XÜXENEAN ENTZÜN

Berriak

APLI alkarteak lanean jarraikitzen dü behi eznearen prezio hobeago baten kausitzeko. Greba ützirik, beste gisako ekintzak egiten ari dira, eta aste hontan egin düena eznetegien filtratzea izan da. Erran nahi beita eznetegien sargian egon direla heltzen eta joaiten ziren kamioen kontrolatzeko. Gisa hortan düe jakin ahal izan, nahiz gaznategietan kontrakoa erran, beren eltxalteetan bildü eznea hola-hola igorririk zela beste herrietarat, bena prezio goragoan saldürik izateko.
Entzün Xabi Hastaran, APLIko kidea :


Hortaz gain, azken denboretan, behi ezne ekoizle zonbaitek kontratü proposamenak üken dütüe gaznategien partetik. Bena üdüri lüke laborarien egoera txarraz baliatzen direla prezio apaletan erosteko ekoiztü eznea.
Entzün Xabi Hastaran :

Jakin berri dügü mahainüngürüa gibeltürik izan dela. Ez dakigü orano noiz datekean...
Badakizüe düala aste zonbait ELBko kide bat epaitürik izan zela ADN emaitea ez honartzeagatik. Zigortürik izan zen audela, eta bada jente hanitx arrenküra handiak ikusten dütüana gei honen üngürüan. Mahainüngürüan parte hartüko düan Marie-Claire Leurgorri, ELBko kidea, irratilat jinarazi dügü horren aipatzeko. Lehen-lehenik, epaiketa hobeki esplikatü deikü.
Entzün Marie-Claire Leurgorri :


Hortaz gain, galtegin deiogü argitzea xüxen, jadanik argi ez balitz, ADN emaiteak zer arrenküra sortzen ahal düan, bereziki sozial mugimentüentako.
Entzün Marie-Claire Leurgorri :


Agerria apezetxe ohia erosteko, herriko etxeak herritarren lagüngoa behar dü. Delako "société mixte" baten egiteko, jadanik aipatü dügün gisan, sos püblikoez gain pribatüena beharrezkoa da. Iragan ostiralean, Maule Baitha gelan izan den bilküra püblikoan, herriko etxeak lehen ürratsa egin dü herritarrer bürüz. Bena jentez gainezka zen gelan, galto bat entzün da behin eta berriz : "SEMaren (Société d'economie mixte) parteak erosi behar dütügü jakin gabe zoin xedeentako den ?". Mixel Etxebestek lehentarzüna zertan den errepikatü dü entzün nahi düanarentako :


Bilküran, bestalde, xehetarzün andana bat emanik izan da. Aipatürik izan dira ere Agerriako lürretan lanean ari diren laborariak, eta ber gisan jarraiki ahal izan dezen nahiküntea berretsi da. Ondoko ürratsa, SEMaren sortzeko bidean, akziodünen hitzarmen baten sortzea izanen da, arauak izan ditean sosa ekarriko düenen artean.
Azkenik, nahiz eta erran dügün xederik oraikoz ez dela Agerriarentako, bilküra hortan jakin ahal izan dügü alkarte zonbait interesatürik agertü direla. Mixel Etxebest :

Xiberoko saretegietan atzaman ürzoen kontaketa berria. Azken egünetan, ez da lüma urdin bat ere agertü :

Oskaxe : 1194 ürzo
Gatagorena : 139 ürzo
Naphal :
690 ürzo

Ihizteka sasoa hasi da ürzokan ari direnentako. Astelehen hontarik aitzina (ürrietaren 12) sareekin ihiztekan ari diren hiru güne jüntatüko dütügü ürzoen kontüak egiteko. Naphalen izan gira ostirale hontan. Orano ez düe ürzo hanitx ikusi (30 eho dütüe) bena haidürü dira, bakotxa bere postüan.
Garaibi gainean Jüje Bourrus atzaman dügü, entzün Lolek egin deion alkarrizketa :

 

 

 

Argazki bakotxaren gainean klika handitzeko

_ _ _

...eta beste argazkien ikusteko, klika heben pean "haboro irakurri"

Ausaz

Kronika

Emankizüna

Artxiboan