Lehen ützüliko bozketan parte hartze azkarra izan da Atarratzeko kantonamentüan %69.54 izan beita. Arnaud Villeneuve Atarratzeko aüzapeza alderdi sozialistaren izenean lehentze presentatzen zena, lehena elki da %36.60 botzekin. Erran behar da, bere herrian emaitza azkar bat egin düala %40.54az. Bigerrena eta lehentze presentatzen zena, Jean-Pelle Iriart Alozeko aüzapeza eta Force 64 haütageiak %34.88 botz bildü dütü. Hirugerrena heltzen da Milou Castan esküineko haütageia eta Atarratzeko zinegotsia %14.54 botzekin. Erran gabe doa, haren botzak balio handia düküela dagün igandean bigerren ützülüarentako. Laugerrena heltzen da Gilen Iriart, Eüskal Herria Bai izenean %7.93 botzekin. 50 abertzale botz güttiago düala zazpi urteko emaitzekin. Apaltze bat ere bai, Front de Gauche alderdiarentako, Pierre Etchecoparek %4.42 egin beitü, azken bozkaldian %9.24 haütageiak egiten züalarik. Eta Marc Leroy NPA alderdiko presentatzen zenak %1.63 botzak bildü dütü. Bigerren ützülüa jokatüko da orai Arnaud Villeneneuve eta Jean-Pelle Iriarten artean. Astelehen hontan, Front de Gauche eta EH Bai haütageiek erabaki bat hartü beharko düe bigerren ützülüari bürüz eta Milou Castanek bere lagünak ikusi ondoan zerbait jakinarazi behar lüke.
Atarratzeko kantonamentüko bozkak martxoaren 20 eta 27an iraganen dira. Düala 7 urte bezala, 6 haütageien artean beharko düe Basabürütarrek haütatü. Jean-Pelle Iriart Alozeko aüzapeza prsesentatzen da Force 64 taldearen süstengüarekin. Alderdi sozialistatik hüilan den Arnaud Villeneuve Atarratzeko aüzapeza izanen da. Front de Gaucherentako Pierre Etchecopar date, EHBai koalizione abertzalearen izenean Gilen Iriart, Michel Castan Atarratzeko zinegotsi esküintiar independentea eta azkenik Marc Leroy-k NPA alderdia ordezkatüko dü. Xiberoko Botza irrati hontan haütageiekin hitzordüak antolatzen dira. Martxoaren 11an ostiralea Marc Leroy, 14an astelehena Pierre Etxekopar, 15an asteartea Arnaud Villeneuve, martxoaren 16an asteazkena Jean Pelle Iriart, 17an ostegüna Gilen Iriart eta 18an ostiralea Milou Castan. Kronika horik goizanko 8.10tan eta arrestiriko 18.10tan hedatüko dira eta haütagei bakotxak bere proposamenak eginen dütü. Horrez gain, 6 haütageiekin mahain üngürü eztabada hedatüko da martxoaren 15ean arratseko 20etan Xiberoko Botzean. Azkenik, haüteskunde gaüaldi berezia eginen da martxoaren 20an 18etarik harat, emaitzak eta haütageien ihardokitzeekin.
Eüskal Herriko independentzia ametsa gidatü züan Telesforo de Montzonek, bere hiltzearen 30 gerren urtebürüa ospatzen da martxo hontan. Honen kari, ekitaldi andana bat antolatürik dira bere omenez eta omenaldia eginen zaio martxoaren 13an Bergara bere sort herrian. Sail ezbardinetan eraman dütüan lanak gora aipatüko dira. Haren mezüak sekülan beno zentzü handiago dü egünko Eüskal-Herrian sortü den bakearen bideko egoera berrian. Baieztatürik izan zaikünaz Larraineko delegazione bat parte hartüko dü iganteko omenaldian.Berriak
Herrietako berriak
Sohüta-Hoki
Maiatzaren 22ko berriak Marise Etchegoin Laborde-Laulhé
Mixel Etxekoparren bertsetak 2017 02 20 : BasabürüaMaiatzaren 23ko berriakJeannot Etcheto
PagolaMaiatz...
Crédit Agricoleren eskerrak Xiberotar zonbaiter
Zortzi urtez Credit Agricoleko lehendakari izan ondoan, Albert Hastoyek bere leküa utzi deio lehendakari ordariari Juju Erbin Ürrüstoi-Larrabileko aüzapezari. Albert Hastoyek erama...
2010an Xahakoa pastorala Barkoxen
Etxahun alkarteak biltzar nagusia egin dü ostiralean (ürrietaren 16) Barkoxen. Lehenik ikasurteko bildüma eginik izan da, bereziki aipatzez iragan negüan Barkoxek egin Maskarada et...
Besta da 4 egünez Maulen
Urte oroz bezala xiberoko bestak handirenak antolatürik dirate Maulen.
Mauleko gazteak karraskan lanean ari dira Ostegünetik igantealat programazione aberats baten proposatzeko.
...
Irurin ere besta izanen da aste ondar hontan
Gohetxea salgüneak bere urte orozko besta antolatzen dü.Hamabost bat laborari bildü dira güne hortan, beren etxenko mozkinen saltzeko.Ogi, ezti, pastetx , gazna , sagarardo bena er...
Bereterretxen istoria tauladaren gainen emanik date
Pierre Paul Bercaitzek gogoa üken dü ikusgarri baten sortzea Bereterretx-ren istoria eta kantoreen gainen. Horrentako antzerki, dantza musika eta kantore nahasiko dütü Ipar eta Heg...
Ausaz
Kronika
Haurren kronika
2023/2024 sasukoak :
135 Nolako geroa uken nahi düe? : (audio)/images/audio/haurrenkronika133zeizannahiduen.mp3(/audio...
Emankizüna
Sozial emankizuna 2020ko azaroa
Egun Euskal elkargoaren kopetentziak eta erretreta etxetarik berri emaiten dugu Leonie Aguergaray-ekilan :
(audio)/imag...
Artxiboan
Harren kontre produktü kimikorik ez!
Üda hontako idortearen ondotik eta negü eskazaren gatik ; bazterrak gorri dira eta bereziki sohoak edo pentzeak. Ondorio...