Mauleko hiriaren itxüra hobetzeko, etxe-aitzineko arrafreskatze plana presentatürik izan da. Sos lagüntza emanen da etxeko jabeer, etxe-aitzina xahatzeko, tintatzeko eta prebokatzeko. Mauleko Herriko-Etxeak, kostüaren % 20a bere gain hartüko dü 1500 euro artino. Bi eremü finkatü dütü Herriko Etxeak. Maule-Gaineko plazaren üngürüa eta pea, Peko-Arrüa, plaza, Pyrénées eta Alsace Lorraine karrikak, hiri ützülia deitürik dena da bigerren eremüa. Interesatürik diren oro, Mauleko Herriko-Etxearekin hersatü behar da.

Entzün Mixel Etxebest Mauleko aüzapeza : 

Mauleko sü ehaileen elkaldiak 2012an emendatü dira, orotarat 428 elkaldi izan dira, aitzineko urtean 364 zirelarik. 2012a kanbio urtea izan da, alerta sistima berria plantan ezarririk izan beita. Orokorkian, sü ehaileen deitzeko sistema plantan baldin bada, bere alde txarrak erakusten dütü ere. Sü ehaileak bedera deitürik dira eta ez dira haboro algar biltzen elkaldi aitzin eta ondotik, bena gertakari larria delarik, süehaileak süstengü morala beharra dü. Kolektiboki eta etxekidüra mailan harremanak gibel egin düela azpimarratürik izan da, agiantzetako mintzaldietan. Mauleko kasernak, 36 süehaile eta 4 bedezi kontatzen dütü eta 8 gazte sartü dira iragan urtean.

Entzün Jesus Oliva Mauleko sü ehaileen kapitaina : 

2013ko aitzin-kontüak bozkatü dütü Mauleko Kontseilüak. Gei franko aipatürik izan dira eta inportantenak ziren legar emendatze txipi bat eta aitzin kontü ezberdinen honartzea. Legarrak %tarik 1ez emendatürik dirate, fonkzionamentüa ber heinean emendatzen delakoz. Aitzin kontüa, güti gora behera, igaran urteko bera izan behar leite, erran nahi beita 5 750 000 eurokoa. Bestalde, Irabarneko gaztelüaren aitzin kontüak ere honartürik izan dira 280 000 euroko heinean.

Entzün Mixel Etxebest Mauleko aüzapeza : 

Kultür hitzordüetan Pastorala date aurtenko hitzordü nausia Sohütarrentzat. Herriko-Etxeak agiantzak eskentü dütü herritar, langiler eta horrat hüilantü diren güzier. 2012an eraman diren lanak azpimarratürik izan dira eta aurten ere segida emanen düela jakinarazi düe. Lan nausietan Herriko Eskola eraikitzen ari dena, berant amiñibat hartü badü setemereko zabaltzeko xedea düe. Bestalde, bideetan Departamentüak egin diren lanetaz kontent dira eta Barragarriko bidean egin düen  "ützül güneaz". Süten zaintzeko, hur püntüak arraberritzen eta sortzen ari dira, aurten sal günean sortü behar düena. Beste lan ttipiagoetan ere lanean jarraikiko düe. Eta ürrentzeko, pastorala aipatü badügü, beste hitzordü nausi bat errezibitüko düe setemerez 'traktür pouling" lehiaka bat.

Entzün Christelle Mange Sohütako aüzapeza :