Un berger et deux perchés à l’Elyssée ? filma dokümentala Maule Baitha zine gelan hedatüko da neskenegünean, urtarilaren 5ean gaüko 20.30etan. Pierre Carles et Philippe Lespinasse errealizadoren film bat da. Iragan 2017ko Frantziako presidengoako bozketan, Jean Lassalle Biarnes depütatüaren kanpaña jarraiki züen bi errealizadoreek dokümental baten egiteko, eta fite joküan sartürik, haütageiaren konseilariak bilakatü ziren. Sorpresaz beterik hiru jente horien abentüra kondatzen dü filmak bena bereziki haütagei Biarnesaren ilüsio eta desilüsioak. Pierre Carles :

SAEP hur sindikatak bere azken biltzarra egin dü. Eric Narbaits Jaureguy, Euskal elkargoaren hur sailaren ardüradüna hor zen haütesien azken galtoer arrapostüen emaiteko. Dagün hurraren prezioa ez bada orano finkatürik, xiberotarrentako apaltze bat badate segür. Michel Hourçourigaray sindikatübürü ohia:

Ezpeize herriak egiazko plaza edo bilgünerik ez badü, horren sortzeko eginahalak egiten dütü. Herriko biztanlegoa emendatüz doa, bena kürütxagüne beharrezko da harreman egiteko. Hortako eliza parrean, hots arrabotü kantean pentze bat jostakagia eta petankagia eraiki dütüe. Bestalde, eliza bazterrean ilherri apaintü bat eginen düe. Horiek herritarrentako badirate, kanpokoer batzarri egiteko ere komitate püblikoak ere eginen dütüe. Hola turisten ützülien barne sartzen ahalko da Ezpeizeko elizaren bisitatzea. Obrak bedatsean ürrentüko dira eta 500.000 euroko aitzinkontüa finkatürik da. Michel Ibarra :

Irabarneko jauregia, Aguerria hotela eta Linky kontagailüak izan dira aipagei nausiak eta eztabada ekarri düenak, Mauleko Herriko azken kuntseilüan ! Irabarneko jauregiarentzat küdeazaile baten beharra bada eta oranokoan ez da arraharzailerik, oposizioak kritika zorrotzak egin dütü orai arteko küdeantzaz. Bestalde, Aguerria hotelaz beste behin eztabadak izan dira, informazio eskasa salhatü dü oposizioak, legea jarraikitzeko jenteek eman sosa kapitalean sartürik izan da eta hor ere kritikak izan dira. Michel Etxebestek arrapostü eman dü kritikeer, alde batetik Irabarneko jauregiaz, oposozioa ez dela agertü haitagei joanarazteko, bestalde Aguerriaz hotela ontsa hasi dela eta hotel bat beharrezkoa dela xiberoarentzat. Azkenik Linky kontagailüetaz erabaki bat hartü beharra zen, bena azkenean ez da egin, ondoko kuntseilüan hartüko dela hitzemanik izan da. Beñat Elkegaray :