Kultura

: Kultura; 2010 Apirila 11; Agerraldiak: 2733

Ane Labaka txapeldün Muskildin

Sei bertsolariak. Ezker esküin : Aimar Karrika, Eneritz Arzallus, Maiana Hirigoien, Izar Mendiguren, Ximun Cazaubon eta txapeldüna Ane Labaka. Muskildiko Pusunpesenea jentez bete zen iragan neskenegünean Hernandorena bertsolari gazteen sariketaren finalarentako. Sei bertsolari ziren lehiatzen : Aimar Karrika, Eneritz Arzallus, Maiana Hirigoien, Izar Mendiguren, Ximun Cazaubon eta Ane Labaka. Lan ezberdinak egin ondoan, Ane Labaka dü beraz epaimahainak txapeldün izendatü, eta Aimar Karrika txapeldün orde.
Giro goxoan iragan zen, eta küriositate gisa aipa dezagün Bertsularien Lagünak alkarteak eskeini dütüan sariak, azken hiruentako, llapiak zirela eta bizirik !
Entzün Ane Labaka bertso saiotik landa :

Entzün bi lapurtarrak Ximun Cazaubon eta Maiana Hirigoien :

Entzün Aimar Karrika eta Ane Labaka kantan :

Entzün Ane Labakaren azken agurra :

: Kultura; 2010 Apirila 08; Agerraldiak: 2539

Hernandorena Muskildin

Neskenegün hontan ürrentüko da Muskildin Bertsularien lagunak alkarteak antolatü düan Hernandorena bertsolari gazteen sariketa. Larresoro eta Donibane Garaziko kanporaketetan sei bertsolari sailkatü ziren : Aimar Karrika, Ane Labaka, Ximun Cazaubon, Izar Mendiguren, Maiana Irigoien eta Eneritz Arzallus.
Gaüaldi goxoa izan dadin, kanporaketa bakotxan bezala aihari bat izanen da bertso saioa gabe. Posonpesenean emanik zaizüe hitzordüa, eta izenen emaiteko ondoko zenbakilat deitü behar da : 06 32 12 19 13. Aiharia Xiberoko Koblaka alkarteak dü eginen.
Entzün Koblaka alkarteko Erik Etxart :

: Kultura; 2010 Apirila 01; Agerraldiak: 2331

Vicente Lacassia Hebentikenean

Hilabetean behin Hebentik alkarteak proposatzen dütüan hitzordüetan, neskenegün hontakoan Vicente Lacassia margolaria izanen da kümita. Burgin (Nafarroa) sortü zen 1919an, bena 1936an hasi zen gerla zibilaren ondorioz hantik ezkapatü zen. Geroztik Maulen bizi da, eta seküla ez dü margoa ützi.
Neskenegüneko gaüaldian, arrestiriko 7etarik aitzina, harekin Agerrian egin bideo ttipi bat erakutsiko da eta hortarik landa bere margoak. Hebentikenea Chaumes gaznakagiaren gibelean da, Maulen.
Entzün Vicente Lacassia, Maulerat heltü zenetik bere artista bizia kontatzen :

: Kultura; 2010 Apirila 07; Agerraldiak: 2500

Aitzindariak alkartearen berri

Iragan astean egin züan alkarteak bere biltzar nagusia. Urteari behako bat emaitean, bi hitzordüren aipamena egin deigüe besteak beste alkarteko kideek : 2009ko Dantzari Txikin parte hartzea handia izan zen, bena Dantzari Egünean berriz Xiberotik talde bat baizik ez zen joan (Eskiulakoa). Beste sailetan, aitzindariak ez diren dantzarientako herri zonbaitetan arropak egiten dütüela aipatürik izan da, eta berri honen sailean ere, gehitü zonbaitek kantoreak erakatsi nahi deitzela gazteagoer.
Alkarteak bestalde, egoitza bat ükeitearen ideia badü orano. Entzün Añez Agergarai :

Azkenik, aipa dezagün ürratsetaz abiatü düen lan bat. Püntü zonbait galdü badira, besteak ez ditean gal, bideoetan bildü nahi lütüzküe jakintza horien begiratzeko.
Entzün Añez Agergarai :

: Kultura; 2010 Martxoa 30; Agerraldiak: 3754

XIRU 21

Amaren Alabak Gotaineko Xiru festibalak berriz ere jentea bildü dü iragan asteondar osoan. Ander Lipus, Sustrai Colina, Suak, Telamure, Ekialde, Bernard Combi, André Minvielle... kümita bakotxak emaiteko züana eman dü. Segür dena da berriz ere kültüren kürütxatzea kausitü düala Abotia alkarteak. Han izan ez zirenentako, heben düzüe neskenegün gaüan bildü soinüen bildüma ttipi bat.
Entzün so egileen erranak neskenegün gaüan :