Haizetsü, hotza eta hezea izan da aurtenko Urdiñarbeko Müsikaren Egüna. Aro hitsa izana gatik jentetze ederra bildü da egitarau zabal baten üngürüan. Neskenegünarekin, dantza zen aipagei, goizan dantza ta maskaradak aipaturik izan dira, arrestiritan aldiz Xiberoko dantzaren geroa. Haurrer nola erakuts, gazteer nolako dantzak gogoan bizirik atxik eta zer lekü emazteer eman. Eztabadaren ondotik 8 mutiko gaztek “Kauter Balet” dantza sorkuntza eman düe. Azkenik, iganteko egünaldiarentako jenteak prunki hüilantü dira bazkari ta kontzertüarentako. Antolazalek deioenaz "kültür baten sendotarzüna bermatzen da nahikeriari, gogoari eta idekirik izateari". Aurtenko edizioa ikusiz, düdarik gabe dagün urtean ere 25. Müsikaren Egüna badateala orano ere.

Entzün Müsikaren Egünan bildürik izan diren lekükotarzünak : 

16 taldeen lanak ikusten ahal dirate, aurtenko Maiatz Tauladan, Mauleko Herriko Etxeak eta Tokia antzerki taldeak antolatzen düen urte oroztako hitzordüan. Maiatz honen 22tik- 25ala iraünen dü eta ohi bezala, Maulen gainti ikusgarriak barreiatürik dirate. Beti  bezala, ofiziozko, amatür eta eskolen egin lana berme, eraikirik izanen da egitaraua. Aurtenko berezitarzüna, Mauleko Peko-arrüa osoa, antzerki joka güne date. Tokia antzerki taldeak, komerxantez hüsten ari den karrika haütatü dü, bere tailerretan ibilten diren aktüreen "Embouteillage" lanaren erakusteko. Jakin ezazüe, "Pass" delakoak hartzen ahal direla Mauleko Herriko Etxean, sartzeak merkeago ükeiteko. Ikus Maiatz Festibaleko egitarau osoa.

Entzün Béatrice Lahargoue Mauleko Herriko-Etxeko kültür zinegotsia : 

Xiberotar bat Frantziako rügbi zelekzioan. Camille Lopez 24 urteko Sohütarra Frantziako rügbi ekipan aritzeko sailkaturik izan da. Roger Aguerre, Pierre Arthapignet, Arnaud Marquasuzaren ondotik, Camille Lopez Nouvelle Zélande herrialat hegaldatüko da Michalak, Fofana eta horiekilan. Han lau partidak jokatüko dira, partida horietan 3 All Blacken etzian. Camille Lopez Mauleko ekipan izanez geroztik, Begles Bordelen ari izan da eta azken hilabete hontan jakin dügü katalandaren gana joanen dela, Perpignaneko taldean.

Entzün Camille Lopez Sohütar rügbilari famatüa : 

Müsikaren Egüna ospatüko da Urdiñarben maiatzaren 17, 18 eta 19an. Aurten 24. gerren edizionea da, egitarau aberasgarri bat plantan ezarrik izan da. Hiru egünez, antzerki, soinü, kontzertü, dantza, mintzaldi-eztabada eta erakusketa badate. Maiatzaren 17an, ostiralearekin hasiko da Müsikaren Egüna "Pied de biche" antzerki batekin. Biharamenean, Xiberoko dantzaz egünaldi berezi bat 2 mintzaldiekin. Lehena, " Leheneko maskaradetarik oraikoetara" Jon eta Claude Iruretagoyenarekin, bigerrena "Dantza egün... eta bihar ?" xiberoko dantzaren geroari bürüz gogozkatzeko. Igantearekin aldiz, kontzertüak: Petti, 1 bruitkikour, Piurek, les Ramoneurs de menhirs, bestea beste... Ikus Müsikaren Egüneko programa bere osotarzünean.

Entzün Jean-Jacques Etxeberri Llargo Bil Xokoko kidea :