XÜXENEAN ENTZÜN

Berriak

Gotaine-Irabarnen, Atharratzeko bide zaharrean edo Erregeen bidea ere deitzen den bide bazterrean, düala 15 urte oihan berezi bat lantatürik izan zen (Irabarneko hilerri berriaren ondoan). Zühainekin batean, beren izenak eüskaraz, frantsesez eta latiz erakusten dütüen taula elibat ere lantatü zütüen. Aste hatsarre hontan, Gotaine-Irabarneko haurrek Arboretum delako hortan xahaketa lanak egin dütüe. Taula berri zonbait ezarririk izan dira. Xenda bat abiatzen da hilerri parean, eta petik gora joaitez zühain ezberdinak eta beren izenak ikusten ahal dira.
Entzün Jean Christophe Arraiet, Gotaine-Irabarneko haütetsia :


Entzün Céline Berruet errejentsa :

Zühainak xenda horren bazterrean dira, petik gora

Mauleko postako langileak kexatü dira abentü ondarreko lan egün bat ez beitzaie pagatürik izan. 17 faktürretarik 15 greban ziren horren salatzeko. Ontsa entelegatzeko, postaren ibilmoldea behar da esplikatü. Astelehen eta asteartez, gütün güti badelarik, turnada zonbait partekatzen dira ; eman dezagün Garindainekoa faktür batek egiteko partez, beste turnadak egiten dütüenen artean partekatürik dela, beren herrikoa egin ondoan Garindaineko etxe zonbaitetara joaitez. Sistema hori baliatzen düe ere bai norbait eri delarik.
Postako leheneko züzendariak nahi izan zütüan gisa hortan ariarazi agorrilako bi astez. Langileek ez züen honartü, horrek erran nahi beizüan ber lana egin behar züküela langile gütiagorekin. Negoziaketak izan ziren, eta azkenean adostü zen 2009an ez zela gisa hortako egünik izanen ez bazen astelehen edo asteartea, edo ez bazen langile bat ments.
Halere, abentüaren 26an, neskenegünez, hala egitea galteginik izan zaie. Pausüko izan behar zirenak ere lanealat joan ziren, bena züzendaritza adostü zenaren gainetik iragan eta ez dütü pagatü egin lanarengatik. Züzendaritzak dio ez züela galteginik zen lana egin.
Argibideak ez baziren lagüngarri, beha ezazüe Mauleko postan langile eta CGTko ordezkaria den Pierre Gonzalez :

Orai artino düdak baziren, oraikoan gaüza segürra da negüan sartürik girela bete-betean. Larraintarren otoak elürrez beztitürik jaitsi dira Maulerat aste hatsarre hontan. San Martiko Harrian berriz lanak ürrentzen ari dira, eta behar bezala joaiten bada, aste-ondar hontan lerragiak zabaltüko dira. Halere aste batez gibeltü behar izan düe zabaltzea elür eskasarengatik.
Dena den San Martiko Harrian, aurten, hego Nafarroalat so jarri dira, eta alkarlanean ariko dira. Entzün René Errezarret :


Bestalde egonaldi zonbait üsatü beno merkeago izanen dira, eta horien berri ükeiten ahal düzüe heben klikatzez. Xiberoko Botzan, oraitik aitzina, ostirale oroz ükenen düzüe San Martiko Harriaren berri René Errezarreti esker.

Azken denboretan, legeak hala erranik, urdea Mauleko kabale hiltegian ehaiten düe haboroenek. Bena ez denek. Ibarresküineko etxalte batetan, urdea etxerat eramanik zaie, askaiten dira... eta lanealat.
Heben proposatzen deiziegü dagün asteazkenean hedatüko dügün erreportajea.
Entzün :


Eta beti bezala, argazki güziak handitzen dira beren gainean klikatzean.

 



Argazki haboro heben pean "haboro irakurri" klikatzez

1953an Lyonetik jin harpe-ikerzale talde batek züan atzaman San Martiko harriaren pean den leize handi hori. Atzamanik izan zenetik, xede bat beno haboro asmatürik izan zen. Horietarik bata 2006an gaüzatü züan SHEM egitürak, La Vernako hurrarekin elektrizitatea ekoiztez. Bena holako leize batek lüküan interes turistikoaz ere laster jabetü ziren leküko agintariak. Gogoan dügü orano trein bat gei züela sarrarazi mendian barna...
Oraiko xedea, Santa Grazi, Aramitze eta Eretako herriko etxean sortü SIVUak dü eraman, eta aitzinekoan beno aitzin-kontü errealistagoa da. Halere, 900 000 euro beharko dira 2010ean La Verna turister zabaltzeko. Lanak abentü hatsarrean hasiko dira, 2010eko arramaiatzan ürrentzeko, nahi bezala joaiten bada.
Entzün Albert Aguiar, Santa Graziko aüzapeza :


Lolen ahotik entzün La Vernaren historia :

La Verna hobeki ezagützeko horra bi lotüra :
Blog hau edo beste hau

 

Ausaz

Kronika

Emankizüna

Artxiboan