Kultura

: Kultura; 2012 Maiatza 18; Agerraldiak: 2800

Müsikaren egüna Urdiñarben, maiatzaren 18-19 eta 20an

23. Müsikaren Egüna hor dügü. Igantean bada jei nausia, üsatü bezala ostiralearekin hasiko dira Chistera jatetxean “Kanbera doble” antzerkiarekin ondotik “Xiberotarrak” taldearen kantaldia eta ürrentzeko “Kauter zinfoniaren” müsika. Hatik, neskenegün arrestitan izan behar zen hitzaldia “Made in Eüskal Herri” markaren üngürüan ezeztatürik izan da. Neskenegün arresti aphalean Urdiñarbeko plazan “Müsikalde eta Oilarrak” gero « Les kag » eta « Xutik » taldeen kontzertüa. Igantean 10.30tarik aitzina Müsikaren Egüna, sartzea kitorik. Egüerditarik aitzina Xiberoko Botzean züzenean girate giroaren biziarazteko eta bertsu saioa hedatzeko. Axurki bazkaritik landa kontzertüak izanen dira Urdiñarben, Tobrogoi, Les barbeaux, Nafartarrak, Gatibu, Ezpela. Eta Buuzbu taldearekin ürrentüko da jeia.

Entzün Battitta Berrogain ostiraleko egitaraua presentatzen :

Entzün Dominika Jaureguy neskenegüneko jeiak presentatzen :

Entzün Jean-Jacques Etxeberri iganteko Müsikaren Egüna aurkezten :

: Kultura; 2012 Maiatza 15; Agerraldiak: 3184

Euskal Kantu txapelketa Xiberoko erdi-finala Barkoxen

Haurren ondotik, gehitüen aldi kantu txapelketan ! Aurten ere, Euskal Kantuzaleen alkarteak, Eüskal Irratiak eta Xiberoko Botza irratia batü dira 2012ko Kantu Txapelketa antolatzeko. Üsatü bezala, haurren kantu txapelketatik landa, gehitüen aldi izanen da aurten eta Barkoxen jokatüko da Xiberoko erdi-finala. Barkoxeko merkaleküan iraganen da maiatzearen 16an, gaüko 8ak 1/2tarik goiti. Orotarat, hamar bat taldeek parte hartüko düe eta horietarik zonbait finaleala joanen dira.

Entzün Artzen Letona Xiberoko Botzako antolazalea eta koordinazalea :

: Kultura; 2012 Maiatza 11; Agerraldiak: 2863

23. Müsikaren egüna Urdiñarben

Müsikaren Egüna ospatüko da Urdinarben, maiatzaren 18–19 eta 20an. Aurten, Müsika egünaren 23 gerren edizionea da. Hiru egünez animazione franko izanen dira, mintzaldi, müsika, kantari, kontzertü, bertsulari, dantza, antzerki, jokü, erakusketa eta beste. Hots, programa aberatsgarri bat Urdinarbetarrek eta Bil Xokoek antolatürik. Urtez urte, Müsikaren Egünak bere fama zabaltü dü eta besta Herrikoia bilakatü da. Urdinarbetarrentako, besta hau jarraikitzea ber izpiritüan important zaie, erran nahi beita jei egün bat oroer zabalik eta dohainik. Ikus Müsikaren Egüneko programa.

Entzün Jean-Jacques Etxeberri Llargo Bilxokoko kidea :

: Kultura; 2012 Maiatza 12; Agerraldiak: 3317

"L'infection" Etienne Boyeren libürüa

« L’infection » deitzen da Etienne Boyer Urdiñarbetarrak plazaratzen düan libürüa, Asto Belarra argitaletxean. Amodiozko ixtoria batekin hasten bada, bertan fantastiko aldealat joiten dü, ez uste odoltsü baten mündüalat eramaiten beigütü. Xiberoko lürretan kokatzen dena gatik libürüaren haria galto baten üngürüan opilatzen da : zertako jentarteak beti sortü behar dütü menpera ezinak diren gaüzak. Hots, üngürümenaren bürü hauste eta hari eginik zaitzon basakeriak dira azkenean aipatürik, ikuspegi ülhün batekin… « L’infection » libürüa 3 ataleko lehen lana da, beste biak honen ondotik agertüko direlarik.

Entzün Etienne Boyer "L'infection" libürüaren idazlea :

: Kultura; 2012 Maiatza 10; Agerraldiak: 2832

René Cassin pastorala Sohütan 2013an

«Rene Cassin» date 2013an pastoral geia. Xiberoko makia pastorala emanez geroztik, 11urte iragan dira Sohütarrentzat. 2001an bizi düen experientzia hona berpizteko xedearekin, düala lau urte erabaki züen 2013ko urtearen etxikitzea pastoral emaiteko. Data etxikirik, geia haütatü behar izan düe. Sohütarrak, Jean-Louis Davant-en ganarat hüilantü dira pastoral baten idazteko. Larrabileko idazleak honartü dü eta René Cassin Pastorala idatzi dü. Orai, herritar biltzea beharrezko da. Beraz, Sohütar güziak kümit dira maiatzaren 12an neskenegünarekin gaiko 8.30tan Sohütako kirol gelan. 2013an emanen düen «Rene Cassin» pastorala presentatüko dü Jean-Louis Davant idazleak eta ber denboran errejentak ere aipatürik dirate.