3 eta 6 urteen artean düen haurrentako, üdako inganio zentro berria zabaltü dü igaran urtean  Pettareko Eskola Püblikoaren Lagüneko alkarteak. Aurten, Xiberoko hiru inganio zentroak 4 astez zabalik izateko partez 6 astez zabalik dirate eta ontsalas, bakantza ttipietan zabaltü behar lükee. Berritarzünetan, Xiberoa Herri Alkargoak, koordinazale bat ezarriko dü Basabürüko eta Pettareko  inganio zentroen koordinatzeko eta eskentzak ber heinean ezarteko. A.E.Lek  kudeatzea beti jarraikiko düe, koordinazale lagüntzarekin. Bestalde, gimnastikako kursoek arrakasta handia badüe 2 talde beitira. Judoan aldiz, berritzapen zonbait alkartean, gazte zonbait bülegoan sartü beitira aurten. Dagün igantean apirilaren 15ean arrestiriko 15.30tan, A.E.Lko gimnastika eta judoko arizaleek ikusgarri bat eskentüko düe Mauleko Jai-Alaian.

Entzün Jean-Charles Barcosbide A.E.L-ko lehendakaria : 

Urteko beharren laurdena 3 tona janari bildürik izan da Xiberoko Bihotzeko ostatüan. Negüko 4 hilabetetan, 7500 apaidü partekatürik izan dira 167 beharrünanten artean. Baliazalen % 40a ama berak dira. Iragan urtetik, familia zionea, 60tarik 50tara eraitsi balin bada, jenteen zenbakia  bera baratzen da, jakitez lagüntü familiak saldo handiagoak direla. Eskentü janariaren laurdena jenteen bihotz honetik jiten da, beste arrastakoak Pauetik, leküko süpermerkatü, Axuria koperatiba edo kabale hiltegitik horra dira.

Entzün Panpi Lacarrieu Bihotzeko Ostatüko lagüntzalea : 

Bihotzeko Ostatüetan bezala, Kürütxe Gorriaren lagüntzen txerka horra direnak, ama berak dira, haboroenak 30 urte petik, beste baliazaleak direlarik adineko jenteak. Beharrer bürü egiteko, Atarratzen aldika baten zabaltzea deliberatü dü alkarteak. Kürütxe Gorriak biltzen dütüan sos lagüntzen ütürriak, jenteen emaitzetatik horra dira parte batentako, bestea aldiz, Kürütxe Gorriak saltzen dütüan arropen etekinetik direlarik. Lagüntza horien esküratzeko, nahiantek lehenik behar düe iragan lagüntza sozialeko bülegoetarik. Kürütxe Gorriko sal günea zabalik da, astelehenez 10.00tarik-12.00tarat, asteazkenez 16.00tarik 18.00etara eta ostegünez 17.00tarik-19.00etara. Azkenik, Kürütxe Gorria egoitza bat txerkatzen ari da.

Entzün Gaxusa Pontaut Kürütxe Gorriko bolondresa : 

Badü orai 5 urte APETAB 64 alkartea sortü zela Boliviako Tarija herriko haurren lagüntzeko. Haurren eskolatzea eginik izan da eta emaitza zinez honak ardietsi dütüe. Aurten, herriko jenteen janari autonomia nahi düe kausitü, ez beitüe aski jateko. Xede hori gaüzatzeko, xerri hazkuntza baten egiten hasirik dira eta sos ütürri berri bat izaten ahal da hori. Beste xede bat izanen da ondoko hilabeteetan arropen salmentaren azkartzea. Lan xede horien aitzina eramaiteko eta sos amiñibaten biltzeko, aurten ere sabai hüste bat antolatzen dü alkarteak martxoaren 25ean igandearekin.

Entzün Madouce Araguas APETAB 64 alkarteko kidea :