Igante hontan hasiko dira 2010eko maskaradak Larrainen. Azken mustraka ostirale hontan eginen badüe ere, iragan neskenegünean talde osoa Larraineko trinketean bildürik zen. Apirilaren 18an azken maskaradak Larrainen eman beno lehen, 12 herrietarik iraganen dira (datak pean dira). Artean, taldearen aurkezpena egiteko tenorea jin da.
Kargü nagusiak beteko dütüenak ondokoak dira. Kabana handia Allande Etxeto izanen da, eta Pitxu bere lagüntzale erri egingarria, Mathieu Bengotxea. Buhame jauna aldiz Hervé Ameztoi dateke. Beltzen ondotik aipa ditzagün gorri zonbait. Hasteko, peko soinüan behatzen ahalko düzüen Jauna Nicolas Bengotxea da, eta haren Anderea Mirentxu Camy. Laboraria eta Laborarisa Pette Etxebest eta Christelle Elgoien izanen dira, eta haren ahizpa Nadine Elgoien Xorrotxa dateke Ximun Akozeberrirekin batean. Azkenik Kerestuak Beñat Borthelle eta Jüje Akozeberri dirateke.
Azken aipamen bat ere Xorrotxen berset egilearentako, Jean-Dominique Iriartentako, eta Xorrotxen kantorearen ahaidearen egilearentako, Laurentx Oihenartentako. Maskaradako azken kantorea aldiz (hitzak eta ahaidea) Robert Larrandabürük hontürik da.
Bi hitz ürrentzeko igante hontako maskaradaz : barrikada haustea 9.30tan izanen da, eta azken barrikadatik landa segidan emanen da plazako ikusgarria. Ondoko aldietan berriz, üsantxa den bezala, arrestiriko 3.30tan emanen da maskarada, bazkaltü ondoan.
Entzün Nicolas Bengotxea, Jauna :

Urtarrilan : 10an : Larraine. 17an : Gamere. 24an : Ligi. 31an : Atharratze.

Barantailan : 7an : Eskiula. 14an : Muskildi. 21an : Arrokiaga.

Martxoan : 7an : Altzürükü. 14an : Altzai. 21an : Santa Grazi. 28an : Aloze

Apirilan : 4an : Barkoxe. 11an : Urdiñarbe. 18an : Larraine

Hedaldaka deitü dü Pil Pilek bere diska berria. Müsikarekin eta gabe, 14 kantore kantore bildü dütü laukoteak. Mixel Tikoipe, Alexandre, Jojo eta Bernadette Bordagaraiek düe taldea osatzen. Taldea ezagützen düenek, kantaldietan ebilirik beitira azken denboretan, kantore zonbait ezagütüko dütüe taula gainean eman beidütüe jadanik. Mauleko Herri Ekoizpen saltegian eta müsika saltegi haboroetan atzamanen düzüe Pil Pilen Hegaldaka.
Entzün aurkezpena :

Oilarrak abesbatzak 15 urte bete dütü, eta horren ospatzeko kantaldi berezi bat emanen düe Maule Baitha zinema gelan neskenegün hontan (abentüaren 19). Hatsarre batean taldea ostatüan kantatzeko sortü bazen, geroztik badü bide eginik. Europan zehar kurritü dira Oilarrak, Irlandan edo Europa ekialdean besteak beste, eta 4 diska ere badütüe plazaratürik.
Régis Claverie taldeko kantari bat jin zaigü kantaldi horren aurkeztera, eta Oilarrak abesbatzaren historia oritarazi deigü.
Entzün Régis Claverie :

Bertsoa ez da denen gustükoa, normal den bezala. Bena Barakaldoko (Bizkaia) BEC gela erraldoi hartara hüilantü den orok ikusi dü Eüskal Herriko Bertsolari Txapelketa Nagusiko finala batek zonbat indar badüan. 14 500 ikuslek bat egin züen igantean bertsoak sortzen düan emozionean. Ageri zen esküzartetan, oihüetan, negarretan, ühainetan (delako "ola") eta ageri zen alde orotan. Hitz-ordü horrek aski indar ez balü bezala, audela txapela iragan da Andoni Egañaren (lau aldiz txapeldün) bürütik Maialen Lujanbioren bürü gainealat... eta audela Amets Arzallus hanitxek txapeldün ikusten züen emaitza ezagütü aitzin... eta audela Joxe Agirre gipuzkoarrak lau bertso kantatü dütü leküa txapeldünari ützi gabe. Hots bi hitzetan, egün handia izan da.
Xiberotik joanik ziren autobüs edo otoetan ez bazinden (edo bai), heben dütützüe bertso zonbait, beste hanitx bezala, hunkigarriak.
Gaia süa hitza zelarik, bürüz-bürükalat heltü diren bi bertsolarien lanak.
Entzün Maialen Lujanbio :