Politika

: Politika; 2010 Urtarrila 13; Agerraldiak: 4546

Herri alkargoaren 10. urtebürüa

Xiberoako herri alkargoak hamar urte betetzen dütü aurten, eta haütetsiek urtebürüa ostirale hontan ospatüko düe Maulen düen egoitzan. Azken hamar urte horien aipatzeko Battitta Queheille, alkargoaren lehen lehendakaria alkarrizketatü dügü. Aste hontan, herri alkargoaren sortzea, arrenkürak, egin lanak eta xedeak entzüngei dira egünez egün. Dagün astean, herri alkargoan sartzeaz ados ez zirenak edo oposizio gisa agertü izan direnak entzünen dütügü.
Erran behar da düala hamar urte hiru herri ez baziren alkargoan sartzearen alde, geroztik bozka haboroenak trabarik gabe iragan direla. Ez dügu erranen aho batez, bozka xuriak, kontrakoak edo abstentzioneak izan beitira, bena dozierren gehiengoa honartürik izan da. Institüzioak eskümen geroago eta zabalagoak dütü, bereziki azken denboretan bere meneko baratü diren Mauleko kabale hiltegiarekin eta CIAS edo jenteen zerbütxüko lürralde egitürarekin ageri den bezala.
Zenbaki apür zonbaiten aipatzeko, 45 langile enplegatzen dütü, eta 2009an 8 miliu euroko aitzinkontüa bazüan.
Entzün Battitta Queheille Xiberoako herri alkargoaz.
Lehenik, sortzea aipatü deigü :

Ondotik, hiru herrien ezadostarzüna :

Azken hamar urteetako lan handienak :

Herri alkargoaren honarpena :

: Politika; 2009 Abendua 21; Agerraldiak: 3833

Egüberriz presoen alde

Nahiz eta normalki hilabeteko azken ostiraletan egiten diren eüskal presoen aldeko alkarretaratzeak, egüberri gaüan egitea ere kostüma bat da. Aurten ostegün hontan eginen da beraz alkarretaratzea (abentüaren 24) arrestiriko 6etan, Mauleko kürütxe xurian.
Entzün Etxerat ! Kortaturen kantorea :

: Politika; 2009 Urria 06; Agerraldiak: 5243

Iratiko xedea hürrünago doa

Xiberoko Sindikatak, Irati gaineko batzarri güneak küdeatzen dütüan egitürak, gaüzak hobetü nahi dütü. Hatsarrean inkesta bat eginarazi züen, beharren ikertzeko. Horren emaitzak ezagütü ondoan, azken bilküran, xede zonbaiten berri eman deiküe. Orai artino 55 000 gaü eskeintzen badütüe, epe lüzeko helbürüa 65 000 gaüetara heltzea da.
Inkestaren arabera, etxoletan egoiten düenek goxotarzün haboro eskertüko lüküe ; sindikataren arrapostüa ondoko bost urteetan ikusiko da, epe hortan etxola kopürüaren erdia arraberritürik izanen beita.
Hortaz gain, Nafarroa eta Xiberoko opor (bakantza) güneak fisikoki hüllantü nahi dütüe, xenda zonbait medio. Beste ideia zonbait ere badira, bena ürrentzeko erran dezagün Iratixtrem deitü lasterketarentako egiten den pirripita ibilbidea urte osoan proposatü gei düela.
Entzün Jean Pierra (Pepela) Mirande, Xiberoko Sindikateko lehendakaria :

: Politika; 2009 Azaroa 07; Agerraldiak: 4000

Haurrak badoaz Gamere-Zihigatik

Neskenegünean (azaroaren 7) Gamere-Zihigako kontseilüak eta haurren aitetamek bertan behera ützi düe orai artino eskolan eraman borroka. Alde batetik, beren süstengazale izan den Jean Lassalle haütetsiak erran deie ministeritzaren partetik eskola zerratzearen deliberoa behin betikoa zela (funtsean lehenago bezala). Bestalde, Herriko kontseilüa egün zonbait lehenago bildü zen eta aitetamak ere bai ; üdüri lüke ez züala mündü orok borroka bürüalat eraman nahi. Neskenegüneko bilküran eztabaida amiñi bat ere izan da, kontseilüak ez düalakoan behar bezala aitzina eraman eskolaren aldeko borroka. Dena den, azkenean haurrak Atharratzerat eramanen dütüe. Azken erabaki horren argitzeko, hiru alkarrizketa proposatzen deitziegü heben.
Entzün Alain Coyos, haur baten aita :

Entzün Battitta Aguer, herriko aüzapeza :

Entzün Jean Lassalle haütetsia :

: Politika; 2009 Urria 02; Agerraldiak: 4286

Gehiengoa posta püblikoaren alde

Postaren pribatizazio xedearen kontrako kolektiboak Xiberoan ere herri kontsülta antolatü züan. 2100 xiberotarrek bozkatü düe Mauleko eta Atharratzeko posta bülegoen aitzinean eta Mauleko merkatüan. Horietarik 2088 bozkazalek, hots %99.4ak pribatizazio xedearen kontre bozkatü dü. 1568 bozkazale izan dira Maulen eta 532 Atharratzen.
Orhitaraz dezagün antolatzaileetan CGT, FO, SUD, FSU, Solidaires, LAB, ATTAC, LCR eta NPA bildürik zirela ; Eüskal Herrian Alderdi komünistak eta alderdi sozialistak beren aldetik egin düe galtozketa, LABekin ez züelakoan lan egin nahi. Frantzia mailan, gobernüari galtegiten zaio orai kontsülta formala antola dezan.