Xiberoaren itxüra ontsa agertzeko, Xiberoko Herri Alkargoa, Turisma Bülegoa, Xiberoko Botingoa eta ODACE batarzünak indarrak bildü dütüe komünikazio arloan. « Xiberoa Eüskal Bihotza » logoa haütatü düe eta soule-xiberoa.fr internet gunean egitüra ezberdinen berriak eta argibideak agertzen dira. Komünikazio berri honen helbürü nausia da algarrekin aitzina joaitea, baliabide zonbait botin ezartez. Bestalde, Herri Alkargoak, lürraldearen ezagütpena eta bazterren xahü etxekitzeko, 1500 godalet arrabaliagarri proposatzen dütü alkarteer.

Entzün Allande Socarros Xiberoa Herri Alkargoako ordezkaria :  

Xiberoa Herri Alkargoak agiantzak egin dütü Altzaiko herriko gelan. Alkargoako langileak eta haütetsi andana bat bildü ziren Dominika Boscq lehendakariaren mintzaldiaren entzüteko. Paradaz baliatü gira, bozketako lege kanbiamena, turisma, osagarri eta Xiberoko bide xedeen aipatzeko. Kümit zen Jean-Jacques Lasserrek bere arrenkürak plazaratü dütü bozkarako lege aldaketen ondorioz, Xiberoako ordezkaritzarentako. Xiberoko bi kantonamentüak aüzoko kantonamentüekin botitzen badira, Xiberoak bere botzaren entzünarazteko zailtarzün haboro üken lezake. Dominika Boscq-ek uste dü hebenko depütatüa baserri mündüa zaintü behar lükeala Parisen.

Entzün Dominika Boscq Xiberoa Herri Alkargoako lehendakaria :

Xiberoko Botingoak lan xedeak aitzina jarraikiko dütü Iratiko oihanean. Düala urte zonbait, erre ziren etxola elibat arraeraikitzeko adostürik izan da. Haatik, egürraren aldetik 2012an etekin ttipi bat egin ahal izan dü sos lagüntzer esker. Bestalde, oihan jaber ezari nahi den zerga xedea, beti arrenkürak sorarazten dütü. Beste lan xedeetan, Sindikatak bürdüin sokekin lan gei dü egin, egürraren tiratzeko eta biltzeko. Aldiz, Nafarroarekin eramaiten den algar lana aitzina jarraikiko dü. Azkenik, « Diagnostic Pastoral » delako bat abiatü dü Xiberoko Sindikatak eta ondoko hilabeteetan emaitzen zabaltzeko xedea dü.

Entzün Pepela Mirande Xiberoko Botingoako bürüa : 

2012an egin lanen bildüma egin da Mauleko Herriko-Etxearen agiantzetan. Aurtenko xedeak presentatürik izan dira hor ziren herritarrer, gizarte zibileko ordezkari eta haütetsier. Horrez gain, Mixel Etxebestek xehetarzün zonbait ekarri dütü, Sohütako lizeoaz eta botzik agertü da, denen indarrer esker ikasleak Xiberoan etxekirik izan beitira. Kontent agertü da ere Herriko langileekin gaüzak anpletü beitira, manerala 2013ko ürratsak eginen dira beren galto zonbaiter baikorki ihardesteko. Aldiz, bere kexüa ez dü gorde ahal izan Mauleko Ospitaleko, sobera denbora beita züzendaririk gabe dela eta egoilearrak baita langileak jasaiten beitütüe egoera honen ondorioak. Mixel Etxebestek esperantxa dü bi hilabeteen bürüan zerbait igitüko dela eta epe ertaineko elkibide bat atzamanen dela.

Entzün Mixel Etxebest Mauleko aüzapeza :