Frantziako lehendakaritzarako bozkak, Legebiltzarrekoak, Eüskal Alkargoa edo ere, Maule-Lextarreko hiriaren arrenkürak aipatürik dira, besteak beste, Liberté aldizkariaren agiantzetako argitaldian. Aldizkariaren üngürüan direnen aihoa komünista da eta damü düe ez delakoz haütagei komunistarik Frantziako lehendakarigoalako. Hortarako, indarrak ezarriko dütüe Legebiltzarreko hauteskundetan. Hala, haütagei komünista bat izanen da bozka erremü hontan. Bestalde, Eüskal Alkargoaren sortzea, Louis Labadot-k, ez dü begi honez ikusten, zeren eta orai artino alkargoetan ziren eskuintiarrak direlakoz Eüskal Alkargoaren joanarazleak. Azkenik, Maule-Lextarreko hiriaren joanarazteko maneraz, kritikak beste behin ere eginik izan dira erranez oposizionea ez dela errespetatürik. Louis Labadot :

Herri ttipiak geroan nolakoak nahi dütügü? Galto honen üngürüan dira hainbat jente bildü Barkoxen, Eusko Ikaskuntzak, Barkoxeko herriak eta Etxahun alkarteak antolatü topaketan. Araba, Gipuzkoa, Nafarroa, Baxenabarre eta Xiberotik jin jenteak egün osoan gogozkatzen izan dira pentsamentükatzeko hiri ttipien geroaz. Administrazionetik, ez dela gaüza handirik egürüki behar, petik, jenten inplikaziotik edo esküsartzetik eta ideietarik baizik ez dela zerbait asmatüko agertü da. Ideia eta esperientza horien partekatzeko, herri ttipien arteko sare baten bidean ezartea aipatürik izan da alkarretaratze hontan. Eüskal Herri osoan gisa hontako batzarrenen egitea dü helbürü Eusko Ikaskuntzak.
Eusko Ikaskuntzako Jean Michel Larraxket :

Maule-Lextarreko trein eküragia ohia, Departamentüko zerbütxügüne bat izanen da. Güne desbardinetan plantatürik diren jentarte zerbütxüak edota ekipamentükoak eta beste zonbait, güne hortan izanen dira. Hamazortzi bülego eginik izan dira, miliu bat eta 200 mila euro kostatü düelarik obrak. Bastimentüak, lehenagotik züan itxüra ederra begiratü düe. Lanak ürrentüko dira üda hontan eta urte ondarreko zerbütxüak hor izanen dira. Bada esperantxa ere, beste zerbütxürik jinen direla, Eüskal Alkargoa berriarekin. Bestalde, kanpoan botüa baztergia bat eta itzaldoi bat eginen dira, xedea lantzen delarik Maule-Lextarreko herriarekin.
Pepela Mirande Departamentüko kontselaria :

Igaran ostirale goizan (barantailaren 3a) Pauen, Hezkunde nazionalaren ordezkarritzan egin zen jünta batetarik, hein bat botzik elki dira sindikatak. Proposamenak alde honealat doatzala  zioien bilküratik landa. Xiberoari dagokionez, Mitikileko eskola den bezala baratüko da, Barkoxek RPI bat edo eskola botitze bat egin beharko dü, Sohüta edo Eskiularekin eta Santa Graziko eskolak zabalik jarraikiko dü aurten ere. Bestalde, elebitarzünaren galtoa gora doala erranik izan da. Orai artino, 5.300 haur dira elebidün sisteman eskolatürik, 250 sartzekoak direlarik 2017an. Esperantxa da 13 günetan murgiltze edo eüskara lehentarzünezko sistema baten ezartea ama eskoletan. Galtoaren eretzean, eüskaraz formatürik diren erakasle eskaza agertzen da. Ikuskaritzak egin proposamenak, barantailaren 13an trenkatüko dira orozbakoz….
UNSA sindikatüko Daniel Sainte Cluque :