XÜXENEAN ENTZÜN

Laborantxa - Üngüramena

2014eko aitzinkontüa eta 2019. Urte artinoko orientabideak presentatürik izan dira iragan astean Paueko Laborantza Ganbarako azken biltzarean. 8 millioi eta 900000 eurotan etxekirik izan da aitzinkontüa, bena legarretarik horra diren sartzeak eta lagüntzen biltzeko geroz eta nekeago beita, pagatüz diren zerbütxü gehiagoren eskeintzea erabakirik izan da, ganbararen aktibitate hein beraren etxekitzeko. Lür edo hürraren sailetan, Laborantza Ganbararen  gaitarzünak proposatüko dira egitüra pübliko ezbardineri. Pac delakoaren txostenen egiteko baita bastimentüen eraikitzeko laborarier eskeintzen diren zerbütxüak franko kariotüko dira. Donapaleuko ganbararen egoitzaren haunditzea ere deliberatürik izan da. 700000 euroko inbestizamentü eginen da.
Jean Michel Ansolabehere :

Argazkia : Gilles ChouryEHKO, Eüskal Herriko laborantza biologikoaren lehen identifikatzailea sortü da iragan neskenegünean Xiberoan. Zazpi lürraldeetako laborariek eta ekoizpen egileek, lau urtez eraman düen gogoetaren emaitza da. Haren helbürüa da lehen lehenik biologikoan ari den laborantzaren berextea industriaren ekoizpen biologikoetarik eta bigarrenik ixpiritü berarekin ari diren Euskal Herriko laborari eta ekoizleen alkarretaratzea. Neskenegünean egin den ürratsa inportenta izan bada ere, oraino gelditzen da bide egiteko, sortü berri alkartearen egitüratzeko, identifikatzailearen arrautegiaren finkatzeko eta haren ezagütarazteko.
Mirentxu Doyenart :

Urte eskasa hegaztien migrazionean Organbidexkako lepoan. Hegaztien babeseko ligaren barnean da, LPO Aquitania. Egitüra horrek Akitaniako güne desberdinetan txori kontaketak egiten dütü. Helbürüak direlarik hegaztien aitzinamentüen aztertzea, migrazionearen garaien aztertzea beroketa klimatikoari lotürik eta gizarte zabalari argitarzün güzien emaitea. Aurten audela Xiberoko Botingoak egoitza bat ützi deie. Ondorioz baliatü dira erakusketa güne baten plantan ezarteko.
Jean Paul Urcun LPOko kidea :

Euskal Herriko laborariek agroekologiaren bidean, garrantzi haundiko ürratsa eginen düe neskenegünean Xiberoan, Irabarneko gaztelüan eginen diren 6. Topaketen karietara. EHKO, Euskal Herriko agro-ekologiaren identifikatzaile berria edo labela abiaraztea hor erabakiko da. Bada jadanik sei urte, Biolur, Bionekazaritza, B.L.E, Landare Lurreko, Lur Bizia edo ENEEK bezalako elkarteak EHKOlektiboan elkarretaratü direla eta EHKO identifikatzaile berria, düala 4 urte hasi gogoetaren emaitza date. Neskenegünean desmartxaren izaera jüridikoa haütatüko da eta elkarteen arteko hitzarmena izenpetüko da.
Thomas Erguy BLE alkarteko kidea :

Argazkia : Laurentx EtchegoinMillioi bat eta sei ehün mila ürzo kontatürik izan dira aurten Ürrüña eta Biarnoaren artean. Ihiztarien federazioneak erran deikünaz, entrebaleko urteetan sailkatzen ahal dela aurtenkoa. 2012ari konparatüz millioi bat ürzo gütiago kondatürik izan dira bena 2011an beno ehün mila haboro. Ürzo gehienak Eüskal kostaldean iragan baldin badira, azken urte horietan ez bezala, Ossau ibarra artino ere pasajea izan da aspaldiko partez. Bena kontalarien memorian egonen da ürrietaren 31a, egün bakar batez millioi bat eta ehün mila ürzo kondatürik izan beita.
Patrick Loustau Naphaleko ehiztaria :


Pilla Idiart Oxkaxeko ehiztaria :

Ausaz

Kronika

Emankizüna

Artxiboan