Mauleko herriko bestak üztailaren 13tik-17ala iraganen dira.  Besta Batzordeko gazteek programa aberats bat  plantatü düe eta bost egünez badateke zer egin. Aihari, ikusgarri, soinü, dantzaldi, kantaldi, koblak, indar jokü, süak, bizikleta lasterkaldi, dantza ikusgarri, kontzertü, pilota, ororen gustükoa badateke. Segürtantxaren aldetik besteen denboran, Mauleko karrikak zerratürik izanen dira otoer arratseko 8tarik goizanko 6 orenetarat. Bestalde, Mauleko besteer kolore emaiteko, xuri eta gorriz beztitzea galteginik da. Ausarki Mauleko bestetara hüilantzen ahalko zide, inganio eta ikusgarri franko dohainik beitirate.

Entzün Fabien Oihenart Mauleko bestaren batzordekoa :

Erakuska berri bat estrenaturik izan da Mendikotan ! Alkarreki deitzen da erakuska hori eta honen helbürüa da Hegoaldeko eta Iparraldeko artista ezbardinen üztartzea. Hiru astez, 20 artistek Jondane Johañe üngürüan egin dütüen obra ezbardinak ikusgei dira. Tinta, kartuzko obrak edo arotz ezbardin eli bat ageri dira bertan eta xede franko ere prestatzen ari dira ondoko aste eta hilabeteetanko. Mendikotan den Uztaro alkartearen egoitzaren kantean da erakuska hau eta üztailako lehen 3 asteetan egün oroz zabalik da asteartetik igantealat.

Entzün Alberto Letamendi artista :

Zinema jalgi hadi plazara ! Antzerkia, müsika, dantza, edo margolaritzaren ondotik, Hebentik alkarteak zinemaren arteari parekatzen da orai, beti barna bezain xümeki, herria begi berriz ikusi nahiz, Xora xiberotarrezko lehen fikziozko filma xedearen egiteko. Dinamika hontan, üztailaren 2an, 8an, 22an eta 29an, Ainharben, Etxebarren, Liginagan, Maule Gainean eta Zalgizen, « Le Refugié », « Lucio », « Ritals », « La filière espagnole » eta « Le Pays Basque : quelques uns qui parlent le basque » filmak hedatüko dütü plazetan, leküko Herriko-Etxe edo alkarteen partaidetzarekin. Xora fikzioaren filmatzea aldiz dagün üztailaren 18an hasiko da eta hiru aste iraunen dü. Xehetarzün habororentako : www.hebentik.wifeo.com

Entzün Hebentik alkarteko Pierre Vissler:

Arramaiatzaren 25ean Maulen mugimentü bazen, Battittu Coyos Mauletarra sortzez, eüskalzain oso bilakarazten beitzüan Eüskalzaindiak. Mixel Etxebest aüzapeza eta bere zinegotsiek düe batzarrea egin Herriko-Etxean. Ondotik, Xiberotar dantzarien lagüntzarekin Maule-Baithala joan dira ekitaldi püblikoarentako. Eüskalzaindiako kideak eta aüzapeza taulen gainean jarri dira. Mixel Etxebestek azpimarratü dü "uhure handi bat zela Eüskalzaindia Maulen izatea eta batez ere herritar baten eüskalzain oso izentatzea". Bestalde, Battittu Coyosek eüskalzain izan aitzineko hitzaldian, eüskararen bi dikotomiak geiaren üngürüan egin dü. Ekitaldi ürrentzean denek algarrekin züntzür bustitzea hartü düe.

Entzün Battittu Coyos Xiberotar Eüskalzain berria :