Frantses merkatüan axuri salmentak emendatzeko xedearekin, saltzale bat hartü dü Idauze-Mendiko CAOSO kooperatifak. Hiru urte barne axuri salmenten % 30ez Frantses merkatüan nahi lüke egin. Erran behar da mementoko, kooperatifak merkatüa ber leküan düala, salmenten % 95ez Espanian beitü. Hebenko axuriaren hobeki saltzeko, “Agneau de lait des Pyrénées” IGP ezagütgarri berria, lagüntgarri izanen dela uste dü Jean Marie Etxegorri CAOSOko züzendariak, bena informazio kanpaina bat beharrezko agertzen da, axuria ekoizpena ez beita oranokoan aski ezagütürik, bereziki gazteen partetik.

Entzün Jean-Marie Etxegorri CAOSO kooperatibako ardüradüna :

Diskriminazio sindikala izan dela honetsi dü Claudie Viaud, Tolosako proküradore ordeak, Tolosan egin den FNSEA sindikataren auzian. Horrez gain, 100000 euroko ixüna galtegin dü Coopéval kooperatifaren kontre eta 3000 Jean Claude Labit haren lehendakariaren kontre. Beste 100000 euro bakotxari galdegin dü, sosa üken züen hiru "Zereala Ekoizle Sindikater". Kooperatibaren bidez altxatürik den legarrarekin, laborariek FNSEA sindikatari kotizazionea jakin gabetarik pakatzen düelakoz, auzibidea zabaltü züen Confédération Paysanne eta Coordination Rurale laborari sindikateek. Bi sindikat horiek damü-domaiak galtegin dütüe, lehena 300000 euro, bigerrenak aldiz euro sinbolikoa. Epaileak urtarilaren 28an emanen dü bere deliberoa.

Entzün Jacques Bonati FNSEAko auzia jarraiki düana : 

Laborantsak urte oroz 800 hektara galdü dütü azken hamar urteetan. Ikerketen araberan deüs ez bada egiten tendentzia horren ützülikarazteko, 2030ko beste 30000 galdüko lütüzkeala. Azaroaren 15an Saliesen egin diren "Lürraren Asisetan", Jean-Mixel Ansolabeherek erran deikünaz, laborantsako lürren zaintzeko tresna güziak baliatü edo hobetü behar direla, zenbaki hori erdiz ttipitzeko. Tresna berri zonbait sor ahal litaike, gobernüak hitzeman beitü tendentzia horren kanbiaraztea, 2013an sortüko den etxebizitza, ürbanismoa eta hiriko lege berrian.

Entzün Jean-Mixel Anzolabehere Departamentüko Laborantsa Kanberako lehendakaria : 

Bazkeen prezioarengatik eta Ossau-Irati sormarkaren agintzen kanbiamenen gatik, "Bortüa eta Ordokien arteko gehigarritarzüna" azkartü beharko da. Jadanik, Ossau-Irati sormarkaren eremütik kanpoko ardail eta lüzernaren kantitate erostea mügatürik da eta 2018an enzilaje emaitea  ezne sasu denboran debekü izanen da. Hots, Ossau-Irati sormarkaren eremüan lantatürik bazkeen beharra azkarki emendatüko dela ikusirik da eta hortarakoz barne merkatü berri bat antolatüko da. Azken 5 hilabeteetan, Jean-Baptiste Engelvin Tolosako Purpan eskolako ikasle gazteak eraman düan lanaren araberan, gehigarritarzünaren hedatzeko, heben saltzen diren bazkeen kalitatea bermatü behar da eta salerospena hobeki antolatü beharko da.

Entzün Jean-Baptiste Engelvin Ossau-Iratin sor markan lan egin düan "Bortü eta Peko gehigarritarzünaz" :