Xarrikotapea eta Bildozeren artean egin nahi den “Xiberoko bidea” xedearen kontreko deliberoa hartü dü Bildoze-Omize Peko kontseilüak abentü hatsarrean, xede honen kontre altxatzen den “Les voix de la Soule” alkartearen galtoari ihardesteko. Bildoze-Omizek hartzen düan ber zentzüko bigerren deliberoa da. Zinegotsia den Hervé Moustrouk erran deikü, Kontseilü Orokorrak presentatü düan bigerren proposamena, lehena bezala da eta ez da honargarri. Proposamenak ez dü herritarren ikusmoldea kontütan hartzen, omen laborantsako lür sobera hartüko dü eta orohar algar mintzatze eskaza salatzen dü zinegotsiak. Bide xedeak ekarten ahalko dütüan hobekuntzak segürtantsa mailan ere düdan ezarten dütü, etxe zonbaitetarik zinez hüilan iraganen beita. Oraiko bidearen hobetzearen alde dela gehitü deikü bena damütü da posibilitate hori ez beita ikertürik izan.

Entzün Hervé Moustrou Bildoze-Omize Peko zinegotsia :

Berri hon bat, 2011ko huraren prezioa berdin egonen da, hona zer deliberatü dü SAEP Xiberoko hur sindikatak bere biltzarrean. Abonamentüa edo harpidetza 60.79 eurokoa baratüko da eta hur metra kübakoa 0.83koa. Prezioa ber heinean etxeki ahal izan da, 2010an huraren gastüa ez beita apaltü, 2003az geroztik agitü zen bezala. Berri honetan, SMICa ere % 1,6az goratü da, 8.86 eurotik 9 euroetara iragan da. Hots güti gora behera, 17 euro haboro üken behar günüke paka fitxan. Bena aski dateküanez goratüko diren beste freser bürü egiteko, ez da segürik. Adibidez, elektrika % 3az goratü da urtarila lehenean. Asürantzak, izan ditian etxetakoak, autokoak ala mütüelak goratü dira ere bai. Gaza eta egün oroztako kontsumoko ekoizpenen prezioen goratzeak üken behar güntüzke horra den 2011 urte berrian.

Entzün Brousset-Matheu jauna SAEP Xiberoko Hur Sindikatako lehendakaria :

Mixel Etxebest Mauleko aüzapezak 2011 urteko agiantzak presentatü dütü iragan ostirale gaüan, Herriko etxean. 2010an, ekonomia, sozial, animazio eta beste sailetan egin izan direnak aipatürik izan dira. Alde batetik, kirol sailean egin diren aldagelen arraberritzea eta bestetik, Irabarneko jauregia eta Agerria. Azken bi eremü horien baliatzea ez bada orano ere argitürik, lan inportantak direla azpimarratürik izan da. 2011 urteari so,  langei ezbardinak badira, hala nola Agerria aldean dozena bat etxeen eraikitzeko eremüa antolatzea. Bestalde, gogoeta bat eramaiten ari da Herriko Etxean baliatürik ez diren etxeen arraberritzea bere gain hartzeko. Hogei bat urtez, alokaidüa herriko etxearentako bildü ondoan, jabeer etxe berri bat ützültzeko ondotik, 20 urteren bürüko. Azkenik, Herriko Besta Batzordea uhuratürik izan da egiten düan lanarentako.

Entzün Mixel Etxebest Mauleko aüzapeza :

Baimenik gabeko sendabelarrekin eginik diren ekoizpenen salmenta debekatürik date Europa Batarzünean 2011ko apirilaren lehenetik harat. Europak proposatzen düan direktiba berriaren ondorio xüxena da. Direktibak deio, elikagai gisa ezagütürik ez diren sendabelarrez eginik ekoizpenek, edo zoin erremedio bezala baimen bat üken beharko düe eta ber kontrolak jarraiki beharko dütüe. Sendabelarren erabilpena eta salmenta azkarki tipitü izan behar litake. Jakitez, baimenaren ükeiteko ikerketen kostea 120 000 eurokoa izaten ahal dela, ekoizle tipiak berriz baztertürik egonen direla pentsa daiteke. Gure jan-edanen kontrola hartü ondoan, gure osagarri eta sendatzeko moldeen kontrola hartzeko bidean dira multinazional handiak.
Entzün Johañe Etxemendi sendabelar ekoizlea eta saltzalea :