Ezpeize eta üngürüko herritar berrier, hots harat heltü berrier batzarri eginik izan zaie astelehen gaüan, Ezpeizeko herriko gelan. 30 bat jente hüllantü da, 15 bat heltü berriez gain, besteak aüzapeza edo zinegotxiak zirelarik. Hitzaldien ondotik, jateko eta edatekoen üngürüan jenteak alkarrekila elestan baratü dira. Heltü berriek azpimarratü düe ideia izigarri hona zela, alkar ezagützeko parada emanik beitzen.
Heltü berri diren Benedicte eta Alain Ttanpe :

Atharratzeko Kontseilüak deliberatü dü Linky kuntür edo kontagailü komunikazalearen kontre agertzea. Hortarako geldialdi bat edo arrêté municipal bat hartü dü. Xiberoan hori egiten düan lehen herria da ; bena ez date azkena izan behar. Frantzia osoan bezala “anti linky” izenekotanda bat edo kolektibo bat sortü da eta bilkürak proposatzen dütü kontagailü horren kalteen ezagütarazteko. Hainbat herriko kontseilütan argibideen emaiten jarraikitzen dü. Hala, ondoko aste eta hilabeteetan beste herri zonbait “Linky kontagailü komünikazale horren kontre agertü beharko lirateke. Azpimarratzekoa da Atharratzeko Kontseilüak ahobatez bozkatü düala horren kontre agertzeko. Kalte hanitxen ekarle dela beitaküe, ‘ondes’ edo ühinengatik, edo zonbait sü-lotzen beitzaie; gaineala, entrepresa handiek kontagailüaren informazioneak oro beren interesen alde erabiliko dütüe, bizizaleen bizi pribatüan sartzez. Frantzian oranokoan, 300 herri linkyren kontre agertü dira.
Arnaud Villeneuve :

Maule-Lextarreko herrian egitasmü handiak badira eta zonbait obratüko dira 2017an. Hala, Agerria fraidetegi ohian hotel bat zabaltüko da dagün bedatsean ; bestalde Artatze Etxearen obrak hasiko dira Adinekoen Etxe ondoan eta Kabale Ehogian 2 miliuko sos-sartzea eginen da. Beste sail batetan HELEP edo Eüskal Herriko Alkargoako ordezkaria bozkatürik izan da : hau dateke Michel Etxebest, bere ordezkoa Sebastien Challa datekealarik.
Michel Etchebest :

Film gaüaldi bat antolatzen dü Mauleko Zinka ostatüak (2016/11/24). Frantziako estatuaren "état d’urgence’ edo salbüespenezko egoeraren urtebürüaren markatezko. Gogozkatzez egitea erabaki düe eta hortarako bi dokümentaletan hoinarritüko dira. Arratseko 8-etan “La strategié du choc” dokümentala eta 9ak eta 15etan « Les flics, (tout le monde déteste la police ?) » dokümentala. Horier soegin ondotik jenteak elestatzera eta eztabadakatzera kümit dirate. Edateko eta berek egin "pop corn" delakoa badateke.
Zinka alkarteko Iulen Guiresse :