"Muskildi bizi" alkarteak herrian animazione proposatzen dü. Aldi hontan, "Jondane Johane" egünean arramaiatzaren 23an bildüko dira San Antonin. Egün orotan animazione franko izanen dira, goizanko 9.00tan– Ibilaldia Muskildiko plazatik abiatüz - 10.30tan Saratsagako Agereberreko olhan kafea. Hortik « Bertso-ibilaldia » izanen da Xiberoko bertsolariekin - 12.30tan Bertso zonbait, txalaparta eta züntzür bustitzea - 13.00an bazkaria - 15.00tan Joküak haurrentako, birla lehiaka - 17.00tan Kantaldia Muskildiko neskatxunak eta Amaren Alabak - 20.00tarik harat, ostatüa eta ogiartekoak - 22.00tan "Jondane Johaneko" süa eta dantza. Ebia balitz, San Antoniko txapelan jünta leioie egüerditan.

Entzün Jean-Mixel Gastellussary "Muskildi Bizi" alkarteko kidea : 

2012. urtea aberasgarri izan da HEBENTIK alkartearentako, XORA filma elkitzea eta hedatzea izan beita xede nausia. Filma horren üngürüan animazione hanitx ere egin düe, arrakasta bildü düena. Beste inganioak izan dira, klun eta txülüla formakuntzak, ikusgarri ezberdina, maskarada eta buhameen üngürüan erakusketa eta Zinez proiektüa. "Xiberoa Zinez" xede hortan, filma zonbait hedatürik izan dira Xiberoko herrietan. Manerala, ber ildoan jarraikiko düe HEBENTIK alkartean aurten ere. 

Entzün Mixel Etxekopar Hebentik alkarteko bürüa : 

Bada urte zonbait, SÜ AZIA alkartea Xiberoko Kültür ta Hondareko hontarzün biltzen eta zaintzen ari dela. 12 000 soinü iraganik, pastoral, dantzari argazki, xiberotarrez textu idatziak badira SÜ AZIAN. Azken urte horietan, Maddi Oihenartek dü lan hau kudeatzen. Interneten ere, lanaren parte bat entzüten ahal da SÜ AZIAko webgünean. Beste lanetan, Xiberoko herrien eta kartielen izen biltzea eraman dü Battittu Coyos alkarteko kideak. Bestalde, dantzaren üngürüan jente zonbait filmatzen ari da SÜ AZIA, xede hau Eüskal Kültür Erakundearen partaidegoarekin eramanik da. Azkenik, hiruzpalau libüru xiberotarrez argitaratzea xedea dü alkarteak, memento hontan "Le Petit Prince" Saint Exupéryen obra salgei da Sü Aziaren egoitzan. 

Entzün Panpeia Etxebarne SÜ AZIA alkarteko bürüa : 

Baikor eta geroari so jarraikitzen dü Xiberoko Botza irratiak, nahiz eta sos zilo ttipi bat izan den 2012an. 30 gerren urtebürüko ospakizünak ez dü bildü nahi bezain arrakasta bena komünikazio mailan ontsa aipatürik izan da. Bestalde, etxez etxe kanpaina arramaiatz erdisütan hasiko da eta aurtenko oparia mantar bat date. Administrazio kontseilüa arraberritüko da eta entzüle talde baten sortzeko helbürüa aipatürik izan da. Azkenik, Xan Alkhaten partitzea baieztatürik izan da eta Beñat Larroryen begiratzea.

Entzün Allande Errezaret Xiberoko Botzako lehendakaria :