Iparraldeko eta Gipuzkoako EGIkoek, (PNV edo Euzko Alderdi Jelzalearen gazte mugimentüa) “Gure Memoria historikoa” deitzen den hitzordü bat eskentzen düe azaroaren 4an. Memoriaren arrabiltze lan hortan, Jean Ybarnegaraietaz ariko dira. Uharte Garaziko seme, Lehen Mündü Gerla eginik, hantik kapitain elkirik, Espainiako, Mola jeneral frankistaren lagün eta Petainen gobernüan izana. Harek zütüan 1936ko eüskal güdari aberzaleak Gürseko zerrategian tinkarazi. Bigerren Mündü Gerla ürrentzean, kolaborazale izateagatik epaitü züen. Uharte Garaziko aüzapez egonik, Maule-Lextarreko depütatü ere izan zen, eta mündüko pelota federazionearen sorzale. Azaroaren 4ko goiz partean, 09:00etan, Gürseko zerrategia bisitatüko da, eta 11:00etan, Mauleko Zerbütxügünean, Gürseko zerrategiaz dokümental bat hedatürik dateke. Azkenik, Jean Ybarnegaraietaz hitz eginen da. Azaroaren 4ko hitzordüa eüskaraz igaranen da, bena utzülpen batekin nahiantentako. Itxaro Bethart :

Eüskal Herrian bizitzen dügün bakebidetzeaz berri emaiteko, hainbat gaüaldi antolatürik dira. Xiberoan, Azia alkartea Garindaineko besta batzordearekin jüntatü da holako baten antolatzeko. Hatsarre batetan, Eüskal Herriaren historiaren aipatze bat egin da eta ondotik azken hamar urtetatako eüskal güdukari bürüzko dokümental bat erakutsirik izan da. Ürrentzeko, bakegile zonbait hor ziren jenteen galtoer arrapostü emaiteko. Aurtenko apirilaren 8an armak ützüli dütü ETAk eta geroztik aitzinamentürik ez da, Estatüek ez beitüe negoziatü nahi. Horren salatzeko hainbat autobüs eta trein antolatürik dira Parisen manifestatzeko, dagün abentüaren 9an. Izenaren emaiteko heben . Xiberoan igaran den gaüaldian, mikroa lüzatü dügü: Alice Leiziaguezahar eta Jeannot Lastiri bakegileer:

Prefosta alkarteak Basabürüaren geroaz eramaiten düan lana jarrikitzen dü. Lehen bilkura bat egin zen düala bi aste, non ere Basabürüko alkarteak zerrendatü ziren. Eta bigerren bat egin da astearte gaü hontan. küumita hanitx egin eta, jendea jin da nasaiki. Haütetsi zonbait bena geienik Alkarte desbardinetako 60 kide hor ziren bilküran parte hartzeko. Zer gune bazen elkarten beharrer arrapostü emaiten ahal zirenak aipaturik izan dira. Eta lana aitzinatu da, xiberoko beste bi güneetan bezala (Barkoxe eta Sohutako lizeoan), lan konkretüa abiatuko beita. Hiru lan talde edo komizionen sortzeko gogoa bada, non ere nahiantek beren izena emaiten ahalko diren. Orai basaburuko jendeer da, nahi düen gero baten sortzeko indarren egitera. Jean Phillipe Petit Apoloborda Gamereko aüzapeza :

Hori da berreziki eztabadatü Atarratzeko azken kontseilüan. Erran behar da hurraren konpetenziak dagün urteetik aitzina Eüskal Hirigünearen ardüra datekila, izan hur edangarria Hori da bereziki eztabadakatü Atarratzeko herriaren azken Kontseilüan. Erran behar da huraren gaineko esküdünda, dagün urteetik aitzina, Eüskal Hirigüne Alkargoaren ardüra datekeala, izan dadin hur edangarriarentako edo huraren tratatzeko sindikatarentako. Xiberoko herri hanitxek hur edangarriaren küdeantza joanarazten düe, Atarrratze eta Maule aldiz hur partxuergoan direnean. Orai, herri horiek haütatü behar düe Xiberoko hur partxuergoan sartzen direnez, Maule eta Atarratze bezala 2020ala arte, ala Eüskal Hirigüne Alkargoari xüxenka lotzen direnez. Astelehen hontan (2017/10/09) jüntatü dira berriz ere xehetarzün habororen ükeiteko beren haütüaren ahal bezain ontsa egiteko. Beste aipageietan, Telethon delakoa antolatzen züan alkarteak arrenkürak ekarten dütü, ez beita haboro ihor ere horren joanarazteko. Bestalde, Linky kontagailüaren aferarekin deitürik izan dira berriki epaitegialat eta abokatürik gabe joanen dira, fresik ez ükeiteko. Arnaud Villeneuve :