Laborantxa - Üngüramena - Xiberoko Botza

: Laborantxa / Üngüramena; 2024 Abuztua 26; Agerraldiak: 370

Organbidexkako txorien kontatzearen sasua da

Üztailaren 15an baizik ez badira hasi kontatzen, ondorio hau jadanik elkitzen düe LPO alkarteko kideek.

Badü 46 urte orai Txorien babesteko Ligako alkarteko kideak aldizkatzen direla organbidexkan larrainen, txorien kontatzeko. Horri esker txori espezien salbajeen jarraikia egiten ahal da.

Ikusten diren espezien artean haboroxienak harrapalariak dira : ülantxa gorriak, ülantxa beltzak, arrano txipia, arrano arrantzale, arrano sügezaleak, milotzak eta belatxak.
Bena horrez gain beste familietakoak ere agertzen dira solomak, ürzoak, korrido arruntak edo gabirai arrunta edo ere amiamokoak (cigogne).

Txomin Haure-placérekin, LPOko lagüntzailearekin mintzatü da Iulen Guiresse :

: Laborantxa / Üngüramena; 2024 Abuztua 16; Agerraldiak: 482

Aste ondar hontan Ahüzkiko bestak dira

Urtoroz bezala karrikako jenteen eta artzainen bibiltzeko egünaldia Ahüzkin !

Igantean, azken mentean üsatü dütügün Ahüzkiko bestak ospatüko dira.

Egünaldi alagera artzain, txakür lehiaka, eüskal jokü eta ahüzkiko bortü jokü tradizionelekin (lesterka ütürrilat, jauziak eta barraka).

Egüertan bazkaria ere bada, izena emaiten ahal düzüe Ahüzkiko ostatülat deitzez.

Michel Aguer:

: Laborantxa / Üngüramena; 2024 Uztaila 31; Agerraldiak: 538

Ahüntz gaznak bere leküa egiten dü Etxebarren

Xiberoko etxalteetan diren kabaleak üsü ardiak ala behiak badira, La Kabane a Kabris izeneko etxaltean ahüntzak dira nausi.
2023an Marion eta Arnaud plantatü dira Etxebarreko laborari etxe ohi batetan, ahüntz eznearen transformatzeko.
Gazna mota desberdinak proposatzen dütü.
Horrez gain Turismo bülegoarekin, ostegünez 1h30 eko bisitak proposatzen dütüe etxaltean.
Haien mozkinak salgei dira etxondoan, Gohetxean, Atharratzeko Casinoan bai eta ere Iratiko magasian.

Xehetarzünak Marion eta Arnaud-ekilan:

: Laborantxa / Üngüramena; 2024 Abuztua 08; Agerraldiak: 424

Bi merkatü antolatürik dira Athereien üda hontan

Ligi Atherei egitzen den herria ! Bi merkatü antolatürik dira Athereien üda hontan herriko mozkin egileekin.

Gazna egile franko, urdanki, bixkotx ala oraino baratzeki eta frütü. Eskentza zabala izanen da berriz ostirale hontan 7orenetarik goiti Athereiko plazan.

Müsikaz eta herriko dantzariekin alageratürik izanen da arrakasta biltzen düan hitz ordü hori azken hiru urtetan.

Peio Quihillalt:

: Laborantxa / Üngüramena; 2024 Uztaila 30; Agerraldiak: 302

Bil ta garbi sindikatüak bere ondarkinen tratatzeko antolakuntza kanbiatüko dü

Bilgüne handiena, Sarikota Pean den « Mendixka » izeneko ondarkintegi edo dexeteria arrantolatüko da.
Orotarat 30 mila tona ondarkin tratatzen dütü güne horrek, erdia arra-erabilten ahal dena, eta beste erdia lürpealatzen ala leküz kanbiatzen.
Günearen arrantolatze bat izanen da hüllan 2 miliu euro kosteko düana.
2025ean Projeta bürütüko denean, biohondarkinak hots belhar eta zuhain ondarrak eta janari ondarrak baizik ez dira sartüko Mendixkan.
Baratzen direnak oro hots etxe hondarkinak Baionako Kanopian tratatüko dira.

Xehetarzünak Jean Michel Iroume-ekilan: