Mauleko ospitalea züzendarik gabe dela baieztatürik izan da Mauleko kontseilüan, Gilles Lamourellek bere kargüa ützi beitü setemere hatsarrean. Mementoko, ez ordezkaririk izatez züzendari bat txerkatzen ari dira, artean Paueko züzendari batek dütü oren zonbait egiten Maulen. Ospitatalearen geroa ez da düdan ezarrik bena hobetzeko xedeak aküilatürik izanen direla. Beste aipagei nausia, Agerriako lürretan egin gei düen etxe multzoko lürrak salgei direla baldintza zonbaitekin. Azkenik, Eüskaren Erakunde Püblikoarekin partaidetza bat izenpetüko düe eüskararen builtarazteko Maulen.

Entzün Mixel Etxebest Mauleko aüzapeza : 

Barkoxeko Osagarri Etxearen obretaz püntü  bat eginik izan da. Honen kari, altxatürik izanen den bastimentüaz gain, Xiberoko Herri Alkargoak aitzina eramaiten düan bedezi ikasleen ekarrarazteko lana  presentatürik izan da. Mementoan, Maulen eta Xiberoan diren 11 bedezietarik erdia aski fite erretretala joanen dira. Ondorioz, ordezkariak segürtatzeko asmüekin, bedezi ikasketak egiten dütüen ikasleak ikastaldietarat jinarazteko, Herri Alkargoak dohainik apartamentü bat prestatzen deie bi ikasleer, eta Xiberoaren ezagützeko PACK delako bat ere proposatzen zaie. Mementoko, Mauleko 4 bedezi ikastaldi ardüradün dira eta Marmandetik jinik diren bi ikasle hüilantü dira Xiberoala. Prefosta, ideia da ikasle zonbait interesatzea eta geroan Xiberoan lan egiteko. Bestalde, Osagarri Etxeari doakionez, bi erizain, farmazia, bedezi baten egoitza eta kineziterapia gela bat eginen dira bertan. Obrek 2013 urte hatsarreko ürrentü behar lükee.

Entzün Arnaud Villeneuve Herri Alkargoako jenteen zerbütxüko batzordekoa :

Düala aste zonbait apez lagüntzale berri bat heltü da Maulerat ! Pochelu apez lagüntzalea, düala 75 urte Lekorne herriko Greziet aüzoan sortürik laborari famili batean. Gazterik apezgoan sartzeko ikasketak jarraiki zütüan eta 25 urtetan apeztü zen. Erakasle lanetan ari izan da 15 urtez eta hortik orozbatkoz ari izan da apez bezala lüzaz Amikuze eskualdean. Irisarrin eta Donibane-Garazi egon da Xiberoala jin aitzin. Meza eüskaraz emaitea latiez beno nahiago düala aitortü deikü, nahiz eta Xiberotarrez egitea gaitz izanen zaiola, bere adinean berant aide beita ikasteko.

Entzün Pochelu Mauleko erretore lagüntzalea : 

Düala zortzi urte zabaltü zen Mauleko zibergünea, teknologia berrien ezagützaren zabaltzeko. Geroztik, beharrak kanbiatü dira, jenteek ez düe hatsarrean bezala aholkülari baten lagüntzaren beharrik, bena bai sinpleki interneti lotzeko güne bat. Ondorioz, Xiberoa  Herri Alkargoak zibergüneko ordenagailüak barreatüko dütü, libürütegian, Mauleko Herriko Etxean, Zerbütxü günean eta Ondarrearen Etxean. Horrez gain, Wifi edo haririk gabeko internet lotüra eskentüko da zerbütxü güne orotan. Zibergünearen egoitzaz zer egin, gogoetatzen ari dira orai. Eüskarazko libürüen xokoa bilaka litaike. Azkenik, jakin behar da Atarratzeko zibergünea orano zabalik egonen dela urte batez pürü, orai artinoko ber zerbütxüekin.

Entzün Anne-Marie Thornary Xiberoa Herri Alkargoako züzendaria :