Politika

: Politika; 2011 Apirila 29; Agerraldiak: 5118

Maiatz lehena Maulen

Lanaren Besta ospatüko da üsatü bezala maiatz lehenean, hots igante hontan. Maulen bi algarretaratzeak antolatürik dira. Departamentü mailan antolatürik den bezala CFDT, CGT, FSU, UNSA, eta Solidaires sindikatek deitzen düena goizanko 10.30etan zerbütxü günean iraganen da. Haatik erran behar da Maulen, Solidaires sindikatak, LAB - Solidaires ELB - Oldartu - Barnekalde-NPA eta Segik antolatzen düen algarretaratzean parte hartüko düala, goizanko 11etan Mauleko kürütxe xurian. Gerla inperialistei Ez ! Klase Borrokari Bai ! lema haütatü düe aurten. Ondotik, Mauleko karriken üngürüa eginen düe eta egüerditan Zinka ostatüan züntzür bustitzea eta bazkariarekin besta giroan ürrentüko düe egünaldia.

Entzün Ekaitz Mazusta LAB sindikateko ardüradüna :

Entzün Louis Labadot sindikalista :

: Politika; 2011 Apirila 05; Agerraldiak: 4233

Xiberoa Herri Alkargoako aitzinkontüa

Üsatü bezala eztabadarik sortü gabe bozkatürik izan da Xiberoa Herri Alkargoaren 2011ko aitzinkontüa. 7 milliu 130 mila eurok ibilmoldearentako eta 4 milliu 900 mila eurok inbeztizamentüan, orotarat aitzinkontüa 11 milliu 700 mila eurotara iragaiten da. Emendatzea pizinaren xedeak eragiten dü. Legarrak aldiz ez dira kasik kanbiatzen. Ondarkinenak % 13,5etan baratzen da bereixtea ontsa eginik beita. Legar profezionalaren ordez sortü den CFE edo "Contribution Foncière des Entreprises“ delakoaren zerga % 25,71ean finkatürik izan da. Legar hori gei saihetseko beste zonbait gehitüz leheneko ber sos sartzeetara heltzen da Xiberoa Herri Alkargoa.

Entzün Hervé Lanouguerre Xiberoa Herri Alkargoako haütetsüa :

: Politika; 2011 Martxoa 27; Agerraldiak: 3980

Atarratzeko kantonamentüko bozkak bigerren ützülüan

: Politika; 2011 Martxoa 28; Agerraldiak: 4131

Basabürüa eskerreala üngüratzen

Xibero-Gainea politikako ohizko erroetara ützültzen da ! Hemeretzü urtez esküinean egon ondoan, eskerreala iragan da Atarratzeko kantonamentüa. Arnaud Villeneneuve kontseilü orokor berria, Jean-Pelle Iriart Force 64 eko haütageiari nausitü zaio 198 botzen liferentziarekin. Lehen ützületik landa, uste bazen afera tiran izanen zela 34 botzen arteko liferentzia beitzen bien artean eta uste bazen Jean-Pelle Iriartek botz erreserba haboro bazüala, ez da batere hola agitü. Aldi hontan, parte hartze azkarragoa izan da % 74.39 ekin, iragan aldean 69.52 zelarik eta botz xuriak emendatü dira ere. Bigerren ützüli hontan Arnaud Villeneuve 11 herrietan nausitzen da eta bereziki herri handietan Atarratze, Santa-Grazi eta Larraine bezala. Jean-Pelle Iriart aldiz, 5 herrietan baizik ez da nausitzen. Bere ustez, haüteskunde horietan bozkazalek kanbiamena nahi üken düe galtegin Frantzia osoan bezala.

Entzün Arnaud Villeneuve kontseilü orokor berria eta Nathalie Irigoyen bere ordaria :

Entzün Jean-Pelle Iriarten ihardokitzea :

Entzün Milou Castan lehen ützüliko haütageia :

Entzün Marc Leroy lehen ützüliko haütageia :

Entzün Pierre Erbin Atarratzeko kontseilü orokor ohia :

: Politika; 2011 Martxoa 25; Agerraldiak: 3876

Villeneuve - Iriart bigerren ützüliko Atarratzeko bozketan

Kantonamentüetako bozken bigerren ützüliko mahain üngürüa günüan Xiberoko Botzean, Atarratzeko kantonamentüko Arnaud Villeneuve sozialista eta Force 64 taldeko Jean Pelle Iriarten artean. Izan dadin eüskararen ofizialtarzüna ala Eüskal Herriko institüzione berezia aldarrikapena bezalako geietan adostarzüna agertarazi düe bi haütageiek. Laborantsa, zerbütxü püblikoen zaintzea ala sozial sailetan ere, ez düe liferentzia handirik erakutsi. Bena düdarik gabe, bata ala bestea haütatzez, departamentü honen gehiengoa alde batetik besteala iraganarazten ahalko düe Xibero-Gaineko bozkazaleek igante hontan.

Entzün mahain üngürüa Arnaud Villeneuve eta Jean-Pelle Iriarten artean :