Badü orai 5 urte APETAB 64 alkartea sortü zela Boliviako Tarija herriko haurren lagüntzeko. Haurren eskolatzea eginik izan da eta emaitza zinez honak ardietsi dütüe. Aurten, herriko jenteen janari autonomia nahi düe kausitü, ez beitüe aski jateko. Xede hori gaüzatzeko, xerri hazkuntza baten egiten hasirik dira eta sos ütürri berri bat izaten ahal da hori. Beste xede bat izanen da ondoko hilabeteetan arropen salmentaren azkartzea. Lan xede horien aitzina eramaiteko eta sos amiñibaten biltzeko, aurten ere sabai hüste bat antolatzen dü alkarteak martxoaren 25ean igandearekin.

Entzün Madouce Araguas APETAB 64 alkarteko kidea : 

2011ko ber heinean dügü Mauleko "Bihotzeko ostatüen" erabilzaleen zenbakia. Familiaka kontatzen beita, ber nombria etxikitzen da bena familietan jente haboro agertzen da aurten. 130 jentek badüe izena emanik eta orotarat 5600 apaidü zerbütxütatürik izan dira. "Bihotzeko ostatüak" abentüaz geroztik zabalik dira eta hilabete ürrentzean bortak zerratüko dütüe, ondotik epizeria zozialak hartüko dü segida. Haatik, dagün urteko sasuaren prestatzeko gisan, janari biltze bat eginen da martxoaren 9 eta 10ean Maule eta Sohütako saltegietan.

Entzün Panpi Lacarrieu "Bihotzeko ostatüko" lagüntzailea : 

Hameka urte, ahalmen gütiko haurren aitetamek eta lagünak lanean ari direla, haur horiek ikastolatze arrunt bat jarraik dezen. Egünko egünean, Integrazio batzordeari esker 38 haurrek eskolatze arrunt bat jarraikitzen düe iparraldeko ikastoletan. Haur horientzat 19 AVS eta 9 hezitzaile badira, Hezkunde Nazionalak 16 AVS ordaritzen dütü eta baratzen diren AVS eta hezitzaileak Integrazio Batzordeak pakatzen dütü. Hortarako, aurten 100 000 euroen beharretan dira. Horrentako, martxoaren 17an kanpaina hasten da eta Mauleko merkatüan mahain bat etxekiko düe. Xehetarzün güziak emanik izanen dira eta sosa bildürik date. Audela, aurten diska bat plazaratü düe ahalmen gütiko haurrekin, 6€tan salgei datekeana.

Entzün Mari-Jo Tanco Integrazio Batzordeko kidea : 

Nor beraren bürüa hobeki presentatzeko, ikastaldi bat proposatzen dü Xiberoko Gazteen Informazio Güneak dagün asteazkenean. Kürikülum Vitae, motibapen gütüna nola egin behar diren, baita ere elkarrizketa nola eraman behar den ikasten ahalko da, berezilari baten aholküekin. Ikastaldia dohainik da eta martxoaren 7an asteazkenarekin iraganen da Pitzgarriren egoitzen Maulen arrestiko 14etarik 17etara. Izenak emaiten ahal dira Azia alkartearen Facebook delakoan edo deitzez 05 59 28 67 62 zenbakiala. Bestalde, 4. eta 5. CLEJen biltzar nausia iraganen da martxoaren 9an 18.30etan Atarratzeko Piellenia ostatüan. 5. CLEJ delakoan xedeen lagüntzeko sosa badela oraino jakinarazirik izan zaikü. Interesatürik direnek beren bürüa ezagütarazten ahal düe biltzar hortan edo Azia alkartearekin harremanetan sartzez.
Entzün Laurent Beguerie Gazteen Informazio Günearen animatzailea :