XÜXENEAN ENTZÜN

Kultura

XORA Peio Cachenaut-en lehen filma lüzea hedatüko da lehentze püblikoaren aitzinean martxoaren 10ean Maule-Baithan. Ixtoriak gei ezbardinak jorratzen dütü, lehen lerroan transmizioa eta ondarrea, kasü hontan arte sorkuntza sailetik ikusirik, baita ere lokarri hersi eta misteriotsü horik sorkuntza eta bürüjabetzaren artean. Azkenik ere, sortzailea eta bere obraren arteko harremanak… Maisü / ikasle harreman horren adierazgarri, Jef Goyhenexpe eta Ttittika Rekalt, bi aktür nausiek harreman ezbardinak dütüe eüskararekin : batak ama hizkuntza dü eta bestea aldiz eüskaldün berria da. Zinemak bere rola düke, transmizio honen lekükotarzüna izanez, pantailan literalki agertüko beita. XORA filma martxoaren 10ean neskenegünarekin gaüko 21etan Maule Baithan.

Entzün Peio Cachenaut Xora filmaren asmazalea : 

Sohütan Hokin, Muskildi Urdinarben, Lexantzün, Barkoxen eta Gamere-Zihigan emanen dira autenko maskaradak. Barantailaz geroztik mustrakan ari dira Xiberoko ikastolako ikasle ohiak. Neskenegün oroz biltzen dira Maule Gaineko Etxahun gelan. Hor maskaradak osorik emanik dira gero taldeetan biltzen dira joküen lantzeko. Kargü nausietan Peio Bedecarrats date kabana, Pette Etxebarria Pitxu eta Xantiana Etxebest Buhame anderea. Mustrakak giro ederrean iragaiten dira eta hola emaiteko xedea düe herrietan. Maskaradak apirilaren 8ean emanik dirate Hokin, 15ean Muskildi Urdinarben, 22an Lexantzün, 29ean Barkoxen eta azkena maiatzaren 6an Gamere-Zihigan. Ikastolako ikasle ohiak izatez, haborokin bat eginen düe eta barrikadak eskentüko dütüe Herri Ürratsen maiatzaren 13an.

Entzün Maite Davant eta Xantiana Etxebest maskaradako bi arizale : 

Aurtenko maskaradak berantarekin hasiko dira. XIIO Xiberoko Ikastoletako Ikasle Ohien alkarteak antolatürik, apirila eta maiatza artean izanen dira bost igantez.
Horra datak :
apirilaren 8an Hokin
apirilaren 15ean Muskildi-Urdiñarben
apirilaren 22an Lexantzün
apirilaren 29an Barkoxen
maiatzaren 6an Gamere-Zihigan
Azkenik, Herri Urratsen aintzira ützüli bat ere eginen düe maiatzaren
13an, bena arrestiriko joküa eman gabe.

Informazio haboro hemen : 2012ko maskaradak

« Doux comme un mouton » Pierre Gazterregiren lehen libürüa presentatü dü Asto Belarra argitaletxeak. Hamabi eleberri edo fikziozko ixtoria llabür bildürik dira libürüan. Bere eleberrien ixtoriak asmatürik dira bena egün oroztako bizian kürütxatü begitarte, jente edo gertakarietan bermatzen dira. Dagün martxoaren 17an Maulen iraganen den libürüaren feidan erakatsiko da ofizialki. Ondotik, 19an Atharratzeko "Lilou Presse" saltegian eginen dü beste presentatze bat goizanko 10tan, 24ean Mauleko Xibero Bio saltegian ber tenorean.

Entzün Pierre Gazterregi "Doux comme un mouton" libürüaren idazlea : 

Mauleko Hilherria“Hil harri biribilak eta beren sinbolikak”, gure ondarea eta historiaren parte baten hobeki ezagützeko kümitatzen gütü, Mauleko Mus’arts alkarteak, Claude Labat Laubürü alkarteko kideak eskeiniko düan konferentziarekin. Azken urteetan, herri hainitxetan, hilherrietan ziren hil harri biribilak zaharberritü dira eta berriz agerian ezaririk izan dira. Maulen bezala hilherri berri bat sortürik izan zen. Hortan hil harri güziak mota hortakoak dira. Holako hil harriak noiztik geroz atxemaiten diren Euskal Herrian, eta beren zizelkadürak zer erran nahi düen esplikatüko deikü Claude Labatek neskenegünean arrestiko 14.30etan Mauleko zerbütxü günean.

Entzün Claude Labat Lauburu alkarteko kidea : 

Ausaz

Kronika

Emankizüna

Artxiboan