Ihauteak ospatü dütüe Eperra Ikastolan. Sohütako ikastolako haurrek, Eüskal-Herriko ihauteriko koloreak jauntsi dütüe, ikusgarri eder baten eskentzeko. Ihauteriko dantzak, joküak eman dütüe, handienek aldiz, maskaradak jei herrikoia jokatü düe. Gorriak eta Beltzak hor ziren joküan sartzeko eta plazer handi batekin ari izan dira Ikastolako ait'amen aitzinean. 

Entzün Sohütako Ikastolako haurrak : 

Martxoaren 14an Andoainetik abiatüko da 18. korrika eta 24an heltüko Baionala. Xiberoan bere itzülüa eginen dü. Martxoaren 16an arrestiriko 15.00tan Oxkaxeko lepotik eraitsiko da 18.00en altexean heltzeko Arüen. Xiberoan diren 30 kilometrak, Xiberoko Gaü Eskolak dütü kudeatzen eta beste urtez bezala, kilometra bat hartü nahi badüzüe, Xiberoko Gaü Eskolarekin harremanetan sartü behar zide. Bestalde, Korrikari lotürik den Korrika Kültürala abiatzen da.
Barantailaren 22an ostiralearekin Mauleko Zinka ostatüan Xiberoko bertsulariak, Agustin Alkat bere müsikalariekin eta pintxoak.
Martxoaren 1an Maule Baitha zine gelan “Llapien hesia” lüze metraia 
Martxoaren 9an Mauleko kaserna ohian Kabaret gaüaldia, kantore, antzerki, bideo, jateko eta edateko.
Martxoaren 16an Korrikaren besta Arüen
Martxoaren 22an Korrika Ttipi Atharratzen, ikastola eta kalandretako haurrekilan.

Entzün Bixente Goihenexpe Xiberoko Gaü Eskolakoa : 

Bertsularitzak bere bidea zabaltzen ari dü Xiberoan. Koblaka alkarteak eramaiten düan lanaz gain, Xan Alkhatena gehitzen da Xiberoko ikastoletan bertsu eskolak segürtatüz. Urtarilaz geroztik, Sohüta, Arbaila eta Argia kolegioko ikasle elebidünekin, bertsularitzaz lan bat eraman düe. Xede horrek bi helbürü badütü, alde batetik, bertsularitzaren ezagütaraztea eta bestetik, 6.mailako ikasleek 5.an ere elebidün saila jarraikitzea. Bertsu ateleria hau barantailan ürrentü da Altzürükün kobla zonbaitekin. Ikasleek lantü zütüen geiak, Joanes Etxebarria, Ramuntxo Christy eta Johañe Sarraillet bertsulariek kantatü dütüe.

Entzün Xan Alkhat bertsu erakaslea eskoletan ibilten dena  : 

Üda hontan, Sohütako ehün bat herritarrek emanen düe, Jean-Louis Davantek idatzi düan  René Cassin  pastorala. Düala 12 urte, Xiberoko Makia eman züen bigerren gerla denborako historia eta aldi hontan ere, bigerren gerla denboran izan ziren gertakari zonbait aipatüko dira. René Cassin ofizioz jürista, Giza Eskübideen idazle bezala ezaguturik da eta bigerren gerlan Londreserat joan zen De Gaulleren lagüntzera. Nobel saria üken züan 1968an eta zentu zen 1976an eta Pariseko Panthéon-an ehortzirik izan zen. Hona zoin historia kontatüko düan aurtenko pastoralak. Bestalde, barantaila hontan, pastoraleko kargüen emaitea zen eta René Cassin date Dominique Pinque.

Entzün pastoraleko bi errejent berriak Battitta Berrogain eta Alain Guimon Sohütarrak :

Irakurri gehiago ...