XÜXENEAN ENTZÜN

Ekonomia - Turismoa

Xiberoko herri alkargoaren azken bilküran, 2010eko aitzinkontüak aurkeztürik izan dira, dagün bilküran bozkatü ahal izateko. Legar profesionalaren desagertzeak arrenküra berriak ekarri dütü, oraitik aitzina legarra estatüak bereganatüko beitü, eta herrietara gibel ützüliko. Sistema horrekin, 2010ean ber sos zionea üken behar lüke herri alkargoak. Bena ondotik, enpresek eta bizizaleek pagatü legarrekin behar lüke aitzina jarraiki. Ikusirik Xiberoan zonbat enpresa eta bizizale baden, lotsa dira sos gütiagorekin baratüko direla. Argibideentako, entzün Maite Lephaille :


Aurtenko aitzinkontüen egiteko, herri alkargoak kontüan hartü dü aitzineko urteetan, besteak beste haurtzaintegiekin, sos hanitx ezarririk izan zela. Hargatik, xede handi bat bera gei düe aitzina eraman : igerixkagia edo pizinaren zaharberritzea. Haatik, bi maneraz egiten ahal litzateke eta dagün bilküran deliberatüko düe zoin haütatü. Entzün Dominika Bosq, herri alkargoako lehendakaria :

Kontseilü Orokorra ohartü da etxebizitzentako eskeintzen dütüan sos lagüngoa hanitxetarik jente zonbait bazter egoiten direla. Etxeak arraberritzeko, hanitxek ez dütüe ahalak, nahiz eta lan zonbait behar-beharrezkoak izan. Hargatik, ahal ttipienak dütüenengana ürrats bat egin dü Kontseilü Orokorrak. Sükaltea, mainügela, komitateak edo gelak arraberritzeko lagüngoa handia proposatzen dü. Baldintza zinez txarretan diren etxeak berritzea da xedea.
Kontseilü Orokorrak lan horien prezioaren %80 eta %85 artean bere gain hartüko lüke. Ondarra, interesik gabeko mailegü (emprunt) batekin pagatzen ahal litzateke. Argazkia ilüstratzeko ezarri dügü, bena etxea ez da bortxaz baldintza hain txarretan üken behar sos lagüngoaren galtoa egiteko.
Entzün Jean Pierra "Pepela" Mirande kontseilari orokorra :


Eta lagüngoa ezberdinetaz xehetarzün haboro ükeiteko, klika heben.

Bildozeko Idiart segagiako züzendaritzak bederatzü langile kanporatüko dütü bi hilabeteko "préavis" delakoa eman ondoan. Zurraren indüstria ere hunkitzen dü ekonomiaren kinka gaitzak. Haatik ogendüna ez da Landesetako pinoak egotxi zütüan tenpesta, zeren eta Bildozeko segagian haritzez eta egür exotikoez egiten dütüe bürdinbideetako zeiharkak besteak beste.

Argibideak eman deizkü Idiartenean CGTko ordezkari den Alain Ordunak :


Asteazken hontan (azaroaren 25), kanporaketak formalizatü aitzineko alkarrizketak eginen dütü züzendaritzak langileekin. Erran deigüenaz, enpresan azkenik sartü direnak dira lehenik kanporatürik izanen. Alain Ordunak berriz, ordezkari sindikalista gisa beste gisako elkibide bat proposatzen dü : adinekoekin elestatüko da galtatzeko ez düenez beren ogüz joan nahi, leküa gazteagoer üzteko.
Entzün Alain Orduna :

Elkar enpresak ere, beste güziek bezala funtsean, krisialdi ekonomikoaren ondoramenak pairatzen dütü. Bena halere, aitzina joaiteko nahiküntearekin eta bezeroen txerka joaitearekin, beren bidetik jarraikitzen düe. Elkarren hatsarrean, bi gizonek sortü züen ikerlan enpresa eta egünko egünean hamar langileetara heltürik dira. Hortaz gain, Xiberoako herri alkargoaren azken bilküran jakin zen Elkarrek "pépinière d'entreprises" deitü günea erosiko düala.
Küriositatez hüilantü gira beraz Mauleko hospitalearen ondoan den günealat, beren ofizioaren berri hartzeko. Bi langile alkarrizketatü dütügü, eta heben Erik Etxart langile berriaren behatzea deiziegü proposatzen. Alkarrizketa hau bere osotarzünean eta Jean-Jacques Carriquiriborde Elkarren sortzailearen hitzak gure antenan entzünen dütützüe ondoko egünetan.
Entzün Erik Etxart :

Agerria erosiko dü EPFLak (Etablissement Public Foncier Local). Hala deliberatürik izan dela jakin da Agerria erosteko antolatü den bigerren biltzar püblikoan, Maulen. Société d'Economie Mixte edo sos üturri pübliko eta pribatüak alkartzen dütüan egitüraren kapitala 400 000 eurokoa izanen da orotara. Herriko Etxeak gehiengoa ezarriko dü, hots erdia eta zerbait haboro. Ondarra berriz, herritarren akzioekin pagatüko da. Aski jente biltzen bada 500 euroko akzioen erosteko prest litzatekeana, hala eginen da, eta bestela 1 000 euro pagatüko lüküen jente gütiagorekin eginen da. Abentüan berriz biltzekoak dira interesatürik diren güziak, akzioen prezioen eta oro har xedearen aitzinarazteko.
Azkenik, erran dezagün Agerrian zer egin ez beita orano deliberatürik, alkarte sortü-berri batek bere xedea aurkeztü düala. Alzheimer eritarzünak etxekoengan düan pezüa arintü nahian, egünean zehar eriak Agerrian etxekitzea proposatüko lüküe alkarteko kideek.
Akzioen prezioaz entzün Mixel Etxebest Mauleko aüzapezak erran deigüna :

Ausaz

Kronika

Emankizüna

Artxiboan