Mauleko Herriko Etxeko 41 langileak greban jarri dira arramaiatzaren 15ean eta Herriko Etxearen aitzinean algarretaratü dira. Algarrizketarik ez ordezkaritza sindikalarekin eta lan baldintzen txartzea salatzen düe. 2009 izenpetürik izan diren akordioen errespetüa eta soldata ttipien goratzea galtegiten düe. Jakin ahal izan dügünaz, astelehenean arrestiriko 17etan langileen ordezkariak errezibitüko dütü Mixel Etxebest Mauleko aüzapeza.

Entzün Dédé Eyherebarren Mauleko Herriko Etxeko langile bat :

UMP alderdiak eta haren bidez Marc Oxibar haütageiak, arramaiatzaren 17ko Depütatü bozkaren bigerren ützüliko, Jean Lassallen alde bozkatzera deitü dü. François Bayrouk egin züan ez bezala, Lassallek ez züala François Hollanden alde bozkatzera deitü eta hortarako süstengatzen düe.

Entzün Max Brisson UMP alderdiko botz eramailea : 

EH Bai koaliziak ez dü mementoko bozkatzeko aginterik eman iraganen den depütatü bozketako 2. ützüliko. Hori jakinarazi düe Lapurdi, Baxenafarroa eta Xiberoan presentatü diren haütageiek. Esküina aipatü gabe, sozialistekin orano düda sobera badira haien alde bozkatzera deitzeko. Galtozketa bat igorri dü abertzale koalizioak beste alderdier, alderdi gisan agintze bat har dezen heinbat geietan. Galtotegiari erantzüteko arramaiatzaren 15a düe azken epea. Arren, bakotxaren emaitzak pübliko emanen dütü EHBai koalizioak.

Entzün Peio Etxeberri-Aintciart EHbai koalizioko kidea : 

Laugerren bozka eremüan, Frantxoa Maitia sozialista da lehena elki % 31,99ekin gero Jean Lassalle MODEMkoa %26, 28ekin, hirugerrena Marc Oxibar UMPkoa % 17,63ekin eta laugerren indarra EH BAI koalozioa da %6,80 ekin. Marc Oxibar UMPkoa ezin da bigerren ützülian egon eta hebentik eta ordüala arte, bere alderdiko kide eta Lassallekin mintzatü beharra da, erran beno lehen zer erabakiko düan. Frantxoa Maitiak jadanik, Berde eta Front de Gauche alderdien botzak ontsalaz balinbadütü, estado mailan akordio bat egin dütüenaz gain, Abertzaleen botzen beharra badüke ere. Astelehen hontan berean biltzekoak dira, gei zonbaiten üngürüan solastatzeko. Ikus Xiberoan izan diren botzen emaitzak.

Entzün Frantxoa Maitia sozialista alderdikoa :