Iragan larrazkenean abiatü zen Herriko haragia desmartxa, bide honean da. Jadanik 15 bat haragitegi, salgüne, jatetxe eta ikastetxeek proposatzen düe Herriko behi haragia, eta 300 bat behi hazle desmartxan sartü dira. Hiru hilabetez, hogei bat haragi tona saldürik izan da. Orai beste ürrats bat nahi da egin, behi hazle eta salgüne haboro atzamaitez, promozione azkarragoa egitez, helbürüa delarik 200 tonetara heltzea, desmartxa hein hortarik harat bideragarria beita. Herriko haragia desmartxaren garatzeko artea haundia da oraino, jakinik delarik hebenko behien laurden bat baizik ez dela heben gizentarazirik eta ehorik. Ororen bürü, desmartxaren helbürüa da, behiak etxalteetan gizentaraztez, laborarien errebenioen hobetzea, konsümitzaileer kalitate haundiko haragia eskeintzez. 
Peio Quihillalt Herriko alkarteko bürüa :

Astelehen goizan, laborantzako ministeritzako behi primen partikatze proposamenaren salatzeko, laborariek Hazparne, Donibane Garazi, Olorue eta Mauleko perzepzioneak oküpatü dütüe. Orotara 200 ziren eta Maulen, ELB sindikatak deitü züan alkarretaratzean, 70 laborariek eta behi batek parte hartü düe. Sindikatak, 15 behiz petikakoeri behi primen ez emaitea ez dü honartzen. Audela eta oraino sordeiago, 0,8 prodüktibitate indizeak laborari hanitx baztertüko düala ere gehitzen dü. Aste hontan Parisen negoziazioak jarraikiko dira, ELBk mobilizatürik egoitea galdegiten dü. 
Dorothée Nabarra ELBko ordezkaria :

Iragan ostiralean Irabarneko gaztelüan, Departamentüko laborantza ganbarak, etxaldeetan beso eskasa problemetikari, hüilanetik edo ürrünetik, lotürik diren aktore güziak bildü zütüan. Antolazaleek nahi züen, lehen assisa horiek gogoeta zabal baten abiatzea izan ziten eta alde hortarik helbürüak kausitürik izan ziren. Lekükotarzünen bidez edo lan taldeetan jorratürik izan ziren geiak, esperientzien trükatzeko eta informazioen zabaltzeko baliagarri izan ziren. Assisetan, laborarien aldetik üsü informazio eskasa agertü bazen, langileria kudeatzen düen egitüren arteko koordinazio falta, azpimarratürik izan zen. Langileen ikuspüntütik, lanpostüen iraunkortarzün falta aipatürik izan zen. Urte orotako lanaren bermatzeko aktibitateen arteko zübiak eraiki beharko direla erranik izan zen eta laborari-artzain ofizioaren irudia ere hobetü beharko dela. Urte osoan hasi lana jarraiko da, urte ondarreko aterrabideen proposatzeko xedez, helbürüa delarik Leader Euskal Mendia programan, partaide güzien artean egitasmo baten sortzea. 
Jean Michel Ansolabehere Departamentüko laborantza ganbarako bürüa :

"Bortüka egiten düen etxalteak eta langileria", lehen assisak iraganen dira ostirale hontan Irabarneko gaztelüan. Geroz eta haboro, laborariek, etxaltea eta olharen joanarazteko zailtarzünak beidütüe, etxalteaz kanpoko langileriaren beharra agertzen da. Bena mota ezbardinetako trabak ere agertzen dira, kostea, edo konfiantza besteak beste. Alta, kausitürik izan diren esperientziak ere badira bena ez dira agian aski ezagütüak. Hortarako esperientzien trukatzeko eta aterrabideak ezagütarazteko, Departamentüko Laborantza Ganbarak eta Etxarri Formakuntza zentroak, beste egitürekin partaidetzan, lehen assisak antolatzen dütüe. Barantailaren 7an ostiralarekin, goizeko 9.30etarik harat, lekükotarzünak sail ezbardinetan ekarriko dira eta egüerdiko bazkariaren ondotik atelier ezbardinetan, problematika zabal hori hobekiago barnatüko da. Atelieretan eta egüerdiko bazkariarentzat deitü behar da lehen bai lehen 05 59 65 86 09 zenbakiala. 
Danielle Lassalle Etxarri-ko animatzailea :