XÜXENEAN ENTZÜN

Kultura

Pastoral soroa  jentez bete betea zen, Arrokiagan eman den Jose Mendiague pastoralarentako! Denboro egokia ebirik eta ekirik gabe, püblikoa saldoan hüilantü da 3500 jente izan beita Arrokiagako pastoralaren sogiteko. Hiru oren eterdiz, kantore, dantza eta bertset andana bat emanik izan dira eta jentea loriatü da ! Aldüden sortü, gazterik Hazparnerat joan eta hantik fite Uruguai aldealat joan zen Jose Mendiague eta bertsulariaren bizia hobeki ezagützeko parada eman düe Arrokigesek. Aktüretan René Oyhenart süjeta izigarri ontsa ari izan da beste arizale güzien gisan eta azpimarratzekoa da Hego Ameriketako dantza eta kantorek ere leküa üken düela aurtenko pastoralean. Lehen pastorala emanik, bigerren emanaldiaren hitzordüa ez hüts egin dagün agorrilaren 5ean arrestiriko 15.30tan, Arrokiagan prefosta !

Entzün püblikoaren lekükotarzün zonbait : 


Entzün Jean Bordaxar pastoraleko idazlea : 

Entzün Fabien Lechardoy pastoraleko errejenta : 

Entzün René Oihenart pastoraleko süjeta : 

Entzün Xantiana Etxebest süjetaren anderea : 

 

Egün zonbait ments dira Arrokiagako pastorala ikusteko. Jose Mendiague pastorala emanen dü aurten Arrokiagako herriak eta igaran igantean mustraka orokorra egin düe arizale oroek. Hazparneko bertsulariaren bizia kontatü dü Jean Bordachar idazleak eta parada emanen deikü eüskal diasporaren historia amiñibat ezagützeko, Ürüguai eta Argentina aldeala joanen beitgira aurtenko jeiarekin. Üztailaren 29ean eta agorrilaren 5ean emanik date Mendiague pastorala arrestiriko 15.30tan.

Entzün Arrokiagako aüzapeza Sylvain Ayphassoro : 


Entzün Erramun Garcia dendari eta arropa egilea :

 

16. Gaü-Izartsü, gaüaldi liriko eta müsikala proposatzen dü Altzürüküko Goiz-argi alkarteak üztailaren 13an. Parisetik jinik, Leïla Brédent sopranoa, Guillaume Dussau apala eta You Zhou pianista kümitatzen dütüe. Mozart, Puccini, Verdi, Bizet edo Bach, bestea beste, operaetako ahaideak eskentüko dütüe. Ürrentzeko, Nadine Elgoyhen eta Lucien Larraus-Joa Xiberoko kantore zonbait emanen dütüe. Gaüaldia Altzürüküko San Marti elizan iraganen da gaüko 21tarik harat eta üsatü bezala sartzea dohainik date.

Entzün Johañe Carricabürü Lapistoi Goiz-Argi alkarteko bürüa :

Amaiur ikusgarria üztailaren 21an emanen da Baztango Amaiur herrian eta agorrilaren 10 eta 11an Maulen. Düala 500 urte konkistatürik izan zen Nafarroa eta 10 urte berantago 1522an Amaiurko gaztelüa hartürik eta deseginik izan zen. Hor izan zen Nafarroaren berkonkistatzeko azken intseüa. Gure historiako gertakari honen oritzapenez, Amaiur ikusgarria sortü dü Pier-Pol Berzaitzek, Maule eta Amaiurko herritarren artean.
Amaiur ikusgarrian aktür andana bat agertzen dira, Edu Muruamendiaraz koregrafoa, Amaiur dantza taldea, Xiberotarrak, Amaiur Gaztelu taldea, Xiberoko Zohardia eta Artzainak taldea Karlos Jimenez-en züzendaritza pean, bakarlarien aldetik Audrey Carrique, Kattalin Indaburu, Arantxa Irazusta, Isabelle Jaury, Magali Zubillaga, Mixel Arotze eta Petti, Amets Arzallus bertsularia, Beñat Fontan, Peio Larre, Baztandar antzerkilariak, eta ahazten dütügün güziak. Amaiurko emanaldiala joaiteko otobus bat abiatüko da üztailaren 21ean arrestiko 17.30etan Maulerik. Izenen emaiteko deitzen ahal da 06 71 86 86 28 zenbakian. Agorrilaren 10 eta 11ko Mauleko bi emanaldietako sartzeak orai danik salgei dira Turisma bülegoetan.

Entzün Juan Mari Aleman Amaiur Gaztelua alkartekoa : 


Entzün Pier-Pol Berçaits Amaiur ikusgarriko egilea :

Entzün Joël Larroque Mauleko Gaztelüko Lagünak alkartekoa :

Pyrenaïa Turba otxote mixtoak eta Maddi Oyhenartek kantaldi bat eskentüko düe üztailaren 8ean Maidalenako txapelan arrestiriko 17etan. Pyrenaïa Turba Otxoteak, Euskal kantütegi eta klasiko errepertorioko kantoreak emanen dütü eta Maddi Oyhenartek aldiz bere kantoreak eta hebenko ohidürazko zonbait emanen dütü. Sartzea dohainik izanen da, ondotik züntzür bustitzea eskentürik date. Sekülan ebia balitz kantaldia Atarratzeko elizan eginen da.

Entzün Nicole Curutchague kantaldiaren antolazale bat : 

Ausaz

Kronika

Emankizüna

Artxiboan