Euskal Herriko Alkargoaren ebilmoldeaz jenteek zer zioten jakin nahiz, BATERA plataformak hamasei bilküra pübliko antolatü dütü Iparralde osoan. Xiberoan biga baziren, bata Atarratzen, eta azkena Maulen. Bilküra horietan, Euskal Herriko Lürralde alkargoaren alde hon eta txarrak xeheki bildü dira. Lan hori eginik, ondoko ürratsa, emaitza horien irakurketaren egitea date. Lan hori, hamar lagünen artean eginen da, non badiratekean, legean aditü direnak, haütetsiak, eta jentarte zibileko partaideak. Hortik elki oharrak, Bateraren bilküra orokor batean aipatüko dira eta, Euskal Alkargoari helaraziko zaitzo. Hantik harat, egingarri den kanbiorik ez bada agertzen, Baterak ez dü baztertzen mobilisazio zabalagoen antolatzea. Bilketa lanaren emaitzak, dagün urte hatsarreko agertü behar lükie. Frantxoa Camus :

Mauleko kontseilüak ere bai bere sartzea egin du joan den astelehenean. Onartü da euskal alkargoarekin hitzarmen baten izenpetzea etxebizitzen hobetzeko. Bestalde bilkura pübliko bat antolatü gei düe Mazedoniako familia baten lagüntzeko. Azkenik Linky-en aurkako alkarteari hitz eman düe dagun kontseilüan Linky-ren gaian trenkatzea. Mixel Etxebest aüzapeza:

Alternatiba TOURa Mauletik iganen da ürrietaren 3an. Hori klimaren süstengüz den mobilizazionerik handiena dügülarik. Uda hontan Parisetik abiatürik ürrietaren 6an heltüko da Baionarat kasik 6.000km egin ondotik bizikletez ! Ebilbide osoan klima kanbioaren kontre eginik diren alternatiba konkretoak agerian emanik dira. Urrietaren 3an Mauleko zerbütxügünean Alternatiba herrixka bat antolatürik date. Xehetarzünak Bizi'ko Allande Errezarret-ekilan:

2002an sortü zen mugimentüa, jentarte zibilak ere bere hitza üken dezan ezatabada politikoan, eta horien artean Euskal elkargo baten sortzea. Geroztik eta erreferendum lan bat eraman ondotik, beren lana aitzinatü da. Bada orai urte bat eta erdi Euskal elkargoa abiatü dela eta bilanan egiteko mementoan, egitüra horren hobetzeko direnak aipatü nahi dütü mugimentüak. Hartakoz Euskal Herri osoan antolatzen dütüe elestatze gaüaldiak non ere bakotxak alde honak eta txarrak aipatzen ahalko dütüan Xiberoan Atarratzen setemearen 21an eta Maulen setemearen 28an, arratseko 8orenetan Frantxoa Camus: