Xiberoko Osagarri Taldeak zütüan eraiki, Planing Familialeko aldikak, eta Algarrekin Bizi, herbaltüer hersatzen den egitüra. Janari sano baten üngürüko aipaldi edo gidatzeko arrisküetaz ere, hitzordüak eskentü dütü talde honek. Berriki, «Banga» izeneko aldika ere sortü dü taldeak, gazteer hersatzen da bereziki. Güne hortan, anonimoki eta dohainik, gazteek aipatzen ahal dütüe, beren etxeko edo bedezi arrunt bati aipatzera ausartzen ez diren nahi gabe edo arrenkürak. Nerabetza- edo “adolescence” delako hortan agertzen diren nekeziak dira orohar agertzen gazteen beitan, korpitzaren kanbiatzea, sobera edo gütiegi jan, besteak beste… « Banga»ren aldika, barantailaren 2an date, eta funtsean asteazken güziz bezala, 13.30tik - 15.30ra Mauleko zerbütxü günean, dohainik eta anonimoki.

Entzün Marie-Christine Lagrange bedezia :

Interface alkarteak nekezian diren jenteak enplegatzen eta lagüntzen dütü, enplegü edo osagarri mailan baita ere egün oroztako bizian izaten ahal diren trabak gaintitzen. Inserzio alkarte honek langabeak lanarazten dütü hargingoan eta zurgintzan. Maulen den zurgintzaren lankian, bide bazterretan ikusten diren pik-nikako mahainak eta jargiak egiten dütüe. Autokarra ekürüagiak ere egiten dütüe eta zurrezko beste lan xehe zonbait. Armand Elgoyhen, sortzez Larrainekoa, da lankiaren joanarazlea. Zurgina ofizioa erakustea eta erakastea ixeatzen da eta erran deikü ez dela beti aisa nekezian diren jenteekin lan egitea eta ofizio horren gustü emaitea. Bakotxaren egoera kontütan hartü behar dela eta beren ahalen araberako helbürüak finkatü behar direla geihitü deikü.

Entzün Armand Elgoyhen Interface alkartekoa :

APETAB 64 alkarteak bere biltzar nausia egin berri dü. 2010ko urteari so txosten baikorra elki düe ustegabeak izanik ere. Dakizüen bezala, APETAB 64 alkarteak sosa biltzen dü bi hezitzaileen ordaintzeko, Boliviako Tarija herriko 65 haur eta gazteer hezkuntza baten eskentzeko. Iragan urtean,  arrenküra handiak üken dütüe Boliviako gobernüarekin janariaren ükeiteko. Aste zonbaitez, haurrak jan gabe egon dira. Egoera honen aitzinean, APETAB 64 alkartekoek 50€ ko sos lagüntza ekarri dü hilabete oroz, haurrek jateko üken dezen. 2011ko xedeetan, sos biltzen jarraikiko düe alkarteko kidek, orai artinoko animazioneak egitez bai eta berriak soraraztez. Bestalde, orai artino dohainik ari den hezitzaile baten pakatzeko xedea düe, gazteer josten eta baratze egiten erakasteko. Alkarteko kidezionea bikoiztü da eta legarretan probatzeko ageria baimena üken berri düe.

Entzün Evelyne Jaragoyhen APETAB 64 alkarteko lehendakaria :

6 hilabete ! Hona zonbateko epea eman düan Paueko Auzitegi komerzialak, Olorueko poliklinika salbatzeko. Olorueko poliklinika auzitan emanik da alokaiderik ez pakatzea gatik eta bestalde, 800 000 euroko ziloa aitzin ikusirik beita aurtenko kontüetan. Ez da sürprisa handirik izan beraz, Olorueko Poliklinikaren geroa ez da orano argitüko. Erran bezala, 6 hilabete baratzen dira, Klinikak, Hospitaleak edo Herriko Etxeak elkibide bat atzaman artino. Proiektü azkar bat muntatzeko, Auzitegi Komerzialak epea beraz üzten deie. Ageriko orai, podere püblikoek eta egitüra ezberdinetako ardüradünek zer erabakiko düen. Argitarzün haboro erran bezala, 6 hilabeteen bürüan.

Entzün Paillot anderea Poliklinikako Langileen delegatüa :