TIGA izena düan lehiakatik baztertürik izan da Eüskal hirigüne Alkargoaren egitasmüa, bena halerik ere beste biderik ikertüko dela xede horren diharüztatzeko hitzeman dü Michel Etchebest, alkargobürüorde eta egitasmüaren eramaileak. Orotara, 117 lürraldek parte hartu düe lehiakan eta horietarik 20 haütatürik izan dira. Eüskal Herriko dosiera, hatsarre batez sailkatürik balin bazen, Michel Etchebesten ustez, ondotik da baztertürik izan, Frantziako Lehen ministroaren heinean trenkatürik izan ondoan. Haütaturik izan diren 22 dosierak esküalde edo alkargoa handiek eramaiten dütüe eta pezü politikoak ere zerbait ikusteko badü haütatürik izate edo ez izatean. Eüskal Alkargoak laborantxaz düan egitasmüaren aitzina eramaiteko, hitzordu bat hartürik dü jadanik Parisen, « Caisse des dépots » banka püblikoarekin eta esperantxa bada gainti hortarik sosa bildüko dela! Michel Etxebest:

Urte oroz bezala, Mauleko sü-ehaileek agiantzak aurkeztü dütüe eta urteko ondoriotzatze aski baikorra egin düe. Orotara, 472 elkaldi egin dütüe eta horietarik 342 jenteen ürgaizteko izan dira. Horrek erran nahi dü elkitzeen %72a heltüra egiteko izan dela. Bestalde, agitü dira 64 süte, (elkitzeen %14a), 35 botüra destorbü (%7a), 20 elkaldi desbardinentako eta 11 arriskü teknologikoengatik (%14a). Elkaldien %68 egünaren barne igaraiten dira eta tenore horientako sü-ehaile solten mentsa badela erran deikü Jesus Oliva, Mauleko sü-ehaileen bürüak bürüak. Hortarako, xiberotar ororer dei egiten dü, egünaren barne libratzen ahal direnak sustut. Sü-ehaile izateko formazioneak segürtatzen dütüe eta kalitate berezirik ez da behar, gogoa eta denbora baizik ez. Agiantzetan, departamentuko su-ehaileen batarzünaren bürüa bazen (Union Departementale des Sapeurs Pompiers 64). Eta hortaz baliatü gira alkartearen ezagützaren egiteko. Honek beitütü formakuntzak emaiten zoin nahi herritarrer, bai eta arduratzen sü-ehaile gazteen trebagünetzaz (8 badira departamentüan, 13-18 urteren artekoentako eginik.) Jesus Oliva, Mauleko sü-ehaileen bürüak urtean agitüetzaz berri emaite deikü:

‘Liberté’ izeneko aldizkariaren agiantzen püntüan ohartarazi da düala berrogei urte sortü zela, exkerreko ideien defendatzeko, beste ikuspegi sozial eta politiko baten ekarteko. Louis Labadok azpimarratü dü jentea 'Liberté' aldizkariari etxekirik zela, proba gisa emanez, aurten bildürik izan den 8.000 €ko sos lagüngoa heina. Haatik, aitortü dü ere Mauleko alderdi komünistaren militanteak zahartzen ari direla, eta zaila dela gazteen biltzea. Gehitü dü, konprenitzen züala hebenko gazteria aisago hüllantzen zela eüskaldün ideier, bena berak dionaz hori ez da aski. Uste dü gazteen biltzeko, Frantziaren heinean beharko dela politika berresküratü, gero günean-güneka gazteen jinarazteko… Mementoko, alderdiaren helbürü nausia Mixel Etxebest eta bere ekiparen Herriko Etxetik kanpo ezartea da. Ez dü aldiz oposizionekoen arteko aliantzarik oraidanik ikusten. Louis Labadot :

2017an, eskolagünea hanitx kanbiatü da. Lehenago, botüra andana horra zen haurren txerka eta ez zen batere goxo. Orai, aldiz, günea arraberritürik izan da eta haurrentako inganiogüne bat ere bada, jokü zonbaitekilan. Sozial arloan lagüngoak eman dütüe bea bizi direnentako, bai eta permisa igaran nahi diren gazteentako. Hortzaz gain, entrepresa berri bati batzarria egin deioe lizeo kantüan, eta 2018ko egingeietan da botüra baztergia baten plantan ezartea, Champo LEPko eta Xiberoko lizeoko ikasleentako, bai eta entrepresentako langileen ere. Aurtenko egitasmüetan beti, Sohütako bidea arraberritü nahi düe bai eta Hokiko eskola ere bizigia baten eta alkartentako bilgüne baten egiteko han. Xehetarzünak Chrystelle Mange aüzapezarekin: