Pilota franko bagünüan aste ondar hontan Xiberoan. Lehenik iragan ostiralean Maule Hiriko zesta punta lehiakaren finalak jokatü dira. Profesionalen finalean Ion Tanbourindegi eta Nikolas Etxeto nausitü dira, Christophe Olha eta Nikolas Eyheregarai-en etzean 35 /32. Zinez jokatürik izan den partida jarraiki ahal izan düe nonbre haundian hüilantü ziren soegileek. Aintzin partida aldiz, Kevin Ithurria eta Etxeverri nausitü dira Alveiro eta Errandonea-ren kontre 12/15, 15/13 eta 10/05. Lau gazte horiek Mexikon jokatüko den gazteen mündüko txapelgoan parte hartüko düe hilabete hontan.
Xiberoko eskü hüxka txapelgoaren kontü hiru partida jokatü dira Garindainen atzo setemerearen 1ean. Lehen mailan Bastien Christy eta Ximun Lanbert-ek, Urdiñarben setemerearen 15ean jokatüko den finalean aritzeko txartela irabazi düe, Hervé Eliziri eta Beñat Maitiaren kontre irabaztez 30/22. Bigarren mailan, finalaretanko sailkatü dira Mikael Arricau eta Erik Etxart, partida zinez ederra jokatü ondorren, Jean Bernard Ayçaguer eta Sylvain Eyheramouno kontre 30/23 irabaztez. Hirugarren mailan, Denis Aguerre eta Patxi Cazenave, Pagolako bi gazteak, Urdiñarben izanen dira ere finalean, Urdiñarbeko Antoine eta Charles Dameron-ren kontre 30/24 irabazi düe atzo.
Entzün Nicolas Eyheregaray :

Irakurri gehiago ...

Soegile hanitxen aitzinean jokatü da Xiberoko eskü hüxka txapelgoaren azken final laurdena, iragan neskenegünean, agorrilaren 24ean. 3. Mailan Sébastien Queheille eta Sébastien Arla nausitü dira, Mixel Agergarai eta Allande Iritziti-ren kontre, 30/29. 2. Mailan, Guillaume Bernad eta Thierry Intxastoixipi pareak irabazi dü, Philippe Caset eta Edouard Exilard-en etzean 30/13. Eta azkenean Mixel Latxere eta Julien Arbeletxe sailkatü dira erdi finaletan hartzeko, Fernando Goñi eta Ximun Lucu irabaztez, 30/17. Giro ezinago honean iragan da oro eta egünaldia üsatü bezala kantüz ürrentü da. 
Fernando Goñi III kümita berezia zen urten. Paradaz baliatü gira berarekin mintzatzeko.
Entzün Fernando Goñi III :

Irakurri gehiago ...

Maule Hiriko zesta punta lehiakaren finala agorrilaren 30ean ostiralarekin jokatüko da 21etan Jaï-alaïean. Christophe Olha eta Nikolas Eyheregarai, Tanbourindegi eta Etxeto-ren kontre ariko dira. Aitzin partidan, Kevin Ithurria eta Intza ariko dira TouKoulet eta Albero-ren kontre. Bigarren urtekoz, aiharia ere proposatzen dü Mauleko pilota batarzünak interesatürik diren güzieri. Leküen etxekitzeko deit 06 82 66 16 33 ostegün arratsa gabe.

Entzün Jacky Eyheregaray Mauleko pilota batarzünako lehendakaria :

Sorhuet Harismendy pareak irabazi dü Larraineko Betzüla trinketeko 10. lehiaka Xala Ducassou parearen etzean igante goizan 40/38. Ostiraleko erdi finalak bezain final ederra eta jokatüa jarraiki ahal izan düe soegileek eta Euskal Irratietako entzüleek. Irabazleak eta galtzaileak entzünen dütügü jarraikitzeko, Sorhuet eta Harismendy lehenik eta ondotik Xala eta Ducassou :