"Janari saltegi sozialak" bortak zabaltuko dütü Maulen dagün setemerearen 21ean ! Orai arte, janaria dohainik partekatzen bazen, hebentik aitzina, pakatzez izanen da prefosta prezio apal batetan ! Xiberoan bada 20 bat urte, beharretan diren jenteentako janari zatitze egiten dela eta beharrak ez dira ttipitzen, mementoan 45 familiak lagüntzen dira, jakitez baserri güne izatez ez direla denak agertzen. Hots, janari salgüne honen helbürüa da, kittorik den lagüntzatik elkitzea emeki emeki eta janari süerte zabalago baten eskentzea. Horrez gain, ateleria ezberdinak proposatuko dira, horietan sükaltaritza.

Entzün Christine de Fabrégues "Janari partekatze" kolektibokoa:

Arrenkürarik gabe iragan da eskola sartzea Xiberoan. Arramaiatzaz geroztik jakin zen ez zatekeala eskola zerratzerik eta erakasle postü galtzerik. Orokorkean, oro arruntean iragan da haur zonbaiten nigarrak ezik. Haatik, Maule-Gainean gela berritüetan sartü dira haurrak eta Idauze-Mendin egoitza berrian sartü dira ttipiak. Orai arte, bi leküetan partekatürik balinbaziren, denak boti dira orai Idauzen. Ama eskolakoak eta CPkoak egoitza berrian eta handiagoak leheneko gelan. Baldintza ezinago honetan dira beraz 49 ikasleak eta lau erakasle eüskaldünak.

Xiberoko ikastoletan sartzea ere eginik izan da astelehenean. Sohütan 105 haur ziren 113 izanen direlarik dagün urte hatsarrean. Haatik, üda aitzin hasirik obrak ez beitira oranokoan ürrentürik, sartzea ahal bezain ontsa iragan dadila erakasleek antolatü düe, bena laster gela berritüetan sartüko dira ikasleak. Alozen klase berri bat zabaltü da eta 26 ikasle kontatzen dira orai. Erakasleen aldetik, kanbiamenak izanen dira Alozen Joana Arhantcet eta Solange Chimits dira erakasleak eta Sohütako taldean Karine Chimits eta Pette Etxebarria dira taldeari gehitzen direnak.

Xiberoko kolegioetan ere sartzea ontsa iragan da. Argia kolegioan 308 ikasle ziren, San Frantses kolegio lizeoan 130 bat eta Atarratzeko Jauregi kolegioan 78. Orotarat, 500 bat Xiberotar gazte dira hiru kolegioetan. Aspaldiko partez, ohar etxekiko dügü behar ziren erakasle güziak agertü direla sartze egünean.  Ikastetxe bakotxak xede pedagogikoak plantan ezarri dütü, ikasleen kausitzea eta garapenaren segürtatzeko.

Entzün Maylis Fordin Idauze-Mendi eskolako züzendaria :

Sartzea dügü Xiberoko Botzean setemere hontan. Negüko ordütegiarekin berriz abiatzen gira. Programen parte bat Xiberoko Botzatik zabaltüko da, beste partea Eüskal Irratietarik. Prefosta, gure ekoizpenaren parte nausia xiberokobotza.org internet günean edirenen düzüe beti. Jakin ezazüe ere, Xiberoko Botzaren bortak beti zabalik direla eta müsika saioa edo beste egiteko ideia baldin badüzüe, irrati hontarat deit dezakezüe eta honki jinik ziratekeie .

Entzün Artzen Letona Xiberoko Botzaren egitaraua presentatzen :

Telebista eta partikülazki TNT kateak biltzen düenentako, aperzibitü zide arrenkürak bazüntüela telebistaren ükeiteko. Analogikoatik nümerikoala iragaitean, gaüza ederrak hitzaman bazütüen, denboro ederra delarik hala da, aldiz tenpesta egünetan TNTa ez da haboro ontsa ibilten edo ez ikusten. Ondorioz, egün zonbait egürüki behar da telebista berriz ontsa ibil dadin. Xiberotarren kexüaren aitzinean Mauleko herriak ageri bat zabaltü dü gertakari horien aitzinean. Xehetarzün haboro jakiteko, xehetarzünak galtegin deitzogü TNT ardüra düan TDF-ako delegatüari.

Entzün Eric Samy TDF Errejioneko ordezkaria :