XÜXENEAN ENTZÜN

Kultura

Jenteak saldoan berriz algarretatü dira Basabürüko ihauterien ospatzeko. Atharratzeko herria apaintze ederrekin zen eta maskatürik ziren jentek giroa edertü düe. Arrestiriko 4.00tan hasi da giroa berotzen soinüegile ezbardinekin eta joaldünek bidea zabaltü düe bazterren harroarazteko. Maskatürik ziren jenteak "Les platanes" plazatik abiatü dira karrika nausiala joaiteko eta plazala heltzeko. Üsatü bezala, sogile franko bildü dira karrika bazterrean eta plaza nausian ikusgarriaren gozatzeko. Ürrentzeko, Zanpantzarra errearazi düe eta ihauteriek jarraiki düe herriko ostatüetan.

Entzün Basabürüko ihauteriaren denboran bildürik izan diren lekükotarzünak : 

«Ameriketan Eüskaldünak, Jose mendiague pastorala», hona 2012ko pastoralaren izenbürüa. Arrokiagako herriak emanen dü eta Jean Bordachar herritarrak idatzi dü ixtoria. Jose Mendiague, Urepelen sortürik, 18 urtetara egon zen Hazparnen gero joaiteko beste gazte franko bezala Hego Ameriketala. Bertsolaria izan zen eta pastoral hontan idazleak kontatü nahi dü, Mendiagueren bizitzea Arjentina eta Uruguay-an bai eta ere, Eüskaldünek eraman züen bizitzea. Pastoralaren kargüak eman dira aste ondar hontan, René Oyhenartek eramanen dü Mendiagueren kargüa. Beste kargüetan, Beñat Larrory Mendiague gaztea, Xantiana Etxebest Mendiagueren emaztea. Pastorala emanen da üztailaren 29ean eta agorrilaren 5ean Arrokiagan. Arte hortan, Eüskal emigrazioaz mintzaldiak eginen dira Eüskal Arjentina alkartearekin, Maulen martxoaren 17an eta maiatzaren 4an Donibane-Lohitzünen.

Entzün Jean Bordachar Mendiague pastoraleko idazlea : 


Entzün Jean-Fabien Lechardoy pastoraleko errejenta : 

Entzün René Oyhenart pastoraleko süjeta : 

Entzün Beñat Larrory pastoraleko süjet gaztea : 

Bereterretchen Khantoria orano kantatzen den Eüskal-Herriko kantore zaharrenetarikoa, pentsatü beno zaharrago leitekeala. “Bereterretchen oinatzak” izenpean egin den ikerlanaren araberan, kantore honen lehen bertsuaren melodia posible lizate, 4 gerren menteko “Jam Christus astra ascenderat” Pentekoste egüneko himnoan oinaritürik izatea, azken hau 15. menteko Xiberoko eliza kantore ezberdinen bidez jin ahal leiteala. Hau da berriki Durangon presentatürik izan den “Bereterretchen oinatzak” lanak süstengatzen düan tesiak. Dizka llabür bat plazaratü dü Khantoria taldeak eta hebentik aitzina kontzertü-hitzaldiak eskentüko dütü lan horren presentatzeko.

Entzün Ander Berrojaljiz Khantoria Taldekoa : 


Entzün eta ikus Khantoria taldea Bereterretcheren oinatzak bideoan : 
{youtube}iB-rEOwVYY4{/youtube}

Hogei urte, adin ederrean ospatüko dira aurten "Basabürüko Ihauteriak" barantailaren 26an Atharratzen. Urte oroz den hitzordü nausian, ez da düdarik jenteak bildüko direla. Berritarzün handirik ez edizione berri hontako. Goizanko 9.30tan hasiko da egünaldia "Xiberoko Lasterka"ren abioarekin. Ondotik besta eta ihaute giroa nausia date Basabürüko hiribürüan. 10.00tarik goiti Laure Gomez artistak pintüra tailerra proposatüko dü haurrer, 12.00tan Atharratzeko dantzariak agertüko dira, ondotik züntzür bustitzea eginen da. Arrestiriko 16.00tan hasiko da üsatü karrika üngürüa, müsika eta talde frankoek alegeratürik. 17.00tan bazterren harroarazteko ikusgarria plazan date eta Zanpatzarren epaitzea.

Entzün Joana Arhantcet "Basabürüko Ihauteriak" alkarteko kidea : 

«Gartxot, Konkista aitzineko konkista» libürüaren presentazionea egin da Maulen barantailaren 18ean. Asisko Urmeneta eta Edorta Barruetabeñak düe libürü hau idatzi. Filman aipatü ahal izan ez dena, erakurten ahal da libürü hortan. Gei zonbait ere aztertü dütüe bi idazleek, hala nola, emazte koblakarien presentzia 19. mentean edo beste gei. Düala mente bat jadanik, Arturo Canpion Nafartar idazleak, Gartxot ixtoria idatzi züan. Libürü hortaz bermatüz «Gartxot, konkista aitzineko konkista» libürü berria idatzi düe, hatik berezitarzün eta xehetarzün habororekin. Adibide zonbait barnetik tratatürik dira eta iritzi zonbait emanik dira. Bestalde, goxoki eta aisa erakurteko gisan eginik da. Azkenik, Otsail Ostegünak mintzaldiaren kari «Gartxot, konkista aitzineko konkista» aipagei date Donapaleün dagün barantailaren 23an. Asisko Urmeneta eta Juanjo Elordi hor dirate geiaren aipatzeko, mintzaldia Donapaleüko posta gibelean den eliza saihetseko «Hitz-argi» gelan iraganen da gaüko 20.30tan.

Entzün Edorta Barruetabeña libürüaren idazlea : 

Ausaz

Kronika

Emankizüna

Artxiboan