Ostegün gaü hontan (barantailaren 4) Donapaleün, Argitxu Camus xiberotar ikerleak "Estatü Batüetako eüskaldünak eta eüskal nortarzüna" deitü düan mintzaldi bat emanen dü. Argitxu lüzaz egon da ipar Ameriketan eüskal etxe batetik bestealat, eta ünibertsitateko lanak ere badütü eginik gei horren üngürüan.
Alkarrizketatü dügülarik, Argitxuk anekdota batekin argi ützi deigü Estatü Batüetan bizi diren eüskaldün hanitx zoin kontserbadore izaten ahal diren (aipageiari zerbait ekarten deiolakoan idazten dügü hau). Artzainen omentzeko, 1989an Reno hirian (Nevada) Nestor Basterretxearen zizelketa edo eskültüra bat ezarririk izan zen (ezkerreko argazkia). Hanitxen gustüko ez zelakoan, ber hirian jatetxe bat düan eüskaldün batek beste omenaldi bat egin zeien artzainer (esküineko argazkia), bena hau tradizionalagoa.
Hortaz gain, Argitxu Camusen mintzaldian, nortarzün bikoitza aipagei izanen da, amerikar eta eüskaldün nortarzünak üztartzen beidütüe. Entzün Argitxu Camus :

Xiberoko Botzak bezala, azken denboretan alkarte eta egitüra hanitxek interentera jauzia egiten düe. Azken sortü-berria, Mauleko libürütegiaren bloga da. Diska eta libürü eskeintzak, libürütegiko langileen irakurketa aholküak, berritarzünak eta kültür hitzordüen berri emaiten dü blog horrek besteak beste. Etxetik ikusten ahalko da beraz oraitik aitzina libürütegian zer atzamaiten ahalko den. Xehetarzün haboroentako, entzün libürütegiko langile hau :

1.01 deitzen da Dantzaz talde gipuzkoarraren azken lana. Filgi Claveriek züzentzen düan talde hontan, dantzari profesionalak bilakatüko diren dantzari gazteak agertzen dira. Urte bat iragaiten düe dantza talde hortan, profesionalak bilakatzeko trebatzen. Urte oroz, dantzari horiekin ikusgarriak aurkezten dütü Dantzaz konpainiak, eta azken urteetan Maulen ere ikusteko parada eskeintzen deigüe. 1.01 hontü düen koreografoak hiru dira : Christophe Garcia, Hilde Koch eta Eric Gauthier.
Ostirale hontan, barantailaren 5an emanen düe 1.01, gaüko 9etan Maule Baitha zinema gelan. Xehetarzün haboroentako entzün Christelle Mange, Mauleko kültür teknikalaria :

Sohütako Eperra ikastolak aspaldiko partez kantaldi bat antolatzen dü neskenegün hontan (urtarrilaren 23) Sohütako elizan, gaüko 9etan. Hatsarrean ikastolako haurrak ariko dira kantan, horietarik zonbait jadanik Haur Kantu Txapelketan eman zütüen kantoreekin. Ondotik aurkezpen beharrik ez düen Amaren Alabak ariko dira, eta heben pean entzüngei düzüen kantore bat ere emanen düe Jean Mixel Bedaxagarrekin batean. Ondotik, Jean Mixel Bedaxagarrek bere azken lana (Auñamendi) aurkeztüko dü, adixkide eta etxenkoez lagüntürik (Erramun Martikorena, Mixel Arotze eta Johañe Bedaxagar).
Entzün kantaldiaren aurkezpena Anie Aguerren ahotik :