69 urtetan zentü da Albert Aguiar Santa Graziko aüzapeza. 1977an herriko oposizioneko zerrendan sartü zen. Hamabi hortan egonik,1989an aüzapez izendatürik izan zen, eta 28 urtez kargü hori segurtatü, berriki arte. Bere mandatu pean azpimarratzeko lanetan, Kakuetako arroilaren egokitze lanak, eta "Denen etxearen"eraikitzea besteak beste.
Bere ehortzeta meza, bihar ( neskenegünarekin), goizeko 10ak eterditan date.
Peio Ilheo Chouhourt :

Azkenean, bere aitzinkontüak trenkatü dütü Atharratzeko Kontseilüak. Eüskal Hirigüne Alkargoaren eta herrietako esküdüntzen partekatzeak beranta ekarri züan. Aurteko kontü horietzaz, azpimarratzekoa da herriak bere zorpetzea ttipitzen düala, eta, diharützaren gaintitik, plomatzea kausitzen. Horri esker herriko alkarteak orai arte beno haboro lagüntüren dütü (Maule-Lextarreko herriak apaltü dütüalarik) eta diharüsartzea ere goratü dü. Bestalde, martxo erditan jin zen errefüxiatü familiari batzarri egitea izigarri ontsa igaran da, bai errefüxiatüen bai eta lagüntzaleen aldetik ere. Orotara, 30 bat jentek beren lagüngoa ekarten deioe Siriako bikoteari eta beren haur gazteari. Arnaud Villeneuve aüzapeza :

Dakizüen bezala igande hontan date Frantziako hauteskundeen bigarren eta azken ützülia. Macron edo Le Pen-en artean bozkatzeko goizeko  8etan zabaltüko dira bozka güneak eta gaüko 8etan zerratüko. Sondage edo iritzi biltzaile oroek Macron irabazle gisa aipatzen badüe, balizate üsü bezala abstentzioa izaitea egiazko garailea. Ezen, xiberoan ere, programa baten alde beno, etsaiaren kontra egin gei düe hanitxek. Bena mauleko karriketan euskaraz arrapostu emaiteko 2 xiberotar ediren dutugu ; beha ditzagün :

Maiatzaren lehena arrakastatsüa izan da Maulen. Kasik 300 bat jentek ihardetsi deioe hainbat alkartek egin deiari. CGTren alkarretaratzean eta manifestaldian 100 bat pertsona bildü bada, Anti linky, LAB, etxarri kolektiboa, BDS, Xiberoots eta Zinkak deitütakoan kasik 200 bat. Xiberoots taldeak kamiu batetarik erauntsi dü karrika üngürü osoan, eta ürrentzean hamar bat lagün dolütan ageri ziren, beltzez beztitürik, hilkütxa baten eramaiten ari "demokrazia » idatzirik züalarik gainen.
Arño Aizaguer LAB sindikatakoa