Etxen artatürik diren adinetakoen familiek, ezagütürik eta haboro lagüntürik izatea galdegiten düe, hau oritarazirik izan da berriki egin den "Xiberoko Artatze Zerbütxüen" biltzar nausian. Familien nekeziak ezagütürik dira eta praubezi kasüak gerogo eta haboro agertzen dira. Beren lanaren ezagüpena eta hatsartzeko denbora galdegiten düe ere bai. Horrez gain, süstengü morala, sos lagüntza eta eritarzünetaz informazione eskatzen düe. "Adinetakoak, etxen etxekitzen jarraiki nahi bada arrapostü egokiak aski fite ekarri behar direla" deioie alkarteko ardüradünek. Bestalde, "Xiberoko Artatze Zerbütxüak" jakinarazi dü, ez zela heltzen etxen adinetakoen artatzeko galto güzier ihardestea, adinetakoen emendatzea eta sos lagüntza eskazen gatik.

Entzün Léonie Aguergaray Xiberoko Artatze Zerbütxüen alkarteko bürüzagia :

Deüs ere berriagorik, Mauleko faktür grebalari eta züzendaritzaren artean ! Faktürak greban dira arramaiatzaren 14az geroztik, lanpostü bat desagertarazi nahi delakoz. Postako züzendaritzaren araberan lan zama ttipitüko da orano ondoko hilabeteetan bena faktürek ez düe berdin ikusten. Düala 2 urte, hiru lanpostü desagertarazirik izan zen ber estakürüekin, frogatü delarik lan zama ez zela ttipitü züzendaritzak hitzeman züan heinean. Ondorioz, faktürek lan haboro egiteko üken düe. Orai, beste lanpostü bat galtzekotan da eta faktürek ez düe hori honartzen. Asteazken goizanko bilkürak ez dü deüs eman eta dagün astean berriz bildüko dira tratüari segida baten emaiteko. Artean, faktürek eginen düen biltzarrean deliberatüko da, zer segida emanen den greba mugimentüari.

Entzün Jean-Louis Leurgorry Mauleko postako faktüra :

Kanbiamenak eta berritzapenak izan dira "Xiberoko Janari Zatitze Kolektiboak" egin düan biltzar nausian. Kanbiamen nausia bülegoan izan da, Jacques Herrerak hartu beitü alkartearen lehendakari kargüa. Bestalde, araudiak kanbiatü dira, janari saltegi sozial baten zabaltzeko xedea beitüe setemereko Xiberoko eragile sozial ezbardinen artean. Biltzar nausiko püntu ezezkor bakarra da prekaritatea goratzez doala. "Janari Partekatze kolektiboa" apirilatik azaroa artino zabalik da, ondotik "Bihotzeko Ostatüek" düe segida hartüko.

Entzün Jacques Herrera Xiberoko Janari Partekatze Kolektibokoa :

Postako faktüren hiru laurdenak greban dira arramaiatzaren 14 hontan. 18 hilabetetarik egiten den berantolaketaren ondorioz, Mauleko posta lan postü bat galtzekotan da orano. Düala 2 urte jadanik, hiru lanpostü galdü zütüan, lan zama % 7ez ttipitü behar zelakoan. Azkenean, % 2ez baizik ttipitü zen, hots, lan haborokina faktüren gain egon da. Aurten, postaren züzendaritzak, bere kontüen araberan, lan zama % 3ez ttipitüko dela orano ere. Hortarik abiatürik nahi dü beraz lan postü bat elki. Faktürak ez dira ados eta bihar goizan 7.30tan bildüko dira berriz, zer jarraikia emanen den grebari erabakitzeko. Ondotik, goizanko 10etan züzendaritzarekin bildüko dira.

Entzün Jean-Louis Leurgorry gütün ekarlea  :