Michel Etchegaray-ek «Melodie en mêlée 15 nouvelles du 15» izeneko  libürüa presentatü dü. Historio labürretan, leheneko rügbia aipatzen dü, rügbi mündüko jente zonbaiten argazkiak apaindürik edo anekdoktak kontatzez. Egiazki agitü zirenez ala asmatüak izan direnez, düdan ezarten dü, halaere deusere argitü gabe. Dena hasi zen, mündüko rügbi txapelketa baten karietara antolatürik izan zen istorio labür lehiaketa batetik. Irabazle elki zen eta geroztik idazten jarraiki züan, bere lagünak lan horren argitaratzeko konbentzitü artino. Cairn argitaletxeak plazaratzen dü Michel Etchegaray-en libürüa eta  plazaratzesaltegi hon güzietan atzamen daiteke.
Michel Etchegaray :

Piarres rock taldea neskenegünean gaüko 22etan Mauleko Zinka ostatüan ariko da. Piarres, hamabost urte hontako lagün arteko talde bat da. Bere berezitarzüna da, besteek egin kantoreen arrahartzea eta rock zainhart baten maneran emaitea. Arrahartü dütüen talde edo kantari zonbaiten izenen aipatzeko baizik ez bada, AC/DC, Nana Mouskouri, Dalida, Boney M, Eros Ramazotti edo Prodigy. Talde honen berezitarzüna ez dau haütü hanitx hontan baizik bermatzen, taulada gainean beren jauntsi eta presentziak holako psykedeliko delirio bat beitü ere. Taldearen helbürüa sinplea da, jentearen txostakaztera eta dantzan ariaraztera.
Iñaki Ospital taldeko gitarista :

Xora filmaren DVDa presentatüko da ostiralean arrestiriko 19etan Hebentik-enean Maulen. Xora, Peio Cachenaut-en filma 2011an eginik, zinegeletan 2012an zabaltürik eta orai DVDan ikus daiteke. DVDaren presentazione gaüaldian Elsa Oliarj-Inesen Xora filmaz eginik izan zen dokümetala erakutsia izanen da.
Peio Cachenaut :

Astobelarra argitaletxeak, "Matin Vert" edo Goiz Orlegia Laurent Caudine Mitikildarraren hirugarren libürüa plazatzen dü. Florian Asquette, Cécile bere lagüna eta Paul beren haurra, Cognac herrian bizi dira. 2020eko agorrila jakiten düe, Euskal Herriko Gamere-Zihigako Ana izeba-xaharra zentü dela eta ondorez bere etxeaz jabetzen dira. Hiruak Ürrütxoko etxean instalatzen dira eta segidan ezbeharrek beren egünoroztako bizia nahasiko düe.... Historio honen suspense eta fantastikoak eramanen düe irakurlea abentüra hortan.
Laurent Caudine :