XÜXENEAN ENTZÜN

Laborantxa - Üngüramena

Xiberoan hazirik eta gizentarazirik behia ohoratürik date, maiatzaren 22ean Altzürükün ospatüko den Bortüko Bidearen bestan. Goizean goizik 350 behiek, Altzürükürütik, Ahüzkiko bidea hartüko düe. Aurten, lehentze behi primaka eginen da eta broxetan errerik behi erdi baten aragia gozatzen ahalko da egüerdiko bazkarian. Egün orotan leküko mozkinen merkatüa, erakuskak, eta animazioneak badirate. Besta horren bidez, Xiberoan 10 urtez behi sailaren garatzeko eramanik izan den lana agertarazi nahi da.

Entzün Beñat Epherre Bortüko Bidean bestako süstazale bat :

"Frantziako Bazterren Zaintzeko Batzordeak" bere ikus moldea maiatzaren 20an plazaratüko dü, Biarnoan hartz eme baten ezarteaz. Abürümen aholküzkoa baizik ez da izanen eta Nathalie Kosciusko-Morizet Üngürüamen Ministroak, baimena emaiten düanez aski fite ihardetsi behar lüke. Arramaiatz hatsarre artino, memento hona da horren egiteko hümatzearen sasua beita. Hartz ezartearen alde den FIEP egitüraren araberan, leküko hartz arrazaren salbatzeko azken xantza da eta eme bakar baten ekarpena gütienezko salbatzea da.

Entzün FIEP egitürako Jérome Ouilhon :

Ohizko energietarik elkitzea epe llabür batean posible da, bena hortarako kuraje politiko bat behar da. Hona zeren erraitera jin den Mathieu Dorey Attac-eko partaide eta injeniür dena. Sobera destüaje, tram eta treiñ gütiegi jente eta ekoizpenen karreatzeko, etxe eta eraikuntzak ez aski ontsa izolatürik, petrola eta energia nüklearraren lobbiak, hona zerek egiten düan bere ustez, erregeien aitzinean dügün menpekotarzüna. Xiberoaren kasüan, bere hur eta oihanekin, autonomo izan ahal leite energia beharren aldetik, baldin eta energia horen berresküratzeko ausardia balü. Kasü honen azpimarratzeko Mathieu Dorey-ek aipatü dü Pariseko kasüa non eta, hur kudeazale pribatütik berriz püblikoala arrajin den eta Bartzelona herriarena ere aipatü dü, zoinek, legea gaintitüz, eki-indarra garatü düan herrian. Egitate hau legez kanpo izana gatikere, ez da haütetsürik zigortürik izan… Ausardi politika den heinean, gaüzak posible dira Mathieu Dorey-en arabera. Pays-de-Loire eskualdean "Virage-Energie-Climat" alkarteak eraman dütüan ikerlanak eta elkibide güziak ikusgei dira virage-énergie-climat webgünean.

Entzün Mathieu Doray Virage-Energie-Climat alkarteko süstazalea :

Agalaxia ardi eritarzünaren hedapena anple egon bada azken hilabeteetan, erne egoitea aholkatzen dü GDS egitürak. Bortükaren hüilantzeaz baliatü gira püntü baten egiteko, GDSeko Arño Etxebarnerekin. Urte batez departamentüan 7 kasü berri baizik ez dira agertü, jadanik kozatürik ziren eremüetan. Üdüriala, hartürik izan diren neurriek ondorio honak ekarri dütüe eta ber bidean jarraiki behar dela deio GDSak, hots kasü handiaz ibili behar dela. Bortüka hasi aitzin bilkürak eskualdeka bürützen ari dira eta maiatzaren 10eko bortüala goiti joaiteko araudiak finkatüko dira.

Entzün Arño Etxebarne GDSan agalaxia jarraikitzen düana :

"Kapitalismoa nontik da elkitzea" mintzaldi-hitzaldiak BIZI mugimentüak antolatürik apirilaren 15tik-maiatz 1ala. Erabilten dütügün foziloak laster orozbakoz agortüko beitira, berotegi efektoa handitzen delakoz eta energia nüklearra ez delakoz batere fidagarria, energiaz eta klimaz  bi hitzordü proposatzen dütü Roblez Arrangiz Fundazioneak . Lehena apirilaren 22ean date Zinka ostatüan. "Larrialdiko klima" berotegi efektoaren mekanismoa dateke aipatürik arratseko 19.30tan Zinkan Maulen. Bigerrena aldiz, "Energia-lima bühürgüne plano bat Xiberoan"  apirilaren 23ean date goizanko 10etan Mauleko zerbütxü günean. Mathieu Doray injeniüra jinen da aipatzera, nola leküan leküko energia fozilo eta nüklearrik gabe bizitzen ahal den, Frantzia iparrean egin experientzia bat aipatüz besteak beste.  Xehetarzün güzientako BIZI webgünean : http://www.bizimugi.eu

Entxün Xabier Harluxet Robles-Arangiz fundazioneko ardüradüna :

Ausaz

Kronika

Emankizüna

Artxiboan