Laborantxa - Üngüramena - Xiberoko Botza

: Laborantxa / Üngüramena; 2023 Urria 16; Agerraldiak: 798

Hur güti Ipar Eüskal Herrian

Ipar Euskal herrian hur heina ütüri eta erreketan zinez arrenküragarri da. Üda untsa hasi balin bagünüan ebi tzarrakada ejerrekilan, agorrila erditsütik ebi kotea güti üken dütügü. Hori eta igan negü idorrak alerta heinan ezarri dütü gure erreka nausiak süstut Urdazubi eta Errobi.
Xiberoako Ühaitza ere « vigilance » edo ernetarzün heinean dügü.

Gure hur erreserbak nula sortzen diren, klima kanbiamenaren eragina eta gure üsantsen kanbiamen beharraz minntzatü gira Allande Erreçarret hur ingernierarekin :

: Laborantxa / Üngüramena; 2023 Iraila 27; Agerraldiak: 811

Hür eta sagarren biltzeko sasua !!

Hür eta sagar biltzen ari dira Garindaineko Goyhenetxea etxaltean.

2.200 frutatze dütüe, eta sagar eta hürrak bürüalat arte bestelakatzen.

Sagar jüsa, sagarno, sagar ozpin, txipister baita hür olio eta tartinatzeko pasta besteak beste.

Xehetarzünak oro Olivier Latchère-ekilan:

Beren mozkinen ta etxaltearen berri hartzeko helbidea: https://www.facebook.com/profile.php?id=100057794253978

: Laborantxa / Üngüramena; 2023 Abuztua 21; Agerraldiak: 742

Kontzertü bat behientako, hori izan da Karmen harpa jolearen ideia.

Kontzertü bat behientako, hori izan da Karmen harpa jolearen ideia.
Düala urte zonbait üken züan ideia, müsikan aritzea behitegian, eta ohartü zen kabaleen izateko manera kanbiatü zela. Lasaiago egoiten ziren eta üdüritzen zila plazer hartzen züela.
Haren jakintza proposatü dü Xiberoko etxalte batetan, eta harpan jotzen dü jeistea beno lehen, kabaleek ampleki egük dezen.
Karmenek ez dü haren jakintza hortan ützi nahi, eta haren bürüko kaitto bateta festibal baten projektüa begiatzen dü, non ere proposatü nahi düan egünaldi bat kabaleen, müsika eta jenteen üngürüan.

Kamen eta Johane :

: Laborantxa / Üngüramena; 2023 Iraila 21; Agerraldiak: 772

Elikadüra autonomia indartü

Departamentüak elikadüra autonomiala bultzatü nahi dü. Horrentako esperimentazione desbardin zonbait egiten dütüe, Montorin, Urdiñarben edo ere Pagolan.
Igaran urtean kabalentako bazkaren prezioak hanitx goratü bada, bada urte zonbait departamentüak eseatzen dütüala hazi eta belar desbardinak lantazten, ikusteko ze mota hobeki egokitzen den.

Montorin ginen :

: Laborantxa / Üngüramena; 2023 Abuztua 10; Agerraldiak: 990

Eta züek tomateak nulakoak dütützüe ?

Eta züek tomateak nulakoak dütützüe ?
Udak jarraikitzen dü eta agorrila erditsüala heltü eta, üsatü beno eki gütiago agertü da.
Turismarentako ez hain hun, eta baratzearentako ere ez…
Etxenko baratzea joanarazten düen haboroxeak sufritzen düe, iragan urteko idorteatik landa, ebitsü izan beita aurtenko üda.
Tomatek partikülarzki sofritzen düe ;
Ondoko berrietan baratzezain baten gana hüllantüko gira bere sekretüak sala ditzan baratze hun baten segürtatzeko aurten.
Alta, ustegabean, baratzekien prezioa apaltü da bero güti izan delakoz früta eta baratzeki gütiago kuntsümitzen direlakoz

Mathieu Jaragoyhen (basalürran, baratzezain):