Axurka hüilantzen dela eta, "Schmallenberg" eritarzünak arrenkürak sorarazten dütü hazleen beitan. Eritarzün horren lehen kasüak, 2011ko azaroa agertü ziren Alemania, Belgika eta Herbeherretan, ardi eta behi hazkuntzetan. Urte hatsarrean, müga igaran züan kozüa. Eta barantailan jadanik, 152 saldoak 25 departamentüetan hunkirik ziren. Geroztik, kasü bat agertü da Urdiñarben ahüntz hazkunta batean. GDS Osagarri Zerbütxüak, saldoetan egin dütüan odol ikerketen araberan, eritarzüna hedatzen ari da. Hots, ondorioak hümeetan agertzen dira, nokü ezbardinekin sortzen edo hiltzen beitira. Prefosta, lotsak badira larrazken hontako, ardi saldoetan ikusiko beita zer heinean zabaltü den "Schmallenberg" kozüa.

Entzün Arño Etxebarne Agia GDSko ordezkaria : 

« Agronomia eta bazka » egünaldi teknikoa antolatzen dü setemerearen 28an Eüskal Herriko Laborantsa Kanberak, CUMAren federazioneen partaidegoarekin. Behaskanen goizanko 9.30tarik 12.30tara « Strip Till » eta negüko estaliak aipagei dirate Alain Claverie-ren etxaltean. Arrestiritan Hazparnen 14tarik-17tara xoroetako belhar azien nahastea erakatsirik date eta lau tresnak ikusgei dirate Ximun Duguineren etxaltean. Interesatürik diren laborari güziek, Ainizan den Eüskal Herriko Laborantsa Kanberala deitzen ahal düe xehetarzünen ükeiteko.

Entzün Iker Elosegi Euskal Herriko laborantsa Ganbarako teknikalaria : 

Hazparneko CFAko Mathieu Gentil-Metzek dü irabazi, Departamentüko Artzain Gazteen lehiaka. Setemerearen 28an Berrogaineko laborantsa lizeoan, Donibane-Garaziko Frantsesenea, Donapaleüko Errekart, Hazparneko CFA, Olorueko Laborantsa lizeoa eta Xiberoko lizeoko 38 ikasleek parte hartzen züen Artzain Gazteen lehiakako finalan eta horietarik 8 sailkatü dira Akitainia eskualdeko erdi-finalentzat. Bigerren eta hirugarren leküan, bi xiberotar sailkatü dira, Gamereko Denis Luchilo eta Mitikileko Didier Recondo. Lehiaketarik kanpo, 16 urtez peko 9 gazteek ere parte hartzen züen. Lehen leküan, Heletako Denis Urruti, Frantsesenia lizeoko ikaslea, sailkatü da. Setemereko finalatik, lehen zortziek parte hartüko düe, dagün urtarrilaren 31an Landesetan eginen den Akitaniako kanporaketan. Frantzia mailako finala dagün urteko Pariseko Laborantsako saluan eginen da.

Entzün Mathias Duhart Ovinpiades delakoen antolazale bat :

ELB, Eüskal-Herriko Laborarien Batarzüna eta Biarnoko Confédération Paysanne sindikata, algarrekin presentatüko dira Departamentüko laborantsa kanberako bozkentako. Hau jakinarazirik izan da Eskiulako Jean-Yves Murcuillaten etxealtean, bi sindikateetako ordezkariek egin düen prentsa aitzinekoan setemere hatsarrean. PAC delakoa berriz negoziatzen den memento hontan, beste laborantsa molde batetara joan behar dela erran düe Confédération Paysanne-koek. FNSEA eta FDSEAk builtarazi eta kudeatü düen laborantsa mota, laborari hanitxen desagertzea baizik ez züala ekarten, salatü düe. Orai dela kanbiatzeko mementoa eta laborariak beren geroa esküetan arrahartü behar düela azpimarratü düe. Departamentüko Laborantza Kanberako bozkak dagün urtarrilan eginen dira.

Entzün Maryse Cachenaut E.L.B sindikateko kidea :