Eüskal borrokalariak ohoratüko dira igantean Larrainen emanen den Telesforo de Monzon pastoralean. Igandean bürütik bürü arropekin, eman düe pastorala. Mustraka orokorrean abantxü prest zirela erakutsi düe. Kantore, dantza eta botz ederrak ez dira eskaz, Jean Bordaxarek idatzi düan pastorala hontan. Antolazaleak, botzik agertü dira, azken hilabete lüze horietan egin den lanaren emaitza ikusirik. Orai denbora haütüa egürikitzen düe eta Jean-Pierra Accoceberry antolatzale gazteak segürtatü deikünaz, egin ahalak oro eginen düe jente güzien baldintza hoberenetan errezibitzeko.

Entzün Laurentx Etxegoinen erreportajea :

Üztailaren 29tik agorrilaren 24ala “ F'estivales Herria ” iraganen da Mauleko gaztelüan. Lehen ekitaldia lüzatzen dü Mauleko Gaztelüko Lagünak alkarteak, üztailaren 29ean gaüko 21.30etan Mauleko gaztelüan. Aitzin partean, Lionel eta Hervé Berzaitz kantan ariko dira eta ondotik Baxe-Nafarratik jinik Nekez Ari gizon Kürra entzüten ahalko da. Jateko eta edateko ere badateke. Ebia balitz, kantaldia Maule-Gaineko elizan iragan leite. Ondoko asteetan beste 5 gaüaldi antolatzen dütü Mauleko Gaztelüko Lagünak alkarteak.

Entzün Jean-Louis Belhartz Herria alkarteko kidea :

Bada 10 egün “Xora” izeneko filma hasirik direla filmatzen Xiberoan eta egileek deioienaz gaüzak ontsa joaiten dira. Hor ere, aroa txarrarengatik plangintza kanbiatü behar izan düe, bena epean ürrentüko düela baieztatü deikü Peio Cachenaut filmaren egileak. Gaüko parte güziak filmatürik izan dira jadanik eta memento hontan Ahüzkiko olha batean irudiak hartzen ari dira. Aro eijerrarekin pentsatürik ziren planoak, ekia oroz bat ützüliko delarik filmatüko dütüe. Hamar bat egünez jarraikiko düe beraz “Xora”, Xiberotarrez eta Xiberoan eginik lehen film lüzea filmatzen.

Entzün Peio Cachenaut filmaren idazlea :

Xiberotarrez eginen den lehen lüze metraia üztailaren 18an hasi da filmatzen. Hiru aste iraünen dü filmatzeak Xiberoan gainti, ondotik montajearen aldi date. Peio Cachenaut da züzendaria eta bere aginte pean talde eder bat lanean ariko da. Jente ez ezagün baten üngürüan iragaiten da istoria, bizitza arrunt bat eramaiten düana. Aspertürik egüneroztakoaz, betidanik amestü düanaren egiteko gogoa dü idaztea. Hartakotz Ameriketan bizi izan den osaba idazle baten gana doa lagüntza eske. Bien arteko harreman berezi bat sortzen da irakasle eta ikasle baten artekoa bezala.

Entzün Peio Cachenaut Xora filmaren züzendaria :