Soziala - Osagarrigintza - Xiberoko Botza

: Soziala / Osagarrigintza; 2013 Urria 09; Agerraldiak: 2110

Collectif Souletin alkartea sortürik da.

"Collectif Souletin" izena hartü dü, "Xiberoko Zarea" izena züan egitürak, iragan ostiraleko ez ohiko biltzar nagusian. Xiberoko Zareak behar handian diren familiak lagüntzen dütü, mozkinak prezio apalean saldüz. Bertako animatzaile den Aurore Lorenzi hasia zen, beste animazione zonbaiten eskeintzen, bizikleta konpontze, sukaldaritza ikastaldi, elkaldiak eta beste. Horrez gain, Xibero eta Biarnoko CAF, familien kütxak diagnostika bat eginarazi dü Xiberoko familien beharren aztertzeko. Hortik elki da, familier hertxatüko den adar baten sortzeko beharra. Ostiralean adostürik izan da, Collectif Souletin deitzea, bi egiturak kudeatüko dütüan alkartea, Xiberoko Zarea eta familien animazio gunea. Adar berri horrekin esperantxa düe animatzailearen lan postü erdia, osoa bilakatzea.
Aurore Lorenzi Collectif Souletin alkarteko animatzailea :

: Soziala / Osagarrigintza; 2013 Urria 08; Agerraldiak: 2404

Bikoteaz eztabadaka egün Maulen.

"Bikotearen ideala eta bikote idealaren artean, biziaren errealitatea" eztabadaka proposatzen deiküe, Karkaila Xiberoa eta Collectif Souletin alkarteek, astearte hontan 20.30etan Mauleko zerbütxü güneko Irati salan. Sophie Schumacher andere psikologoak argitarzünak ekarriko dütü. Sartzea dohainik eta oroer zabalik.
Aurore Lorenzi Collectif Souletin alkarteko animatzailea :

: Soziala / Osagarrigintza; 2013 Iraila 30; Agerraldiak: 1947

Berriz artino Kidegünak.

Argazkia : Artzen Letona. Kidegünak, Xiberoko alkarteen lehen jeia, alkarteen mündüaren bizitarzüna erakusteko parada izan da. Ostegün eta ostiralean, milako bat ikasle hüilantü da, kültür, kirol eta alkartarzün sailako elkarteen ezagützaren egiteko. Neskenegünean, aktibitate franko izan dira, bai jaï-alaïean baita ere kanpoan eta Ühaitz bazterrean. Lagün Pass kartaren presentatzea egin da. Karta honi esker, alkarteetako kideek, zinema gelan, pizinan edo kirol partida ezbardinetara joaiteko prezio aphaltzea ükaiten ahalko düe. Alkarte mündüak orai bezala segi dezan eta gero eder bat üken dezan indarrak oro eginik dira.
Sébastien Challa Mauleko haütetsia :

: Soziala / Osagarrigintza; 2013 Urria 07; Agerraldiak: 1967

Euskal Mendia, Lapurditik Xiberoala lokarri.

Argazkia : Laurentx Etchegoin Leader Euskal Mendia 2009-2013 egitasmoaren bilana egin da ostiralean Iratin, Mendiko Topaketak egünaldiaren karietara. Bilan oso baikorra egin düe, eta partaide ezbardinek gogoeta eraman düe, ikusteko zer segida emanen düen, nola segitüko düen eta lehentarzünezko erronken finkatzeko.
Jean Pierre Mirande Euskal Mendia batzorde eragilearen lehendakaria :

Xehetarzün güziak, Haboro irakurri klixka.

Irakurri gehiago ...

: Soziala / Osagarrigintza; 2013 Iraila 26; Agerraldiak: 2277

Kantariak Guatemalako haurren alte.

Bostajoa, Canteria de la Haut, eta Philia kürrak, baita ere Philippe Urrutibehety kantari lirikoa pianoz lagüntürik, kantan ariko dira ostiralean, setemerearen 27an gaüko 21etan Ospitalepeko elizan, Guatemalako haurren alte. Le Quetzal alkarteak, Guatemalako haurren eskolatzeko, edo nekezi haundian diren familien lagüntzeko, ekintzak antolatzen dütü aspalditik. Hemen bildürik lagüngoari esker, arropen josteko lankiak edo baratzeak besteak beste sortürik izan dira jadanik. Ostiraleko kantaldiaren irabaziarekin, informatika gela hornitüko da, oso baztertürik den herri bateko haurren eskolatzearen bermatzeko edo erresteko.
Françoise Tourreuil Le Quetzal alkarteko kidea :