Kultura

: Kultura; 2011 Maiatza 27; Agerraldiak: 4353

"Kantuz, Presoak Etxerat" kontzertü eta KD berria

"Kantuz, Presoak Etxerat!", Eüskal Preso Politikoen aldeko konpakt dizka argitaratü da musika talde hanitxen parte hartzearekin. Dizka honekin preso politikoek jasaiten dütüen neurri bereziak salatüko dütüe artistek. Talde horiek dira : Hurmurao, Totem, Varlin, Panda Valium, Willis Drummond, Georges Abitbol's Dirty Sex Toy Academy, the Sparteens, Ztah, Unama, Sorotan Babies eta Bizio. Xedean parte hartü düe Aratz Gomez, Gotzon Alkade, Harriet Agirre, Naiara Mallabia presoek, kantoreen hitzak egitez. Konpakt dizkaren presentatzeko hiru gaüaldi izanen dira parte hartü düen talde batzüekin. Maiatzaren 27an ostiralean Donibane-Lohitzüne-Ziburuko gaztetxean, maiatzaren 28ean Zinkan Maulen eta arramaiatzaren 1ean Donaixtiko Bota gaztetxean.

Entzün Jurgi Willis Drummond taldekoa :

: Kultura; 2011 Maiatza 27; Agerraldiak: 3267

Mauleko Gaztelüko alkarteko ikusgarriak

Iragan urtean bildü züen arrakastaren biltzea berriz ixeatüko düe Mauleko Gaztelüko alkarteko kideek. Üztailaren 29ean izanen da lehen ikusgarria eta agorrilaren 24 ean datekealarik azkena. Orotarat, 6 hitzordü izanen dira, zabal bezain aberats, kantaldi, kontzertü, antzerki, apaidü, eta beste. Bestalde, setemerez izanen diren Ondarearen Egünen kari, egünaldi berezi bat gei düe antolatü, Maule herriko bisita antzerki maneran. 2012an ikusgarri handi bat antolatü gei düe Nafartarrekin, Amaiur 2012 izenarekin Pier Pol Berzaitzek eramanen düana. Hitzordü güzi horientako, interesatürik diren jente güziak kümit dira arramaiatzaren 8an Mauleko zerbütxü günean.

Entzün Joël Larroque Mauleko Gaztelüko Alkarteko kidea :

: Kultura; 2011 Maiatza 19; Agerraldiak: 4341

Maiatz taulada - Egitarau aberatsgarria

Maiatz Taulada, Tokia Antzerki taldeak eta Maule Hiriko kültür sailak antolatzen düen antzerki festibala maiatzaren 20an hasiko da. Bena aintzin abioa asteazkenan izan da Mauleko Kasernan, Xiberoko Gaü Eskolako 5. Mailako ikasleek aurkeztü dütüen antzerki llabüreki Maiatzaren 19ean ostegünarekin 14.30etan, ikasleen aldi date libürütegian. Antzerkittoak eta bideoak presentatüko dütüe eta libürü irakurte eginen da. Gaüan aldiz, Tokia antzerki taldearen tailereko kideek « Un air de Famille » obra estrenatüko düe 21etan Ibar ostatüan. Aldiz, estrenatze ofiziala ostiralean maiatzaren 20ean iraganen da. Egün orotan, egitarau eijerra proposatürik zaikü. Goizan 10etan Maule Baithan, "Azken Portua" eüskarazko antzerkia ikusgei date. Ber tenorean, Argia kolegioko ikasleek « Kolegioko Oritzapenak » presentatüko düe. Ostirale arrestiritan 14.30etan Maule-Gainean « Bob, transports en tout genre » karrikako antzerki-magia ikusgarria emanen da. 15.10etan « Dansoté » Hip-Hop ikusgarria, 15.25etan « In Extremiste » zirkoa, 19.00etan Zezenaren Taldea eta Gargot de Joc eta berriz ondotik « Dansoté » Hip-Hop ikusgarria eta « In Extremiste » zirkoa. Azkenean 21.45etan « One day à la Bobitch » pailaso ikusgarria. Maiatz taulada beste egüneko egitaraua soegiteko : www.mauleon-licharre.fr

Entzün Michel Fouchet ostegün eta ostiraleko egitaraua emaiten :

Entzün Michel Fouchet neskenegüneko egitaraua presentatzen :

Entzün Michel Fouchet igandeko egitaraua emaiten :

: Kultura; 2011 Maiatza 23; Agerraldiak: 3440

Maiatz taulada Antzerki festibala arrakastatsü

Mauleko Antzerki Festibala lekü eskazian da, 9 gerren edizioneak bildü düan arrakastaren ondorioz. Ikusgarrien ezbardintarzün eta zabaldürari esker, asteazkenetik igante ülüntzeala jentea hor zen. Bost egünez, adin güzietako jente hanitx jin dira antzerki festibaleala. Hüilantü direnen artean ohar baikorrak entzün dira salbü neskenegün gaüan izan den antzerkian, Udamina antzerkia ez beita jenteen güstükoa izan. Maulerat hüilantü diren artistek ere," Maiatz Taulada Antzerki Festibala" preziatü düe, bereziki batzarria eta festibala. 2011ko edizionea ürrentürik, antolazalek akitürik bürütü düe astea, bena jadanik ondoko urteari so dira, karrikako antzerki festibal honen mailaren etxikitzeko.

Entzün Michel Fouchet "Maiatz Taulada" antzerki festibaleko antolazaletarik bat :

: Kultura; 2011 Maiatza 17; Agerraldiak: 4015

Gramatika emendakina - Zuberoako euskaraz

«Gramatika emendakinak zuberoako euskaraz », hona zoin izenekin argitaratü düan Juje Etxebarnek Gramatikari lotütako libürüxka hau. Azken 30 urte horietan Xiberoko Gaü Eskolako erakasle izatez, hütsüne bat bazela ikusirik urte güzi horietan bildütako xehetarzün güziak libürü hontan gehitü dütü. Zübü bat izateko xedearekin, xiberotarra eta batuaren artean, gramatikako libürüa idatzi dü Jüje Etxebarnek. Eüskalzaindiak dü libürüa plazarazten, orotarat 500 ale badira, horietarik 200 hiru probintzia horietan !