René Cassin pastoralaren bigerren emanaldiak lehenaren arrakasta gaintitü dü. 3000 jentez goiti ziren agorrilaren 4an eta pastorala ezinago ederki joan da. Denbora ederra lagün, aktürak lasaiago izan dira, püblikoaren parte hartze azkarrekin. Nolaz ez aipa orano ere, René Cassinen kargüa eramaiten zuan Dominique Pinque Sohütar gaztearen joküa, botz ederra, aijatarzüna eta lasaitarzüna taula joküan. Battitta Berrogain, lehentze pastoral errejentak, taula joküan mugimentü hanitx ere ekarri dü. Eta arropetan, lan ederra egin dü Joanna Etxeberri xiberotarsa gazteak. René cassin pastorala Baionan emanen da setemerearen 14 edo 15 an, Baiona Kantuz, Ikastola eta Buhaminak alkarteek antolatürik. Dagün urtean aldiz, Garindaineko herriak emanen dü pastorala.

Entzün sogileen lekükotarzünak : 

Xiberoko Ikastolek pastoraleko apaidüak plantan ezarten dütüe. Egüerdiko 500 bazkari prest izanen dira 16€-tan salgei, arratsan 250 aihari izanen dira 10€tan salgei. Apaidüa nahiant güzier zabalik da. Izenak aitzinetik eman behar dira atxülütoki, Christine Etxebest deitüz 06.74.96.79.38 zenbakiala edo Mailis Uthurry 06.83.96.20.25la. 

Entzün Christine Etxebest Eperra ikastolako etxekoa : 

Denboro ederra lagün, 3 600 jente beno haboro hüilantü da René Cassin pastorala Sohütan. Ikusgarri ederra eta honkigarria eskentü düe 96 Sohütarrek. Azpimarratzeko, René Cassin kargüa eramaiten züan Dominique Pinquek Sohütar gaztearen joküa, botz ederra, aisatarzün eta lasaitarzün handia taula joküan, pastoralzale haboroxenen ustez, oroetako süjet hoberena izan da. Pastoral hontan bi errejent berriak baziren Battitta Berrogain eta Alain Guimon. Lehentze pastoral errejent bezala agertzen ziren eta taula joküan mugimentü hanitx ekarri düe. Lehentze zen ere, xiberotarsa bat arropa züzendaria, jauntsietan lan ederra eraman dü Joana Etxeberri xiberotarsa gazteak. Hots, pastoral goxoa berriz ikustekoa, dagün agorrilaren 4an arrestiriko 15.30tan Sohütan. 

Entzün Alain Guimon René Cassin pastoraleko errejent bata : 

"René Cassin Pastorala" Sohütarrek emanen düe üztailaren 28an eta agorrilaren 4an. Jean-Louis Davant Xiberotar eüskalzainak düala pastoral hau idatzi. Aurten, bi errejent berriak, bi herritar gazteak ikusiko dira Battitta Berrogain eta Alain Guimon. Kantoreen ermailea Jean-Louis Arambürü Bidabe Altzaiarra izanen da, dantzen erakusleak Agnès Laborde, Yvette Landarrabilco eta Marie-Laure Heguiaphal. Jauntzien ardüradünak Joana Etxeberri eta Sylvie Etxart dira, josle andana batez ontsa lagüntürik. Orotarat, 100 bat aktür ikusiko dira, 110 lagüntzale antolakuntzan eta 17 sonü egile. Sorkuntzak ikusten ahalko direla, dantza, kantore, müsika, jauntzi eta taula joküetan. Üztailaren 28an eta agorrilaren 4ean, igantez arrestiriko 15.30tan emanen da pastorala eta oraidanik sartzeak erosten ahal dira Baionan Elkar Mega Dendan eta Xiberoko Turisma bülegoetan.

Entzün Pierrot Aren pastoraleko egitaraua presentatzen :