Arnaud Villeneuven eta Pierre Etxecoparen kandidatüren ondotik, Michel Castan Atarraztarrak presentatzen dela jakinarazi dü iragan astean. Dagün martxoan Xiberoko Botingoaren züzendari kargüa ütziko dü eta erretretak emanen zaion denbora basabürütaren zerbütxüko eskentü nahi deie. Bortü, turisma, kültüra, edo animazione maila düan experientzia baliatü nahi dü kantonamentüari hats berri baten emaiteko. Ekonomia sailan jadanik egiten dena süstengatü behar dela dio Milou Castanek eta jenteen etxekitzeko lürraldean proposamenak eginen dütüala geihitü deikü. Jentartea zahartzen ari beita lan handia egin beharko dela sozial sailan eta gazteen jinarazteko kantonamentüan ere uste dü. Etiketarik gabe aurkezten bada ere, Milou Castenek ez dü gordatzen oraiko Kontseilü Orokorreko esküineko gehiengoatik hüillan senditzen dela, haatik izan dadin Force 64 edo UPM alderdien süstengüa üken gabe. Düala 19 urte jadanik bere bürüa presentatü züan bena bigerren ützülüan erretiratü zen Mixel Arantzeteri süstengüa emaiteko.

Entzün Milou Castan haütageia :

Pierre Etxekopar Front de Gauche alderdiaren haütageia izanen da dagün martxoan iraganen diren Atarratze kantonamentüko bozketan. Kantonamentüa egoera txarrean dela uste dü, ekonomia sailan ez beita xede handirik eraikirik izan azken urteetan. Kontseilü Orokorrak, Herriak bide egiten lagüntzeaz gain, xede ekonomikoak eta gazteentako etxebizitzak egiten lagüntü behar lütüke. Laborantsa sailan, Pettarra eta Basabürüaren arteko alkarkidegoa builtarazi behar dela gehitzen dü, arartekarik gabeko merkatü baten antolatzez. Beste hanitxek ez bezala, bere kandidatüra koherentzian bermatzen dü. Euroagintearen adibidea hartzen dü erraitez, alderdi politiko haboroxek Aurore Martineri süstengüa eman deioe, ata Frantzia eta Europa mailan Euroagintearen alte bozkatü züelarik. Azken 20 urteetan bürütü den politika ültra liberalaren aitzinean haütü argiak egin behar direla gehitzen dü eta bozkan baieztatüko direla esperantxa dü Pierre Etxekoparek.
Entzün Pierre Etchecopar Front de Gauche alderdiko haütageia :

Milaka jente bildü dira abentüaren 4ean Baionan. Alderdi politiko, sindikata eta eragile ezberdinek deitürik, ororek Aurore Martinen kontreko euroaginteari ez erran düe aho batez. Mobilisazio eta süstengü azkarra erakutsirik izan da Xiberotar gazteari. Orit gira Paueko Auzitegi administratiboak Espaiñak Aurore Martin Mauletarraren kontre egin euroaginte galtoari bai erran züela azaroa hontan. Geroztik jakin zen Aurore Martin eta bere abokatüak Kasazioan dei egin düela. Aurore Martin Kasazioko auziaren zain egoiten da orai.
Entzün Aurore Martin Euroagindua kondenaz solastatzen :

Aurore Martinen kasüa eta Paueko auzitegiak bere españaratzeko hartü erabakia aipatü güntüan aitzineko berrietan, Mixel Etxebest Mauleko aüzapezaren ihardokitzearekin. Maite Etxebarriak ere bere ikusmoldea eman deikü. Euroaginduaren honartzea zer lanjera zabaltzen deion Auroreri eta aste hontan egin diren arrestatze eta etxe miratzeak izan dira solas geiak. Oritaraz dezagün, aste hontan izan diren gertakarien güzien salatzeko eta Aurore Martinen kasüa gaitzesteko, usüan egiten den bezala eüskal presoen süstengatzeko, algarretaratzea izanen dela ostirale hontan azaroaren 26 an, Mauleko Kürütxe xurian, arrestiriko 6 orenetan eta Ipar Eüskal Herriko eragile andana batek deitürik manifestazione bat iraganen da abentüaren 4ean Baionan 16etan Eüskaldünen plazan, Euroagindürik ez! Eskübide zibil eta politikoen alte lelopean.

Entzün Maite Etxebarria Eüskal Presoen Alkarteko kidea :