iraganen da aurten 7 gerren aldikotz. Arramaiatzaren 16an goizanko 9tan Otxagabiatik hasiko da berriz Otxagabian ürrentzeko. 1200 lasterkalariek 128Km eginen düe zortzi lepo gaintitüz, horien artean Larraine eta Errazate, denetara 3600m desnibela, nontik xtrem izenaren zentzüa. Lehiaka bat ez izatez, lehiazaler plazer egiteko Larraineko lepoa kronometratürik date. Haurrentako ere ibildide ttipi bat eskentürik izanen da eta Otxagabian animazioak badirate egün orotan. 1200 leküak hartürik direlakoz, sogile gisan hüilantzen ahalko zide Irati aldeala. Xehetarzün haboroen esküratzeko joan iratixtrem.com webgüneala. Bestalde, jakin ezazüe Iratiko turra izanen dela arramaiatza ürrentzean ESAIT eta SAM ziklismoak antolatürik, urte oroz bezala Mauletik abiatzen dena eta 2 ibildide proposatzen dütüana.

Entzün Victor Andueza Iratixtrem lasterkaldiko antolazale bat :

Mendikastola Atherei Bostmendieta iraganen da arramaiatzaren 17an ! Bigerren aldikoz, Sohütako Eperra ikastolako eskola batzordeak mendi elkaldi bat proposatzen dü eta aurten Bostmendietan eginen da hori ! Eskola Batzordeak ekimenak antolatzen dütü urtean kursean haurren elkaldien fresen arintzeko gisan. Urte hatsarrean Kabaret gaüaldia eginik bazüen Urdiñarben, aldi hontan, ebiltea proposatürik zaikü. Bi ibilaldi eginen dira, bat 3 orenekoa eta beste bat oren bat eterdikoa eta nahiant oroentako ere, otoz Bostmendietara joaiteko parada izanen da. Behin ebili ondoan, ostatü, paztetx eta müsika izanen dira kaskoan, bai eta ere haurrentako joküak. 5 euroko parte hartze sinbolikoa galteginik da 16 urte beno haboro düenentako. Abiatzeak goizanko 8ak eterdieta 10ak eterdi artean eginen dira.

Entzün Añi Aguer Eperra Ikastolako züzendaria : 

Apirila hatsarretik zabalik da Mauleko Igeriskagia eta animazaleak ez dira eküratzen. Kurtsoetan ikasle franko, aktibitateetan lekürik gabe eta eskentza berri bat zabaltzen denean bertan betetzen da. SAM Igeriskan gaztez beterik lehiaketetan parte hartzeko prest eta erran deiküenaz üda hontan Eüskal-Herriko lehiaka Maulen hasiko da. Bestalde, igeskalarientako prezio berri bat sortürik izan da 2€tan oren batentako, arrakasta bildü düana egünaldi ederra izan ala ez, jakinez hura beti 28°tan berotürik dela. Lerragia berriak ere arrakasta dü eta üda hontako bigerren lerragünearen estrenatzeko esperantxa düe, horrekin pausa güne bat izanen da.

Entzün René Castel Igeriskagiako ardüradüna eta erakaslea :