Xiberoa Herri Alkargoan kargüak emendatüko dira, partaidetza zonbaiten gibeltzea edo lege kanbiatze zonbaiten gatik. Adibidez, eüskara ikasten direner lagüntza apaltuko zaie, Eüskal Erakunde Püblikoak % 50ez lagüntzaren elkitzera deliberatü beitü. Kargü haboro ere eskoletan agertüko dira "Eskolen Erritmoen Erreformaren" gatik. Ekonomiaren aldetik ere, "OCM -Opération Collective de l'Artisanat et du Commerce" plana jarraikitzea erabaki dü Alkargoak eta ISPAC bastimentüaren erostea 400 000 euroko. Herri Alkargoak esperantxa dü bastimentü arrasaltzea CAOSO edo Axuria bezalako kooperatifer. 

Entzün Adrien Béguerie Herri Alkargoako "Haurzaroa eta Gazteria" batzordekoa  : 

Eüskal Herriko Lürralde Alkargoaren alte mobilizazioa azkarra da Xiberoan. 35 herrietarik 30ek süstengatzen düe ekainaren 1ko manifestaldia, sozio-ekonomia eta kültüra sailetako ordezkari andana batek ere parte hartzeko deia zabaltü dü. Haütetsien aldetik ez da düdarik Lürralde Alkargoa beharrezko den tresna da, hebenko xedeen garatzeko. Eta kantonamentüen berantolatze denboro aldi hontan, Xiberoaren ordezkatzearen galtzea lotsa hedatürik da. Lürralde Alkargoaren alte izenpetürik ez düen bost herrietaz gain, Front de Gauche alderdia bera baratzen da kontrekoetan. 

Entzün Jean-Pelle Iriart Alozeko aüzapeza : 

Xiberoa Herri Alkargoako egoitzaren sargia, kexa hoiliz trabatürik izan da arramaitzaren 17ko igante gaüan. "BDS - Boycott, Désinvestissement, Sanction" izena düan Xiberoko Kolektiboak salatü nahi izan dü, VEOLIA enpresarekin arraberritü den kontratüa ondarkinen biltzeko. BDS kolektiboak deio "VEOLIAk  egituratzen düala Israelen kolonialismoa Palestinan !". Behin beno haborotan, Herri Alkargoa abisatü izana gatik, haütetsien arteko eztabadarik gabe arraberritu düe kuntratüa. Dominika Bosq, Herri Alkargoako lehendakariak erran deikünaz "afera hortan, merkatü püblikoen legea jarraiki da, gehitü dü ere, erranez, holako gogoetaren eramaiteko gaitarzünik ez düala Xiberoa Herri Alkargoak !"

Entzün Dominika Boscq Xiberoa Herri Alkargoako lehendakaria : 

Aieteko jüntatik landa sortü zen Bake bidean Xiberoa, Lapurdi eta Baxenafarroan. Eüskal Herriak ezagützen düan sasu berri hontan, Gizarte Zibileko aktür desberdinak biltzen dira, zerbait egin nahian eta gatazka ahal bezain ontsa konpontürik izan ledin. Eztabada eta alkar trukatzeak antolatzen dütüe Eüskal gizarte zabal batekin. Hegoaldean lokarriak badütü, bi egitürek algarrekin lan egiten düe eta lehen emaitza edo gomendio zonbait berriki elki dütüe. Horien aipatzeko eta beste düden aipatzeko, hitzordüa emanik zaizüe maiatzaren 30an gaüko 20.30tan Mauleko Zerbütxü günean.

Entzün Aurore Martin "Bake Bide" xedean parte hartzen düana :