Urtarilaren 28ean besta eder bat antolatzen dü Azia alkarteak Ligin. Herriko ostatüen ützülia egin ondoan, Ibiliz taldearekin dantzaldia badate. 2011ko Kanbiamenetan, Aurelie Tillen partitzea izan da eta Laurent Beguerie langile berriaren hartzea. Alkarteko kideen araberan, dena ontsa badoala deioie eta plazer egiten düala motiko baten izatea taldearen eramaile. Iragan urtean hasi xedeak gei dütüe jarraiki, hala nola, Safaria ürrentü diaknostika plazaratü, Bista-Eder lizeoko gazteekin dütüen harremanak jarraiki, 2011an Xiberoko Botzan irrati emankizün bat egin bazüen aurten kanaldude herri telebistarekin ixeatüko düe zerbaiten sortzea. Ürrentzeko ohartarazi dügü, Laurent Beguerie Aziako animazaleak PIJ edo Gazteen Informazione Günean permanentzia bat etxikitzen düala asteazken oroz Mauleko Pitzgarriaren egoitzan.

Entzün Azia alkarteko Joana, Aurélie eta  Frantxina : 

30 urte hontan Barkoxen bedizia den Christian Roget-ek begi honez ikusten dü Barkoxeko "Osagarri Etxea" xedea. Erran deikünaz, medikuntzak ezagützen dütüan kanbiameneri ihardesten dü holako xede batek. Bedeziek ez düe haboro berek lan egin nahi eta erizainekin hüilanagotik lan egiteko beharra düe. Legeak ere, behar bezala antolatürik diren egoitzak galtatzen dütü. Hots, bedezi gazteen ekarazteko haborokin bat dira Osagarri Etxeak. Azkenik, baratzen diren traba nausiak dira, bedezi gazteen zenbaki ttipia eta beren emazteentako lanaren atzamaiteko arrenküra.

Entzün Christian Roget Barkoxeko bedezia :

Bihotz kolpeak edo bihotz arrenkürak agitzen direnean, sü ehaileak heltü ordüko berantegi izaten ahal beita, hiru «déffibrilateur» delakoak erosi eta plantan ezarri dütü, Urdiñarbeko Herriko-Etxeak, karrikan, Garaibin eta Lanbarako eskola ohian. 1500 euro koste dütü bakotxak, gei plantan ezarteko fresak bena Arño Berogain aüzapezak erran deikünaz, bizi batek ez dü kosterik. Laster, tresna horiek nola ebilten diren ikasteko eta eman behar diren lehen sokorriak zoin diren jakiteko, 20 jenteentako formakuntza bat antolatüko dü, Herriko-Etxeak. Orai danik, izenak emaiten ahal dira Herriko-Etxean.

Entzün Arño Berrogain Larretxart Urdiñarbeko aüzapeza : 

"Familles rurales" eta "Les amis de l’école laïque" alkartek Xiberoa Herri Alkargoaren lagüntza ükenen düe, inganioen eskentza handitzeko. Orai arte, üztailako lau asteetan egiten dira animazioneak 3 eta 12 urteko haurrer züzentürik. Xede berria lizate, bakantza güziz inganio zentroen zabalik etxikitzea salbü egüberriz. Aitetamen galto bati ihardesteko eta bi alkarteko lagüntzaileen lan zamaren arintzeko, Herri Alkargoak langile baten hartzeko xedea adostü dü. Orai, herri ezbardinen adostarzünaren zain dira, herri alkargoari gaitarzün horren emaiteko. Xede berri horrekin bi günetan jarraikiko dütüe animazioneak, izan dadin Atharratzen edo Maulen.

Entzün Adrien Béguerie, Herri Alkargoako osagarri eta sozial sailako ardüradüna :