Pentsamentükan aritzeko mementoa jin zaio Garindaintarrak alkarteari. Agorrilaren 14ko kantaldiari arrakasta ttipitzen ari zaiola ohartürik, honen antolazaleek formülaren arra bijitatzeko beharra senditzen düe. Lan bide zonbait agertü da alkartearen biltzarrean, alde batetik kantarien haütatzeko püntüan, ez Iparraldeari baizik mügatzea bena Hego aldeari zabaltzea ere. Bestetik, dantzari berriz lekü baten emaitea aipatürik izan da, ahalaz dantza berriak bena beti Xiberoko üsantxari bermatzen den dantza. Bestalde, Garindaineko pelotako Masterrak bürü hauste sortzen deitze. Maitza ez düe egokia ikusten, jei eta hitzordü sobera dela eta, aurten setemere ondarreala iragan nahi düe pelota hitzordü hori.

Entzün Jean-François Amestoy eta Philippe Sarraude Garindaintarrak alkarteko kideak : 

11. Maiatz Taulada antzerki festibla  ez bada aroaren aldetik lagüntürik izan, ikusgarrien kalitatearen aldetik eta püblikoaren parte hartzearen aldetik kausitürik izan da. Maleruski, ikusgarri haboroxenek barnean behar izan düe egin. Béatrice Lahargoue Mauleko Kültür ardüradünak eta Michel Fouchet Tokia antzerki taldeko kideak bildüma baikorra egin deiküe eta botzik agertzen dira lagüntzale berri franko izan beita. Hatik, desadostarzünak badira Mauleko Herriko Etxea eta Tokiaren artean, Tokiak libertate haboro nahi beitlüke programazioaren aldetik. Michel Fouchet-ek erran deikünaz ez da batere segür 12. edizioan parte hartüko düela. 

Entzün Michel Fouchet TOKIA antzerki taldeko kidea eta Festibaleko antolazalea : 

"Mintzaje batek ezin dü bizirik iraün ez bada lotzen lürralde bati eta Eüskal departamentü batek ez dü zentzürik ez bada hegoaldearekin lotürarik egiten", hona zer deion Lionel Dupuy geografoak. Lionel Dupuy geografia erakasle da Paueko Ünibersitatean eta Asto Belarra argitaletxean « Geographies, territoires et paradoxes » deitzen den intseüa argitaratü dü. Lan hortan, besteak beste aztertzen dü Frantziako iraultzaren estratejia lürraldeen zatikatzeko, horietan erabilten ziren mintzajeen desagertarazteko xedez. Ez dü ere konprenitzen, nolaz Frantziak ez düan izenpentü nahi Europako hizkuntz gütitüen hitzarmena, bere araberan mintzaje bat beno haboroen ikasteak izpiritüa zabaltzen beitü eta beste baten ikasteko aisantzia emaiten. « Geographies, territoires et paradoxes » hebenko libürü saltegietan edo Astobelarrako webgünean edirenen düzüe. 

Entzün Lionel Dupuy « Geographies, territoires et paradoxes » libürüaren idazlea : 

Antoine Abbadia Ürrüxtoiz pastorala idatzeaz gain, Jean-Louis Davant Larrabiltarrak «Antoine d’Abbadie, Abbadiaz» deitzen den libürü bat berriki plazaratü dü. Berrogei bat urtez Abbadiaz bildü xehetarzünak dira hor agertzen. Irakurlea ohartüko da, Antoine Abbadiakoa ez zela deüseretan berezilari bena gaüza hanitxetaz bazakiala, hizkuntzalari izan zen, geografo, astronomo, fisika ez zaiola arrotz eta mündüa kurritü züan. Eüskal Herriari bere ekarpena egin deio ere, Agosti Xahorekin eüskal gramatikako lanak egin zütüan, ortografan bere ekarpena egin, erran zahar bildü eta eüskarazko idatz lan bildüma egin zütüan. Antoine Abbadia Ürrüxtoietaz xehetarzün güziak, J.L Davant-en “Antoine d’Abbadie, Abbadiaz » libürüan edirenen dütützüe. 

Entzün Jean-Louis Davant "Antoine d’Abbadie, Abbadiaz" libürü idazlea :