Garazi Baigorriko Herri Alkargoaren ondotik , xiberoa herri alkargoak ere izenpetü dü haütetsi zonbaitek proposatü izan zaien ageria, zointan galtegiten den Frantses eta Español estatüer galtegiten zaien sar ditean baketze bidean. Azken arrestatzeen ondotik , haütetsi zonbaitek erabaki düe ageri horren presentatzea  Herri Alkargoetan, eta hala egin da Xiberoan.
Jean Pelle Iriart :

Jacques Barreix Urdiñarbeko ordezkaria da Xiberoko Botingoaren bürüzagi berria, iragan azaroaren 12az geroztik. Aho batez izentatürik izan da eta Jean Pierre Mirande, lüzaz kargüa segürtatü düanaren segida hartzen dü. Iragan neskenegünean eraman dü bere lehen biltzarra. jünta hontan bi delibero nausi hartürik izan dira. Lehenik Esküaldeko Parke Natural baten sortzeko egingarritarzüna eta interesaren neürtzeko gisan, 2017an estüdio baten egitea deliberatürik izan da eta bestetik, Ahuzki izenaren begirantxarentako ürratsen egitea. Jakin behar da Gers departamentüko entrepresa batek Ahüzkiko hurarekin Whisky baten egiteko xedea badüala, eta Ahüzki marka jadanik pausatüa düala. Xiberoko Botingoak, hebenko izenekin eta dügün irüdi honarekin ez beitü zer nahi egitera ützi nahi, eginahalak eginen dütü, Botingoako eremüan den hontarzünaren zaintzeko.
Jacques Barreix :

HELEPak ordezkatüko dütü oraiko Herri Alkargoak. Ikuspegi horrekila, düala aste zonbait, eüskal mündüa biltzen düan Eüskal Konfederazioak, galtegin dü HELEP-ak har dezan eüskararen esküdüntza, gure mintzajearen indartzeko xedez. Beharrak badirelarik, besteak beste, Xibero hontako inganiogünetan ez beita eüskarazko animazalerik, nahiz horrat jiten diren haurren %80 eüskaldüna izan. Helepak bere aldetik, esküdüntza honen hartzeko gogoa agertü dü. Allande Socarros :

Eüskal Herriko Herrien biltzarrak mozione inportant bat bozkatü dü bere geroarentako. Neskenegün goizan Maulen iragan den biltzarrean, Herri Alkargoa bakotxa da prefosta izan aipamen nausia. Hartakoz ere, biltzarrean kargüa gisa batez kanbiatüko da bozkatürik izan den mozione bati esker: Herri Alkargoa berrian lekü berri bat ükenen dü biltzarrak, hebentik aitzina aüzapez ororen kontseilü bat bilakatüko beita üsü aipatürik izan den hüllantarzün eskazari bürü egiteko. Lucien Betbeder Biltzar honen presidentaren arabera biltzarra indartürik izanen da hau dela medio. Dozena bat xiberotar haütetsi baizik ez ziren hor, inportant diren ondoko delibero horien berrien hartzeko.
Maite Etxevarria :