“Pierre Lhande trajeria” edo pastorala presentatürik izan da neskenegün gaüan Iruritar eta Zalgiztarrer. Pierre Lhande 1877an Baionan sortü zen eta 1957an Zalgizen zentü. Olerkiak, saiakerak, narrazioak eta hiztegi bat ere idatzi zütüan. Apez jesuita zen, eta  Parise üngürüko langile-herrietan apez ibili zen. Erreligione katolikoa, irratien bidez zabaltzen aitzindaria izan zen ere. Mündüaren gainti, Argentina, India, edo Madagaskar bezalako hanitx herrietan ibili zen. Euskalzaina ere izan zen. Pierre Lhande apez jesuitaren bizi aberratsa antzeztü dü Annick Renaud-Coulon idazleak. Jean Pierra Rercalt date errejent, Jean Etchart eta Jean Louis Aramburu kantore moldazale eta erakasle dirateke, Petti Etchegoyen dantza trebazale, Erramun Garzia jauntzi asmazale eta dendarien ardüradüna, eta afitxa Partarieu anaiek düe eginen. Trebatzeak urtarrilaren 31an neskenegünarekin hasiko dira eta pastorala üztailaren 26an eta agorrilaren 2an emanen da Zalgizen.
Maider Larrory Iruritarra :

Mauleko Zinka Bizirik alkarteak, urtatseko gaüaldi berezi proposatzen dü. Gaüko 20:00etarik harat züntzür bustitzea hartzen ahalko da eta bakotxak ekarriko düan janaria ere partekatzen ahalko da. 21:30etan Sylvain Duvigneau aktoreak, “Ressort Tissant” bere kreazio berria presentatüko dü. Ondotik “Les Joujoux”, gitaraphala eta bateria bikoteak kontzertü bat eskeiniko dü. Gaüa lüzatü nahi düenentzat Zinkan jarraikitzeko parada badate.
Sylvain Duvigneau aktorea :

Kasik hamar mila izan zidee 2014an Xiberoko Botzaren web günean ibili zidenak. Gehien gehienak, hiru laurdenak,  Ipar Euskal herriko edo Frantses estadoko bijitalariak zinden, ehüneko 18a Hego Euskal Herriko edo Español estadokoa eta beste güziak mündü güziko herri ezbardinetakoak. Horien artean azpimarratzekoak dira Brazilatik izan ziren berehün bat bijitalari. Ohart etxekiko dügü Euskal diasporak edo Bizkaitarrek erakusten düan interesa hebenko berrien hartzeko. 2015a kanbio urtea izanen da, gure web günearen itxüra kanbiatüko beita eta enseatüko gira Xiberoko aktüalitatea ahal bezain ontsa jarraikitzea. Anartean beti gaüzen hobetzeko asmoz zuen oharrak üzten ahal dütüzüe “CommentS” klixkatzez.

Idauze-Mendiko gazteek düe 2015eko maskarada herriz herri eramanen Xiberoan. Lehena Idauze-Mendi berean urtarrilaren 18an igantearekin emanen da. Hogei ta hamar bat jokülari eta dantzari izanen dira, Maite Davant-ek eta Johañe Etxebest-ek trebatürik. Düala hamabost urte eman züen azkena eta horietan parte hartü züenek ere ikusiko dira aurten. Kargü zonbaiten aipatzeko, Nicolas Bouillon dateke kabana, Joimo Lacroix Pitxu, Laurentx Bereziartua buhame jauna. Lehen agerraldiaz gain, beste hamar elkaldi finkatü dütüe apirilaren 19a artino. Urtarrilaren 25ean Atarratzen, Barantailaren lehenean Müskildin edo Urdinarben, 8an Garindainen, 15ean Gameren. Martxoaren lehenean Altzürükün, 8an Ürrüstoin, 14ean Maulen, 21ean Santa Garazin eta 28 edo 29an Zalgize ala Irurin. Apirilaren 5ean Barkoxen, 12an Hokin eta azkena19an berriz Idauzen.
Cédric Samalbide :